Tíminn - 29.02.1992, Blaðsíða 19

Laugardagur 29. febrúar 1992 Tíminn 19
Eftir að Kristín hætti búskap sjálf,
gerðist hún ráðskona hjá Sigurjóni
syni sínum og gegndi því þar til nú
eftir áramótin, að hún varð að fara á
sjúkrahús. Það má því segja að hún
hafi allt sitt líf verið á sama staðn-
um, það er á Tindum. Ekki fór hún í
mikil ferðalög um dagana frekar en
aðrar alþýðukonur þess tíma; samt
sem áður var alveg ótrúleg þekking
hennar á staðháttum víðs vegar um
landið. Þessarar þekkingar aflaði
hún sér m.a. með lestri og því að
hafa afburða minni alveg fram á síð-
ustu daga.
Það eru margir unglingamir, sem
hafa verið í dvöl á Tindum um dag-
ana, bæði skyldir og óskyldir. Allir
bera hlýhug til þessara dvala og
margir hafa bundist Tindaheimilinu
viðvarandi vinarböndum .eftir dvöl-
ina.
Sérstök vom þau tengsl, sem alla
tíð voru milli þeirra systkina Krist-
ínar við Tindaheimilið. Einkum
vom tengsl foreldra minna við
Tindaheimilið mikil. Síðustu árin
dvöldu þau oft langdvölum á Tind-
um.
Kristín var ekki mikið fyrir að
troða sér fram meðal almennings,
en þar sem hún gerði, það var með
skömngsskap og festu. Hún kom
skoðunum sínum þannig fram að
enginn var í vafa þar um.
Mjög vom Kristínu ræktunarmál
hugleikin og hafði hún yndi af að
sýsla við garðrækt.
Á Tindum vom til hljóðfæri frá
gamalli tíð, m.a. orgel og síðan for-
láta píanó. Á þessi hljóðfæri lék
Kristín oft, þó aðallega fyrir sjálfa
sig, eins og hún sagði oft. Veit ég til
þess að hún samdi bæði lög og texta,
ef svo bar undir, án þess þó að mér
sé kunnugt um að þeir hafi verið
varðveittir. Hún var organisti í
Svínavatnskirkju ámm saman.
Okkur frænd- og vinafólkinu hér
fyrir sunnan er söknuður í huga,
þegar við sendum henni bestu
kveðjur með þakklæti fyrir góða við-
kynningu. Um leið og við vottum
bömum hennar, tengdasyni og
barnabömum okkar innilegustu
samúð, biðjum við Guð að fylgja
henni á leið til ljóssins.
Blessuð sé minning hennar.
Gísli Erlendsson,
Jónína Hjartardóttir
og fjölskylda
í dag verður jarðsungin frá Blöndu-
óskirkju föðursystir mín Kristín
Sigurjónsdóttir frá Tindum í Svína-
vatnshreppi. Kristín var fædd 22.
apríl árið 1915, en þann dag bar þá
upp á sumardaginn fyrsta. Hún hélt
æ síðan upp á afmælið sitt sumar-
daginn fyrsta, þó svo að þann dag
bæri víst sjaldnast upp á hinn raun-
vemlega afmælisdag. Þetta var tákn-
rænt fyrir Kristínu, þar sem hún
beið komu vorsins þegar sól hækkar
á lofti og gróðurinn fer að taka við
sér.
Kristín var þriðja barn af sjö börn-
um hjónanna frá Tindum, þeirra
Guðrúnar Erlendssonar og Sigur-
jóns Þorkelssonar, en systkini Krist-
ínar vom: Ástríður sem býr á Sel-
fossi; Erlendur, sem einnig bjó á
Selfossi en er nú látinn; Þorlákur,
faðir minn, sem býr í Reykjavík; Sig-
rún, sem féll frá aðeins 18 ára göm-
ul; Ingibjörg, sem nú er látin, en
hún bjó á Drangsnesi; og yngst er
Guðrún, sem býr í Reykjavík.
Skólaganga Kristínar var ekki
löng, ekki frekar en annarra barna á
þeim tíma sem hún ólst upp á. Auk
venjulegrar barnafræðslu í formi
farkennslu stundaði hún nám í
Kvennaskólanum á Blönduósi í bók-
legum og verklegum fræðum.
Um fermingaraldur hóf hún nám í
orgelleik. Kristín var um nokkur
árabil organisti við Svínavatnskirkju
og fórst henni það vel úr hendi, eins
og hennar var von og vísa, enda var
hún músíkölsk. Kristín hafði þá
náðargáfu til að bera að geta samið
lög og texta og vom lögin hennar oft
sungin þegar systkinin frá Tindum
komu saman á góðum stundum.
Kristín giftist 5. febrúar 1937 Lár-
usi Sigurðssyni frá Vöglum í Vatns-
dal. Fyrstu hjúskaparárin bjuggu
þau að Hamri í Svínavatnshreppi, en
árið 1944, þegar Sigurjón, faðir
Kristínar, fellur frá, flytja þau á
æskuheimili Kristínar að Tindum
og búa þar allan sinn búskap. Láms
fellur frá 14. október 1983, en hann
var fæddur 21. apríl 1906. Þeim varð
3ja barna auðið. Elstur er Sigurjón,
fæddur 1937, en hann býr nú að
Tindum og er oddviti sinnar sveitar.
Annar í röðinni var Gunnar, fæddur
1942, en hann lést aðeins 6 ára gam-
all og var hann þeim hjónum, svo og
öllum ættingjum, mikill harm-
dauði. Yngst er Gunnhildur, fædd
1951, og er hún gift Sigurði Ing-
þórssyni og búa þau á Blönduósi og
eiga þrjú börn, Lárus, Sigurjón og
Kristínu Rós. Barnabörnin vom
þeim hjónum Kristínu og Lámsi
einkar kær og voru börnin hjá þeim
öllum stundum, enda er stutt og
greiðfær leið frá Blönduósi að Tind-
um.
Það var gaman að koma heim að
Tindum, enda tóku Kristín og Láms
vel á móti öllum gestum og gang-
andi. Bar Kristín jafnan mikla um-
hyggju fyrir systkinum sínum og af-
komendum þeirra. Þau em nú orðin
mörg börnin, sem vom sumarlangt
hjá þeim hjónum Kristínu og Lár-
usi, og víst er að í dag hvarflar hug-
ur þeirra heim að Tindum á utfarar-
degi Stínu, eins og hún var ávallt
kölluð.
Ég og foreldrar mínir og systkini
kveðjum Kristínu Sigurjónsdóttur
frá Tindum með virðingu og þökk.
Ég sendi Sigurjóni og Gunnhildi
mínar innilegustu samúðarkveðjur.
Farþú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér ný fylgi,
hans dýrðarhnoss þú hljóta skalt.
(V. Briem)
Sigrún Þorláksdóttir
Látin er Kristín Sigurjónsdóttir á
Tindum í Svínavatnshreppi. Hún var
húsfreyja á Tindum í hálfa öld og að
henni er mikill sjónarsviptir í litlu
samfélagi.
Kristín var fædd á Tindum, dóttir
hjónanna Sigurjóns Þorlákssonar
og Guðrúnar Erlendsdóttur. Guð-
rún var dóttir Erlendar Eysteinsson-
ar á Beinakeldu, bróður Björns Ey-
steinssonar. Meðal systkina Guðrún-
ar vom Giljárbræður, Sigurður og
Jóhannes, Éysteinn á Beinakeldu,
Ragnhildur í Syðra-Vallholti, Sól-
veig á Reykjum og Jósefína Hansen
á Sauðárkróki.
Kristín ólst upp í stómm systk-
inahópi á Tindum. Þar var rómaður
rausnargarður og myndarheimili.
Sigurjón lét sér ekki nægja að taka
vel á móti gestum. Hann var orð-
lagður fyrir það hve vel hann gerði
við hesta ferðamanna.
Kristín var bráðvel gefin og fróð.
Hún nam við Kvennaskólann á
Blönduósi. Einnig lærði hún orgel-
leik og var um langt skeið organisti í
Afmælis- og minningargreinar
Þeim, sem óska birtingar á afmælis- og/eða
minningargreinum í blaðinu, er bent á, að þær þurfa
að berast a.m.k. tveiraur dögura fyrir bírtingardag.
Þœrþurfa að vera vélrítaðar.
sóknarkirkju sinni á Svínavatni-Árið
1937 giftist Kristín Lárusi Sigurðar-
syni, sem þá var bóndi á Gmnd. Lár-
us var merkilegur maður, alinn upp
í fátækt, en braust til góðra efna
með útsjónarsemi og dúgnaði. Stór-
vel gefinn og slyngur baráttumaður
og hlífði sér aldrei við átökum, stóð
á rétti sínum hvarvetna.
Kristín og Láms hófu búskap á
Hamri, en fluttu í Tinda 1944 og
bjuggu þar síðan þar til Láms lést
1983. Eftir það var Kristín bústýra
hjá syni sínum Sigurjóni allt til
endadægurs. Hún hélt háttum for-
eldra sinna með gestrisni og mynd-
arskap alla tíð. Hún var búhyggin,
fjölhæf, skapföst og dugleg. Metnað-
arfull var hún og mjög sterkur per-
sónuleiki.
Kristín og Láms eignuðust þrjú
börn: Sigurjón oddvita á Tindum;
Margréti Gunnhildi húsfreyju á
Blönduósi, gifta Sigurði Ingþórs-
syni; og Gunnar Ómar, hann lést á
barnsaldri og var þeim hjónum það
mjög þungbær sorg alla tíð.
Þau Sigurjón og Gunnhildur eru
mikið greindar- og ágætisfólk, svo
sem vænta mátti.
Með Kristínu er horfin stórbrotin
kona og minnisverð. Bam að aldri
dvaldi ég nokkrar vikur á heimili
hennar á farskóla og á um þá daga
bjartar minningar. Eg færi börnum
hennar og aðstandendum öðmm
hlýjar kveðjur frá Höllustaðafólki.
„Sumir bera byrðar sínar létt,
og brosa jafrwel móti stríðsins
degi,
þótt aðrir þreytist eftir stuttan
sprett,
og örmagnist á miðjum sléttum
vegi.“
(Helgi Valtýsson)
Kristínu auðnaðist að halda reisn
sinni til hinstu stundar.
F.h. Ríkisspítala og annarra stofnana eróskað eftir tilboðum I eft-
irtalda einnota vöruflokka.
1. Útboð 3790/2. Opnun 16/3/92 kl. 11.00.
Plasthlífðarhanskar, plastdýnuhlífar og plasthlífðarskór.
2. Útboð 3791/2. Opnun 13/3/92 kl. 11.00
Sterila nýrnabakka (Emesis Bows)
3. Útboð 3792/2. Opnun 18/3/92 kl. 11.00.
Sterila handþvottabursta fyrir skurðstofuborð.
Útboðsgögn eru seld á kr. 500,- fyrir hvert útboð á skrifstofu vorri,
Borgartúni 7, Reykjavík.
INNKAUPASTOFNUN RIKISINS
BORGARTÚNI 7.105 REYKJAVÍK
Sýslumaðurinn í Reykjavík
Skógarhlíð 6
Tilboð óskast I endurinnréttingu á 360 m2 skrifstofuhúsnæði á 1.
hæð í Skógarhlíð 6 í Reykjavík.
Verktími ertil 15. júní 1992.
Útboðsgögn verða afhent á skrifstofu vorri, Borgartúni 7, Reykja-
vík, til og með mánudegi 9. mars gegn 10.000,- kr. skilatrygg-
ingu.
Tilboð verða opnuð á skrifstofu I.R., Borgartúni 7, miðvikudaginn
11. mars 1992 kl. 14.00.
INNKAUPASTOFNUN RIKISINS
BORGARTÚNI 7 . 105 REYKJAVÍK
Páll Pétursson,
Höllustöðum
JSTOXíÐK)
$tTRIMA MOKSTURSTÆKI
DRÁITARVÉLAR
Fljóttengd tæki.
Á allar geröir.
Tvívirkt á lyftu og skóflu.
Mjög öflug.
1 stjórnstöng.
HOFÐABAKKA 9 112 REYKJAVIK SIMI 91-67000