Réttur - 01.10.1984, Side 10

að ekki sé fjallað sérstaklega um þau átök
sem áttu sér stað í tengslum við BSRB-
deiluna og sérstaklega snertu starfssvið
hinna almennu verkalýðsfélaga. Þar lá
iðulega við borð að til átaka kæmi. Þessi
átök höfðu þann svip að verkafólk — í
BSRB annars vegar og í almennu verka-
lýðsfélögunum hins vegar væri að takast
á um framkvæmd deilunnar. I rauninni
voru þessi átök þó fyrst og fremst skipu-
lögð af atvinnurekendum sem beittu valdi
sínu til þess að þvinga fram afgreiðslur á
skipum sínum. Þessar deilur voru engu að
síður af því tagi að nauðsynlegt er fyrir
ASÍ og BSRB að koma sér saman um
samskiptareglur framvegis í kjaradeilum.
Fyrsta áfanga kjarabaráttu er lokið.
Framundan er næsti áfangi. í aðdraganda
hans verður að gera fólki ljóst að kjara-
baráttan ein og sér dugir ekki nema um
skeið. Til þess að árangur kjarabarátt-
unnar verði varanlegur þarf að ná fram
pólitískum breytingum í þjóðfélaginu.
Þessar breytingar þurfa að vera á sósíal-
ískum grunni. Þær taki mið af hagsmun-
um vinnandi stétta en gangi á hólm við
peningaöflin í landinu og handbendi
þeirra. Um þessar mundir eru sex þing-
flokkar á alþingi. Vinstrimenn dreifa
kröftunum á marga flokka þó þeim sé
lífsnauðsyn að standa saman. Vitaskuld
ætti verkalýðshreyfingin að gera sitt til
þess að knýja fram samstöðu um sterkan
verkalýðsflokk sem hefur í fullu tré við
afturhaldsöflin í landinu.
í undirbúningi næstu kjaraátaka þarf
að leggja áherslu á eftirfarandi:
1. Að samstaða verkalýðshreyfingarinn-
ar um kröfugerð alla sé sem best.
2. Að samstarf í vinnudeilum, er til átaka
kemur, verði hnökralaust.
3. Að verkalýðshreyfingin setji fram sín-
ar tillögur um það hvernig á að breyta
þjóðfélaginu launafólki í vil. Slíkar til-
lögur gætu orðið upphafið á sigurgöngu
faglegarar og pólitískrar verkalýðs-
hreyfingar.
í verkfalli BSRB breyttist margt —
meðal annars öðlaðist fólk þar nýja sýn
með þátttöku í verkfallinu. Upp úr þess-
um jarðvegi getur sprottið stofn sem ber
nýja sprota á komandi árum til betri lífs-
kjara, jafnréttis og lýðræðis.
Gengislækkunin
Ríkisstjórnin ákvað mánudaginn 19.
nóvember nýja gengisskráningu. Gengið
féll þann dag um 12,9% en hafði sigið
næstu daga á undan, þannig nam gengis-
lækkunin um 15,9%. Hækkun erlendra
gjaldmiðla í íslenskri mynt nam 18,9%.
Frá því að ríkisstjórn Steingríms Her-
mannssonar tók við 27. maí 1983 hefur
gengi íslensku krónunnar fallið með þeim
hætti að erlendir gjaldmiðlar hafa hækk-
að í verði um 56%.
Þessi gengislækkun ríkisstjórnarinnar
er frábrugðin gengislækkunum fyrri ára
að því leyti að hún er á engan hátt bætt í
kaupi því verðbætur á laun eru bannaðar
með iögum frá því ríkisstjórnin tók við.
Gengislækkunin 20. nóvember hefur
tvíþættan tilgang:
1) að ræna verkafólk aftur því sem náðist
í kjarasamningunum sem gerð er grein
fyrir hér á undan.
2) að lama verkafólk þannig að það þori
ekki að leggja til atlögu við stjórnar-
stefnuna og afleiðingar hennar á nýjan
leik eins og gert var í BSRB-verkfall-
inu.
Gengislækkunin er auk alls þessa ein-
staklega fólskuleg vegna þess að þær
kostnaðarhækkanir sem henni er ætlað að
186