Tíminn - 10.10.1992, Blaðsíða 17

Laugardagur 10. október 1992
Tíminn 17
Aui m mmMzi
J
ELFA-LVI
Einfaldir eða tvöfaldir olíufylltir
rafmagnsofnar350 - 2000w.
Hæð 30, 50 eða 59 cm.
ELFA-OSO
Hitakútar úr ryðfríu stáli. Stærðir
30- 300 lítra, útvegum aðrar stærðir
frá 400-10.000 lítra.
ELFA-VARMEBARONEN
Hitatúba / rafketill 12kw, 230v.
1 fasa. Útvegum aðrar stærðir allt
að 1200kw.
ELFA-VORTICE
Rafmagnsþilofnar, 600 - 2000w.
Elfa rafhitunarbúnaðurinn er þraut-
reyndurvið íslenskaraðstæður.
HAGSTÆTT VERÐ OG ■ ffmgm
GREIÐSLUSKILMÁLAR. utmM'
Einar Farestvett & Co.hf.
Borgartúni 28-3 622901 og 622900
Húsbréf
Innlausnarverð
húsbréfa
í 1. flokki 1991
Innlausnardagur
15. október 1992
Nafnverð Innlausnarverð
1.000.000 1.206.561
100.000 120.656
10.000 12.066
Innlausnarstaður:
Veðdeild Landsbanka Islands
Suðurlandsbraut 24.
HÚSNÆÐISSTOFNUN RÍKISINS
LJ HÚSBRÉFAOEILD SUÐURLANDSBRAUT 24 108 REYKJAVÍK SÍMI 91-696900
Fjórhjól til afgreiðslu strax:
HONDA Fourtrax (nýtt)........4x4
HONDA Odyssey Buggy..........2x4
POLARIS Trail Boss......:.....2x4
POLARIS Trail Boss...........4x4
YAMAHA FWA 350 ..............2x4
SUZUKI Quadracek .............2x4
Eigum mikið úrval vélsleða.
Tækjamiðlun íslands
Bíldshöfða 8. Sími 91-674727
Varanleg lausn
á vatnsbrettum, sterk, rakaþétt og viðhaldsfri.
Margir litir. Staðgreiðsluafsláttur.
Einnig sólbekkir og borðplötur i mörgum litum.
Ótrúlega lágt verð á legsteinum með rafbrenndum álplötum.
Sterkt og fallegt.
Marmaraiðjan, Höfðatúni 12.
Sími 629955. Fax 629956.
80 ára í dag:
Sigurður Gunnarsson
fyrrverandi skólastjóri
Fyrir stuttu var gamla Kennaraskóla-
húsið við Laufésveg opnað með við-
höfn eftir gagngerðar breytingar.
Kennarar og fjöldi annarra gesta
fögnuðu að þetta sögufræga hús
skyldi varðveitt og Kennarasamband
íslands tekið það í notkun. Ég vil nota
tækifærið og óska Kennarasamtök-
unum til hamingju með húsið.
Við opnunarhátíð hitti ég nokkur
gömul skólasystkini og við rifjuðum
upp ánægjulegar stundir frá námsár-
unum. Má með sanni segja að eftir-
launakennarar væru nú komnir
heim.
Einn starfsbræðra sem ég hitti var
Sigurður Gunnarsson, fyrrverandi
skólastjóri á Húsavík. Nú riQaðist upp
fyrir mér að hann átti áttræðisafmæli
efdr nokkra daga eða þann 10. októ-
ber. Ég get ekki látið hjá líða að senda
þessum starfsbróður og vini stutta af-
mæliskveðju. En ævistarf okkar
beggja hefúr mjög fallið í sama far-
veg, þ.e.a^. kennsla og ritstörf.
Sigurður Iauk kennaraprófi 1936.
En þar með er ekki sagt að námi hans
væri lokið. Hann hefur sífellt aukið
menntun sína og starfshæfhi á fjölda
námskeiða bæði heima og erlendis.
Framhaldsnám heftir hann mæ
stundað í Bretlandi og á Norðurlönd-
unum.
Kennslustarf Sigurðar er orðið langt
og margþætt. Lengst var hann skóla-
stjóri á Húsavík eða í 20 ár og síðar
var hann æfinga- og kennslufræði-
kennari við Kennaraskóla íslands í
nærfellt tvo áratugi. Hann var braut-
ryðjandi hér á landi í starfrænni
kennslu.
Sigurður er einkar háttvís maður og
ljúflyndur. Aldrei hef ég heyrt hann
segja hnjóðsyrði um nokkum mann.
Samviskusemi hans og dugnaði er
viðbrugðið.
Félagshyggja er Sigurði í blóð borin.
Ekki ætla ég mér þá dul að telja upp
allar þær nefhdir og félög sem Sig-
urður hefur starfað í, og þá langoftast
sem formaður. Þar get ég nefnt að
hann hefur verið formaður Kennara-
félags Suður-Þingeyinga og Kennara-
sambands Norðurlands. Einnig hefur
hann verið í stjóm skógræktarfélags,
skátafélags, bamavemdarfélags, og
formaður stjómar Kirkjukórasam-
bands Reykjavíkurprófastsdæmis.
En síðast en ekki síst hefur Sigurður
helgað bindindishreyfingunni krafta
sína. Hann hefur verið æðstitemplar
og stórgæslumaður unglingastarfs
IOGT. Stofnaði hann margar stúkur á
erindrekaárum sínum. Oft hefur Sig-
urður verið fulltrúi á þingum kenn-
ara og bindindismanna bæði heima
og erlendis.
Hin síðari ár hefúr Sigurður lengi
verið í stjóm Samtaka aldraðra og
unnið þar mikið og gifturíkt starf. Þá
á Sigurður sæti í stjóm Múlabæjar og
Hlíðabæjar, og hefúr unnið að mál-
efnum þessara þörfu stofnana af sín-
um alkunna dugnaði og skyldu-
rækni.
Kennslan og hin miklu félagsmála-
störf, sem hér hefúr verið stiklað á,
hefðu reynst hverjum manni ærið
ævistarf. En Sigurður hefur ekki látið
þar við sitja. Hann hefúr einnig verið
afkastamikill þýðandi og rithöfundur.
Sigurður hefúr þýtt úr ensku, en þó
aðallega úr Norðurlandamálum.
Telst mér til að hann hafi þýtt hátt í
sjötta tug bama- og unglingabóka. í
því ftölbreytta safni eru bækur
margra frægra höfúnda, td. Enid
Blyton, Robert Fisker, Alf Pröysen og
Astrid Lindgren.
Eins og alþjóð er kunnugt er Sigurð-
ur afbragðs útvarpsmaður. Margir
hafa hlustað með óblandinni ánægju
á framhaldssögur sem hann hefur
þýtt og lesið f útvarp. Má þar nefna
Saga um ástina og dauðann eftir
Knut Hauge, Sonur himins og jarðar
eftir Káre Holt og Örlagasteinninn
eftir Sigbjöm Hölmebakk.
Þá hefur Sigurður þýtt nokkur leik-
rit fyrir böm og unglinga, sem flutt
hafa verið í útvarp og náð miklum
vinsældum.
Enn er ótalið að Sigurður hefúr flutt
frumsamdar sögur, fjölmarga ferða-
þætti og erindi í útvarp.
Þrátt fyrir mikil afköst Sigurðar hef-
ur það ekki komið niður á verkum
hans. Hann skrifar gott og vandað
mál, stílsmáti hans er lipur og laus
við að vera stirður eða tyrfinn. Rit-
störf hans öll bera vott um vandvirkni
og smekkvísi.
Geta má þess að Sigurður er vel
skáldmæltur, þótt hann flíki lítið
ljóðagerð sinni. Hver þekkir ekki
skólasönginn alkunnæ í skólanum, í
skólanum er skemmtilegt að vera.
Fmmsamið efni eftir Sigurð er mik-
ið að vöxtum og af margvíslegum
toga spunnið. Er þar fyrst að nefna
ýmsar kennslubækur, sem hann hef-
ur ýmist samið einn, í félagi með öðr-
ARNAÐ HEILLA
um eða þýtt og staðfært Má þar
nefna Leiðsögn í átthagafræði, og
Kennslufræði. Hvers vegna fer það
svona? Fræðslubók fyrir unglinga
um áfengismál.
Þá hefur Sigurður skrifað þrjár at-
hyglisverðar bama- og unglingabæk-
ur, sem ísafold gaf út á árunum 1978-
’84. Þær heita Ævintýrin allt um
kring.Ævintýraheimar og Lífið allt er
ævintýr. Bækumar bera undirtitil-
inn: Frændi segir frá. Þessar bama-
bækur sameina mjög vel fræðslu- og
skemmtilestur.
Langstærsti hluti ritverka Sigurðar
er ritsafn hans, alls 4 bindi og er hvert
þeirra um og yfir 300 bls. að stærð,
þéttprentaðar. Bækumar heita: Or-
lofsför, Á flugi og ferð, í önnum dags-
ins og í önnum dagsins 2. Efni þessa
mikla ritsafns em ferðaþættir, erindi,
greinar, ávörp og ljóð við ýmis tæki-
færi.
Að enduðum löngum og farsælum
starfsdegi hefur Sigurður brugðið á
það ráð að safna saman fyrmefndu
efrii, sem birst hafði í ýmsum blöðum
og tímaritum um langt árabil.
En höfúndurinn lét ekki þar við sitja.
Til þess að draumurinn yrði að vem-
leika stofnaði hann sitt eigið forlag,
sem ber nafh æskuheimilis hans,
Skógar. Ritsafnið kom út 1984-1992.
í síðasta bindinu í önnum dagsins 2,
sem er nýlega komið út, er efnið enn
mjög ftölbreytt og forvitnilegt eins og
í fyrri bókunum. Má þar neftia ferða-
þætti frá Noregi, Kanada, Mexíkó og
víðar.
Þá em mjög fróðlegar greinar, Skóg-
ar í Öxarfirði, Lónaengið góða, Hugs-
að til Homstranda o.m.fl.
í þriðja kafla bókarinnar er minnst
nokkurra samstarfsmanna og vina,
lífs og liðinna. Má þar Ld. neftia Jón
Kr. Kristjánsson skólastjóra og Bjama
M. Gíslason skáld og hugsjónamann.
Síðasti kafli bókarinnar hefúr að
geyma ljóð og stökur. Þar er að finna
þessa hugljúfú ferskeytlu:
Þegar sól í heiði hlcer
og himnesk vorljóð óma,
engirm betra yndi íær
en óstir vors og blóma.
Ef að Iíkum lætur ber ekki mikið á
þessari nýju bók Sigurðar í önnum
dagsins 2 í bókaverslunum. Samt á
þessi athyglisverða bók erindi við
marga.
Ekki verður dregið í efa sögulegt
gildi ritsafris Sigurðar Gunnarssonar.
Þar er að finna margar skemmtilegar
og fróðlegar svipmyndir frá skólastarfi
og menningarlífi um og upp úr mið-
biki þessarar aldar, sem nú er senn að
kveðja.
Sigurður er kvæntur Guðrúnu
Karlsdóttur frá Seyðisfirði, hinni
ágætustu konu. Hún átti einnig
merkisafmæli á þessu ári. Þau hjón
eiga þrjá syni.
Að lokum vil ég geta þess, að nú hafa
þessi merkishjón ákveðið að gefa
Bókasafhi Suður-Þingeyinga á Húsa-
vík sitt stóra og dýrmæta einkabóka-
safn. Sigurður mun sjálfúr hafe bund-
ið inn stóran hluta bókanna sem safn
hans hefur að geyma. Handbragðið er
svo fallegt að engum dettur annað í
hug en verkið sé unnið af fagmanni.
Bókagjöf þeirra hjóna verður varð-
veitt sem sérstök deild í Bókasafni S-
Þingeyinga. Einnig hefúr Sigurður
gefið Borgarhólsskólanum fögætar
gamlar námsbækur og auk þess veg-
legt safn bama- og unglingabóka.
A þessum tímamótum sendi ég Sig-
urði og fjölskyldu hans innilegustu
ámaðaróskir í tilefhi dagsins. Vona ég
að þeim hjónum verði ævikvöldið
bjart og ánægjulegL
Besta afmælisósk Sigurði, vini mín-
um, til handa er sú, að hann megi enn
um ókomin ár halda starfekröftum til
að sinna áhugamálum sínum og
Ieggja góðum málefnum lið.
Að síðustu skal þess getið að þau
hjónin eru að heiman í dag.
Ármann Kr. Einarsson
Er napurt haustkul strýkur vanga og vör
það vekur tíðum ugg og nokkum kvíða.
Samt einn ég þekki, árum hlaðinn bör,
sem alltaf kann á vorsins rödd að hlýða.
Og því er bjart í hugarheimi hans
og hátt til lofts í andans frœða sölum.
Þótt vítt sé starfssvið þessa mceta manns,
er málið hreint sem blær í frónskum dölum.
Með viljastyrk og vinnuþrek í hönd
hann verkin skapar, færir þau í letur,
og kynnir gjaman ókunn undralönd
með eigin penna, fáum tekst það betur.
Það er svo margt, sem mœtti segja frá
um manninn Sigurð, Þingeyinginn kunna,
og ísland er í þakkarskuld við þá,
sem þekkja list og mannlífsgróðri unna.
Ég veit þú heldur áfram langa leið
og Ijóssins dísir megi hjá þér vaka.
Þú ruddir braut, svo gangan verður greið
og getur nú með stolti horft til baka.
Lóa Þorkelsdóttir