Réttur - 01.10.1984, Side 24

Atkvæðagreiðslan og umræðurnar komu
Bishop og stuðningsmönnum hans á
óvart. Spurningin um forystuna hafði
ekki verið til umræðu áður og aldrei hafði
komið fram sérstök gagnrýni á Bishop.
Allt í einu þótti Bishop ekki hæfur til að
leiða flokkinn og þar með var byltingin í
hættu. Eina leiðin til úrbóta var að deila
forystunni.
Bishop fékk umhugsunarfrest og af-
þakkaði og þar með fóru hlutirnir að ger-
ast hratt. Hann var hnepptur í stofufang-
elsi, stórir mótmælafundir voru haldnir
og að lokum voru Bishop, Creft, White-
man, Bain og Noel myrtir. Atburðirnir
sem leiddu til morðanna eru enn óljósir
eins og t.d. hver það var sem tók hina
endanlegu ákvörðun. Eitt er þó víst:
Morðið á Bishop voru mestu mistök sem
hægt var að gera. Það jafngilti endalokum
byltingarinnar og opnaði Bandaríkjunum
leið til innrásar. Coard hefur ekki sagt
annað um þessa atburði en að hann beri
ekki ábyrgð á morðunum. Hann hvarf
einnig af sjónarsviðinu um sama leyti og
var ekki með í herráði Hudson Austin.
Flestar heimildir benda þó til að Coard
hafi staðið að baki alls þessa og hafi sett
Austin á toppinn til að tryggja sér stuðn-
ing hans. (Austin var annars þekktur sem
stuðningsmaður Bishops). Austin ásakaði
Bishop fyrir íhaldsemi og andbyltingar-
stefnu og einnig fyrir samvinnu við
Bandaríkin. ____
Hver svo sem tók ákvörðunina ætti að
hafa orð Fidels Castró í huga: „Engin
fræðikenning, ekkert prinsipp eða yfirlýst
stefnumið byltingarinnar og engin klofn-
ingur getur réttlætt það illvirki að myrða
Bishop og aðra heiðarlega leiðtoga í
gær. “
CIA?
Það er mikið af lausum endum og
spurningum sem enginn getur ennþá svar-
að varðandi þessa atburði. Menn þurfa
þó ekki að fara í grafgötur um veru CIA
á eynni, nánar til tekið í bandaríska há-
skólanum. CIA-menn eru sérfræðingar í
að koma auga á ágreining og ýta undir
hann og valda enn meiri klofningi á þann
hátt. Og eins og við vitum var ágreiningur
til staðar og þar með góður jarðvegur fyr-
ir aðgerðir CIA. Orðrómur hefur verið
um að CIA hafi náð að koma sínum
mönnum allt upp í miðstjórn flokksins.
Þetta er eitt af þeim atriðum sem aldrei
mun verða sannað.
Ári síðar
Einu ári síðar er landinu stjórnað af
Scoon landsstjóra og bandarískum ráð-
gjöfum.
Það hafa verið skotbardagar þar sem
Grenadamenn hafa verið drepnir. Lög-
reglan er öflug og strangt eftirlit er með
öllu.
Coard, Austin og félagar sitja í fang-
elsi, ákærðir fyrir morð og þeirra bíða
réttarhöld með bandarískum dómurum
og lögmönnum.
Lík Bishops er falið einhvers staðar
(kannski í Calivigny, skammt frá höfuð-
borginni). Það myndi valda ringulreið
fyrir Bandaríkjamenn ef Grenadabúar
fengju að jarðsetja hinn vinsæla leiðtoga
sinn. Nú er verið að safna undirskriftum
um allan heim til að fá bráðabirgðastjórn-
ina til að afhenda líkið (líkin).
Atvinnuleysi hefur tvöfaldast þvT marg-
ar framkvæmdir NJM hafa verið stöðvað-
ar og eignir eyðilagðar. Vændi hefur
blómstrað.
Gairy, einræðisherrann gamli, er kom-
200