Réttur - 01.07.1984, Blaðsíða 54

Sú er staða Reaganstjórnarinnar nú.
Það hefur ekkert skort á yfirlýsingar
Bandaríkjastjórnar um samningaviðleitni
og stuðning við friðartillögur Contadora-
ríkjanna. En þær duga skammt, það eru
verkin, sem tala.
Stjórn Nicaragúa hefur mátt verjast á-
sökunum Reagan-stjórnarinnar um hæg-
fara uppbyggingu á sama tíma og Reag-
an-stjórnin hefur ekki látið neitt tækifæri
ónotað til að gera að engu þær gífurlegu
umbætur í þágu alþýðunnar sem orðið
hafa eftir byltinguna.
Hvað sem líður öllum áróðri Reagan-
stjórnarinnar, stendur eftir sem áður sú
staðreynd, að það er ekki hernaðarleg
ógnun, sem henni og bandarísku auðvaldi
stafar af frelsisbaráttu þjóða Mið-Amer-
íku. Ekki heldur af einhverri ákveðinni
túlkun pólitískrar hugmyndafræði.
Bandarísku auðvaldi stafar fyrst og
fremst ógnun af þeim raunveruleika, sem
er Nicaragúa, Kúba og E1 Salvador og
Guatemala í vaxandi mæli. Þeim raun-
veruleika, að alþýða þessara landa eigi
fullan rétt á þeim grundvallarmannrétt-
indum, sem við hingað til höfum talið svo
sjálfsögð, að hún geti barist fyrir þeim og
í þeirri baráttu sigrað sterkasta hernaðar-
veldi heims.
Alþjóðlegt stuðningsstarf er mjög
mikilvægt og framlag okkar skiptir máli.
E1 Salvador-nefndin vill því hvetja þig,
lesandi góður, til þess að taka virkan þátt
í baráttunni gegn auðvaldi, gegn her-
valdi.
Vináttufélag
Vináttufélag ísland og Kúbu (VÍK) var
stofnað í nóvember 1971. Á hinum
Norðurlöndunum höfðu þá verið starf-
rækt samskonar félög um nokkurt skeið,
og 1970 hafði fyrsti norræni vinnuhópur-
inn — Brigada Nordica — farið til Kúbu,
dvalist þar í nokkrar vikur, unnið fyrir
byltinguna og kynnst landi og þjóð.
Spurnir bárust af þessum ferðum hingað
til íslands og kviknaði hér áhugi á þátt-
töku í þeim. Sumarið 1973 tóku fimm ís-
lendingar þátt í fjórðu norrænu vinnu-
ferðinni til Kúbu. Síðan hefur VÍK sent
þangað hóp af fólki á hverju ári og hefur
nú hátt á annað hundrað manns farið
héðan til Kúbu á vegum félagsins.
Starfsemi VÍK snýst að verulegu leyti
um þessar vinnuferðir, enda er undirbún-
ingur þeirra og skipulagning töluvert
starf. Félagið sendir fulltrúa sinn á árleg-
an fund norrænu vináttufélaganna, þar
sem næsta ferð er skipulögð og ýmis
framkvæmdaatriði rædd. Ferðin er síðan
auglýst hér heima. Reynist umsækjendur
vera fleiri en sætin sem íslendingum eru
ætluð í ferðinni, kemur það í hlut stjórnar
VÍK að velja og hafna. Síðan eru haldin
undirbúningsnámskeið, þar sem væntan-
legum Kúbuförum er sagt frá landinu sem
þeir ætla að heimsækja, þeim er fengið í
hendur lesefni sem félagið hefur útbúið
sérstaklega í þessum tilgangi og síðast en
ekki síst fá þeir tækifæri til að kynnast
hver öðrum og renna saman í samstilltan
hóp. Allir Kúbufarar gerast félagar í
VÍK, og eftir heimkomuna eru þeir oft
manna virkastir í félaginu.
Aðalfundir VÍK eru haldnir á haustin,
166