Réttur - 01.10.1984, Page 1
létbir
67. árgangur
1984 — 4. hefti
Sá andlegi og siðferðilegi sigur, er vannst í verkfalli BSRB er mikilvægari
en kaupgjaldshækkunin, er knúin varfram. Við samstöðuna og átökin kenndu
starfsmennirnir, ekki síst konurnar, máttar síns — og samtökunum óx ás-
megin við að finna til þess afls, er í þeim bjó og beita því við harðvítuga and-
stæðinga. Og fjöldi starfandi fólks mun og finna til þess skilnings að vart muni
nokkur kauphækkun örugg, fyrr en afturhaldsstjórn íhalds og Framsóknar
hefur verið rekin frá völdum.
Það er ekkert smáræði, sem um er barist.
Fyrir 40 árum tókst einni kynslóð vígreifrar alþýðu það kraftaverk að hefja
afnám fátæktarinnar og skapa bjargálnir undanfarinna áratuga hjá alþýðu.
Nú reynir ríkasta yfirstétt, sem á íslandi hefur drottnað að fremja það
níðingsverk að koma örbirgðinni aftur á hjá alþýðu. Á henni að takast
það? Kaupránslögin illu voru upphafið.
Það er ætlun hennar að gera íslenska alþýðu að þrælalýð, — eigi aðeins
fyrir sig, heldur og handa erlendum auðhringum og herdrottnalýð.
Það er um þetta, sem er barist og verður barist.
Og eigi aðeins um þetta.
Þessi forríka og hrokafulla yfirstétt er um leið og að reyna að ræna auð-
lindum íslendinga, — fyrst og fremst fossaflinu handa erlendum einokunar-
hringum. Og samtímis vinnur hún að því að selja íslendinga í skuldaþrældóm
hjá versta okurveldi heims, auðvaldi Bandaríkjanna.
Álsamningurinn 1984 er versta frelsis- og yfirráðaafsal íslendinga á efna-
hagssviðinu síðan 1961 að ríkisstjórn (halds og Alþýðuflokks sömdu við
Breta um að (slendingar skyldu aldrei stækka fiskveiðilögsöguna upp úr 12
mílum nema með leyfi Breta og Haagdómstólsins. Þá lýsti stjórnarandstaðan,
Alþýðubandalag og Framsókn, yfir því að þessir flokkar myndu rifta þessum
nauðungarsamning, gerðum undir breskri hervaldsbeitingu, strax og þeir
kæmust til valda. Og til valda komust þeir 1971, riftu kúgunarsamningnum og
stækkuðu fiskveiðilögsöguna í 50 mílur — og síðar var 200 mílna markinu
náð. Fram til 1970 voru enn nokkrar leyfar manndóms hjá íhaldi og
Framsókn, þó látið væri undan hótunum hervalds og blekkingum auðhringa-
þjóna, — en nú er sem hermangsflokkar þessir séu alveg búnir að selja svo
sál og sannfæringu, að þeir geri samninga við erlenda auðhringi sem væru
þeir drottnandi erlend stórveldi en ísland nýlenda þeirra — og útlendum því
veitt hverskonar sérréttindi í landinu, en „hinir innfæddu" sviftir mannréttind-
um með bráðabirgðalögum, seldir í þrældóm kaupkúgunar og hlaðnir skulda-
böggum, allt til þjónkunar hinu erlenda kúgunarvaldi.