Morgunblaðið - 31.12.2006, Síða 33

MORGUNBLAÐIÐ SUNNUDAGUR 31. DESEMBER 2006 33
SINUELDAR geysuðu á Mýrum í Borgarfirði í lok mars. Talið er að gróður á um 60 til 70 fer-
kílómetrum lands á tólf jörðum hafi brunnið. Ekki urðu slys á fólki eða skepnum og ekki annað
tjón en á gróðri þar sem naumlega tókst að stöðva eldinn rétt við nokkur íbúðarhús. Reykinn lagði
langar leiðir. Unnið hefur verið að rannsóknum á afleiðingum sinueldanna á gróður og dýralíf.
Morgunblaðið/RAX
Mannvirkjum bjargað þegar Mýrarnar brunnu í sinueldum
SILVÍA Nótt fór enga frægðarför til Aþenu sem fulltrúi
Íslendinga í Evróvisijónkeppninni síðastliðið vor, komst
ekki í úrslitakeppnina. Hún fékk raunar blendnar viðtökur
því það var púað á hana fyrir og eftir flutning hennar á
laginu Congratulations eftir Þorvald Bjarna Þorvaldsson
en þegar baulinu linnti heyrðust fagnaðarlæti. Silvía Nótt
var ekki ánægð þegar úrslit atkvæðagreiðslu úr forkeppn-
inni lágu fyrir og hún birtist í fylgd lífvarða.
Morgunblaðið/Eggert
Silvía Nótt komst ekki í úrslit
BANDARÍKJAMENN tilkynntu íslenskum stjórnvöldum í mars að varn-
arliðið myndi hverfa af landi brott á árinu eftir meira en hálfrar aldrar sam-
fellda veru á Keflavíkurflugvelli. Þá þegar var hafist handa við brottflutning
liðsins og var honum lokið 1. október þegar bandaríski fáninn var dreginn
niður til marks um lokun herstöðvarinnar á Miðnesheiði. Íslensk stjórnvöld
tóku við fasteignum varnarliðsins og ýmsum verkefnum vegna alþjóða-
flugvallarins og hefur verið unnið að undirbúningi þess að koma eignum á
fyrrum varnarliðssvæði í borgaraleg not.
Morgunblaðið/ÞÖK
Varnarliðið hvarf af landi brott
NÝR meirihluti tók við völdum í borgarstjórn Reykjavíkur eftir sveit-
arstjórnarkosningar í vor en flokkarnir sem mynduðu Reykjavíkurlistann
misstu meirihluta sinn. Fulltrúar Sjálfstæðisflokksins mynduðu meirihluta
með fulltrúa Framsóknarflokksins. Vilhjálmur Þ. Vilhjálmsson Sjálfstæð-
isflokki varð borgarstjóri og Björn Ingi Hrafnsson Framsóknarflokki for-
maður borgarráðs. Myndin var tekin þegar Vilhjálmur og Ólafur F. Magn-
ússon borgarfulltrúar biðu fyrstu talna úr talningunni.
Morgunblaðið/ÞÖK
Nýir menn komust til valda
ÓVENJULEGA mörg alvarleg umferðarslys urðu á land-
inu á árinu og létust í þeim þrjátíu manns. Myndin var tek-
in á slysavettvangi á Vesturlandsvegi á Kjalarnesi í ágúst.
Miklar umræður hafa spunnist um umferðaröryggi og
umbætur á vegakerfinu, einkum á umferðarþyngstu veg-
unum í nágrenni höfuðborgarsvæðisins.
Morgunblaðið/Júlíus
Fjöldi alvarlegra umferðarslysa