Tíminn - 06.10.1994, Blaðsíða 15

Fimmtudagur 6. október 1994
\SrVWW WW
15
Á bilinu 800-900 þúsund manns koma í Háskólabíó ár hvert, þar á mebal háskólanemar. Fribbert Pálsson framkvœmdastjóri:
„ Gott að hafa ungt og
ferskt fólk hér innandyra"
Fribbert Pálsson, framkvœmdastjóri Háskólabíós.
Tímamynd Pjetur
Háskólabíó er stærsta kvik-
myndahús hér á land, en þab
tekur um 1800 manns í sæti í
fímm sölum. A5 auki hýsir
Háskólabíó starfsemi Sinfón-
íuhljómsveitar íslands, Há-
skóli íslands leigir þar af>-
stöðu til kennslu og Lands-
banki Islands leigir þar einn-
ig aöstööu fyrir bankaútibú.
Háskólabíó er eign Sáttmála-
sjóös, en hann er í varöveislu
Háskólans.
Friðbert Pálsson, fram-
kvæmdastjóri Háskólabíós,
segir reksturinn hafa geng-
ið nokkuð samkvæmt áætlun á
undanförnum árum. Sam-
keppnin á þessum tíma hafi
harönað mjög mikið, en það sé
að mörgu léyti einungis til góðs.
Friðbert segir Háskólabíó örugg-
lega best nýtta samkomuhús á
landinu. „Það er starfsemi í því
frá kl. átta á morgnana og til
hálftvö á næturnar. Þá tekur vib
viðhald og hreingerningar og
það má því segja að líf sé í hús-
inu allan sólarhringinn. Þess má
geta að í Háskólabíó koma á bil-
inu 800-900 þúsund manns á
ári," segir Friðbert.
Undanfari stofnunar Háskóla-
bíós var stofnun Tjarnarbíós,
snemma á fimmta áratugnum,
og kom það til vegna mikillar
eftirspurnar eftir bíósýningum í
kjölfar hersetu hér á landi.
Tjarnarbíói var ætlað að skapa
Háskólanum tekjur til starfsemi
sinnar. Á næstu árum þróast
starfsemi fyrirtækisins og árið
1957 er tekin ákvörðun um að
byggja það sem þá var kallað
samkomuhús fyrir skólann, og
árið 1961 opnabi þab undir
nafninu Háskólabíó í því húsi
sem það er nú í. Árið 1987 er
síðan tekin ákvöröun um að
byggja við það húsnæði og voru
þá reistir fjórir salir meb um 800
sæti, sem þýbir ab nú eru í Há-
skólabíó um 1800 sæti og er það
langstærsta samkomu- og kvik-
myndahús á landinu. Voru nýju
salirnir fjórir opnabir árib 1990.
Hlutverk Háskólabíós hefur
breyst talsvert á þeim árum sem
liöin eru frá því að Tjarnarbíó
var stofnað. Þegar hönnun stóra
salarins í Háskólabíói hófst,
kom fram krafa frá hinu opin-
bera um að hann gæti líka hýst
Sinfóníuhljómsveit íslands,
sem þá var á hrakhólum. Frið-
bert Pálsson segir það hafa verið
nokkuð flókið verkefni úrlausn-
ar, þar sem hljómburður fyrir
lifandi tónlist krefjist allt öðru-
vísi húsnæðis en hljómburður
fyrir kvikmyndatónlist. Til að
leysa þetta var fenginn danskur
hljómburbarsérfræðingur, sem
vann við þetta verkefni á árun-
um 1959-61. Um var að ræða
virtan mann á sínu sviöi og má
sem dæmi nefna ab næsta verk-
efni hans á eftir Háskólabíói var
óperuhúsiö í Sydney í Ástralíu.
Eins og áður segir er Háskóla-
bíó í eigu Sáttmálasjóðs, sem
stofnaður var upp úr sambands-
slitum íslands og Danmerkur
1918. Hlutverk sjóðsins er að
styrkja menningarlegt samstarf
landanna tveggja og aðra
menningarstarfsemi innan HÍ.
Sjóðurinn er sjálfseignarstofn-
un og til hans renna um 90% af
skemmtanaskatti, sem Háskóla-
bíó innheimtir af hverjum seld-
um bíómiba, en þab eru um 75
kr. af hverjum bíómiða. Hagn-
aöi, ef hann verður, segir Frið-
bert að varið sé til framkvæmda
hjá fyrirtækinu og tap verði það
að bera sjálft. Hagnaðinn af
rekstrinum á undanförnum ára-
tugum má sjá í eignum bíósins
við Hagatorg, en þær eru metn-
ar á um 1,5 milljarða og eru
skuldir fyrirtækisins innan vib
10% af þeirri upphæð.
Þrátt fyrir að Háskólabíó sé
ekki beinn abili að Háskóla ís-
lands, eru tengsl þessara aðila
talsverb. Háskólinn leigir ab-
stöðu í skólanum fyrir kennslu
og á undanförnum árum hafa
aðrir þættir en kvikmyndasýn-
ingar sífellt verib að auka hlut
sinn. Auk kennslu hjá Háskóla
íslands má nefna tónleika,
fundi og ráðstefnur af ýmsu
tagi. „Ég geri fastlega ráð fyrir
því að bíósýningar hafi veriö á
bilinu 80- 90% af starfseminni
fyrir um 20 árum, en nú er þessi
hluti kominn niður í 33% af
heildarveltu. Það má kannski
segja að þetta hafi verið svar
okkar við harðari samkeppni á
bíómarkaöinum, þar sem rekstr-
arskilyrðin hafa farið versnandi
og því höfum viö leitaö á inn
nýjar brautir," segir Fribbert
Pálsson. Hann segist ennfremur
vera mjög ánægbur með sam-
starfið við Háskóla íslands og
nemendur hans.
Bíósókn íslendinga hefur um
langt árabil verib með því mesta
sem þekkist í heiminum og að
meðaltali fara Reykvíkingar um
10 sinnum í bíó á ári. Til saman-
burðar má nefna að í Noregi fer
almenningur að meðaltali um
fjórum sinnum í kvikmyndahús
á ári, í Danmörku tæplega þrisv-
ar og í Bretlandi um tvisvar
sinnum. Ástæðurnar segir Frið-
bert vera þá hefð sem er fyrir
bíóferðum hér á landi, aö ódýr-
ara sé að fara í bíó hér á landi og
að í kjölfar meiri samkeppni á
þessu sviði eru kvikmyndir glæ-
nýjar þegar þær eru frumsýndar
hér á landi.
Fribbert segist vera viss um að
framundan séu skemmtilegir
tímar og að Háskólabíó muni
leggja sig fram um að mæta
þörfum Háskólans hvað
kennsluhúsnæði varðar. Salir
Háskólabíós séu langbesta
kennsluhúsnæðiö sem skólinn
hafi yfir aö ráða í dag, og segir
Friðbert að þeir ætli að gera enn
betur. „Það er gott að hafa ungt
og ferskt fólk hér innandyra.
Það kemur með nýjar hug-
myndir og um húsið blása fersk-
ir vindar. Ég er viss um að sam-
starfið við Háskólann og nem-
endur hans skapar okkur þá
möguleika að vera fremstir á
þessum markaði," segir Friðbert
aö lokum. ■
Happdrætti Háskóla íslands
er svona vinsælt af því það greiðir
mest út til viðskiptavina sinna!
En HHÍ er ekki bara með hæsta vinningshlutfallið, heldur eru
vinningslíkurnar einnig mestar. Annar hver miði getur unnið.
Undanfarin 60 ár hafa tugþúsundir ungmenna hlotið menntun í Háskóla íslands,
þjóðinni til heilla. Þökk sé þér og Happdrætti Hákólans.
HAPPDRÆTTI
HÁSKÓLA ÍSLANDS
vænlegast til vinnings