Morgunblaðið - 31.12.2006, Qupperneq 23

MORGUNBLAÐIÐ SUNNUDAGUR 31. DESEMBER 2006 23
Þegar kemur að starfinu er fernt semstendur upp úr í huga Finns Svein-björnssonar bankastjóra Icebank,sem áður hét Sparisjóðabanki Ís-
lands, þegar hann lítur til baka yfir árið. „Í
fyrsta lagi ný framtíðarsýn sem eigendur Ice-
bank, sparisjóðirnir í landinu, settu bankanum
og sú fyrirætlun þeirra að opna eignarhaldið og
skrá hlutabréfin í Kauphöllinni. Þessar ákvarð-
anir einkennast bæði af djörfung og framsýni.
Í öðru lagi nefni ég samruna sparisjóða og
þar ber hæst nýafstaðinn samruna Sparisjóðs
vélstjóra og Sparisjóðs Hafnarfjarðar. Að mínu
mati er hafin þróun sem á örfáum árum mun
leiða til algerrar uppstokkunar í sparisjóða-
kerfinu.
Í þriðja lagi nefni ég glímu íslenskra fjár-
málafyrirtækja við andsnúna erlenda aðila í
kjölfar þess að alþjóðlegt lánshæfismatsfyr-
irtæki breytti í febrúar sl. horfum fyrir láns-
hæfismat íslenska ríkisins úr stöðugum í nei-
kvæðar. Andrúmsloftið víða erlendis var
virkilega neikvætt á tímabili. Sem betur fer
tókst með samstilltu átaki að snúa vörn í sókn.
Þar eiga stóru íslensku bankarnir og Við-
skiptaráð sérstakan heiður skilinn en fjölmarg-
ir aðrir einkaaðilar og opinberir aðilar lögðu á
sig mikla vinnu í þessari orrahríð. Þótt það
versta sé afstaðið er þó greinilegt að áhrifanna
mun gæta í lakari lánskjörum erlendis, gagn-
rýnna viðhorfi, varfærni og jafnvel tortryggni
um eitthvert skeið. Reyndar sýnir ákvörðun
Standard & Poor’s í síðustu viku um að lækka
lánshæfismat íslenska ríkisins að það er enn á
brattann að sækja.
Í fjórða lagi nefni ég söluna á Kauphöll Ís-
lands og Verðbréfaskráningu Íslands til er-
lendra aðila. Það stendur yfir mikil uppstokkun
í þessari atvinnugrein og það var raunveruleg
hætta á að þessi mikilvægu íslensku fyrirtæki
hefðu einangrast sem hefði getað haft neikvæð-
ar afleiðingar fyrir frekari framþróun.“
Í striklotu upp um fjöll
Þegar Finnur lítur sér nær segir hann að ár-
ið hafi verið farsælt. „Ég og mínir nánustu vor-
um heilsuhraust og börnin héldu áfram að sýna
að þau eru heilsteyptir einstaklingar. Sonurinn
fékk bílpróf fyrr á árinu og sem betur fer virð-
ist hann haga sér skikkanlega í umferðinni.
Einna minnisstæðast á árinu eru ferðir okkar
hjóna og heimilishundsins í striklotu upp á
Snæfell og Herðubreið og umhverfis Langasjó,
þrjú ein í náinni snertingu við náttúruna, fjarri
áreiti og skarkala. Við gengum einnig á
Hvannadalshnúk í vor með systkinum og mök-
um og upplifðum svo sannarlega breytileika ís-
lensks veðurfars. Þessar ferðir og fyrri göngu-
og bílferðir um óbyggðir hafa smám saman
opnað augu mín fyrir mikilfengleik íslenskrar
náttúru og hversu mikil verðmæti eru í henni
fólgin.“
Brotthvarf stjórnmálamanna tímamót
Þegar Finnur er beðinn að nefna atburði
fjarri sjálfum sér og fjármálaþjónustu á líðandi
ári talar hann um brotthvarf Halldórs Ás-
grímssonar úr stjórnmálum sem ásamt brott-
hvarfi Davíðs Oddssonar í fyrra marki ákveðin
tímamót. Einnig nefnir hann brotthvarf varn-
arliðsins og það endurmat á öryggismálum Ís-
lands sem hafið er.
„Þá nefni ég skipbrot Íraksstefnu Bandaríkj-
anna og Bretlands, afleitt gengi repúblikana í
þingkosningum í Bandaríkjunum, veika stöðu
Bush Bandaríkjaforseta og þá erfiðu stöðu sem
stefna hans og framganga hefur komið Banda-
ríkjunum í víða um heim. Einnig nefni ég sívax-
andi efnahagslegan og pólitískan styrk Ind-
lands og Kína sem smám saman mun gerbreyta
valdahlutföllum í heiminum.“
Að síðustu getur Finnur um togstreitu ólíkra
menningarheima. „Það er sárt að horfa upp á
að mannkynið geti ekki lifað saman í sátt og
samlyndi og að ofbeldi í heiminu virðist fara sí-
fellt vaxandi.“
Finnur Sveinbjörnsson, bankastjóri Icebank
Djörfung og framsýni eigenda Icebank
Morgunblaðið/Ásdís
Mér finnst félagið hafaeflst mjög mikið á þessuári. Félagsstarfið íStangarhyl 4 er orðið
mjög blómlegt og þangað koma upp
undir þúsund manns á viku,“ segir
Margrét Margeirsdóttir.
„Það sem stendur upp úr er að Fé-
lag eldri borgara í Reykjavík átti 20
ára afmæli á árinu og var þess minnst
með glæsibrag í heila viku. Við héld-
um meðal annars briddsmót, skák-
mót og tónleika í Grafarvogskirkju og
einnig sýndi leikfélagið í Iðnó. Dag-
skránni lauk svo með hátíð-
arsamkomu á Hótel Sögu þar sem
forseti Íslands flutti ávarp og fjöldi
listamanna kom fram. Í byrjun sept-
ember var félaginu boðið að kynna
starf sitt á stórri sýningu í Egilshöll,
sem var mikill heiður og krafðist mik-
ils undirbúnings. Við fluttum í annað
húsnæði árið 2005 sem er mjög heppi-
legt fyrir okkar starfsemi, því við gát-
um sameinað félagsstarfið og skrif-
stofuna undir einu þaki. Við höfum
lagt mikla áherslu á að kynna félagið í
fjölmiðlum og einnig hefur verið leit-
að mikið til okkar um að kynna mál-
efni eldri borgara á ráðstefnum, þing-
um og fundum. Við erum á góðri
siglingu að mínu mati.“
Félag eldri borgara hefur lagt
áherslu á að byggja upp samstarf við
Reykjavíkurborg á undanförnum
misserum og segir Margrét það líka
mjög mikilvægt, þar sem fulltrúar
þess eiga nú sæti í tíu starfshópum og
nefndum um bætta þjónustu á vegum
borgarinnar.
„Það sem stendur upp úr í einkalíf-
inu hjá okkur hjónum er langömmu-
og langafabarn sem fæddist 15. júní,
stúlka sem var skírð í október síðast-
liðnum. Einnig var ég viðstödd opnun
ljósmyndasýningar sonar míns,
Björns Margeirs Sigurjónssonar, í
Ljósmyndasafni Reykjavíkur fyrr í
þessum mánuði, sem var líka mjög
ánægjulegt. Þetta er önnur sýningin
sem hann heldur á þessu ári.“
Skerðingar og flækjur
„Sumarið var reyndar nokkuð
óvenjulegt, þar sem ég gat eiginlega
ekkert ferðast vegna nefndarstarfa.
Ég þurfti að vera í bænum þar til í
júlílok og hef því lítið verið í sum-
arbústaðnum okkar í Skagafirði.
Honum tengt er mikið baráttumál
sem ég hef brennandi áhuga á, en það
er verndun jökulsánna í Skagafirði,
þar eru okkar rætur.“
Margrét segir nokkur baráttumál
líka vera á döfinni hjá Félagi eldri
borgara í Reykjavík. „Í fyrsta lagi
þarf að færa málefni eldri borgara frá
ríkinu til sveitarfélaganna, fyrr verð-
ur engin heildarstefna í þessum mála-
flokki. Í öðru lagi þarf að endurskoða
lög um almannatryggingar, eða
hreinlega skera þá löggjöf upp eins
og hún leggur sig. Aldraðir sætta sig
ekki lengur við skerðingar og óskilj-
anlegar lagaflækjur. Við þurfum að
halda áfram að efla félagið og berjast
fyrir þessum aðkallandi breytingum á
stjórnsýslunni, enda er þjónusta við
eldri borgara nærþjónusta og sam-
þætting á heimaþjónustu og heima-
hjúkrun er algert grundvallaratriði
svo dæmi sé tekið. Við höfum reynslu
af þannig fyrirkomulagi frá Akureyri,
þar sem bærinn hefur stýrt heima-
þjónustu með þjónustusamningi við
ríkið og þar er ekki líku saman að
jafna. Það vantar áhuga og yfirsýn yf-
ir þennan málaflokk hjá ríkinu,“ segir
Margrét Margeirsdóttir.
Margrét Margeirsdóttir, formaður Félags
eldri borgara í Reykjavík
Á góðri siglingu
Morgunblaðið/Ásdís
Mér er efst í huga hversu gaman það hefurverið að taka þátt í uppbyggingu Heimilisog skóla með því frábæra fólki sem þarstarfar og situr í stjórn. Foreldrar eru stór
hópur með sameiginlega hagsmuni sem fara saman
hvar sem við búum á landinu. Okkar starf er að styðja
þá í uppeldishlutverkinu og virkja til þátttöku í skóla-
samfélaginu.
Heimili og skóli tók þátt í undirbúningi tveggja ráð-
stefna á árinu. Önnur fjallaði um móðurmál og íslensku-
kennslu fyrir nýja Íslendinga en framtíðarskólakerfi
þarf að hafa fjölmenningarlega heildarsýn svo hægt sé
að stuðla að jafnrétti allra og undirbúa þau jafnvel und-
ir lífið. Hin ráðstefnan fjallaði um markaðssókn fyr-
irtækja gagnvart börnum. Ásókn auglýsenda í athygli
barna eykst stöðugt í gegnum miðla eins og Netið sem
við foreldrar höfum mjög takmarkaða getu til að loka á.
Þessir sömu auglýsendur stefna nú hraðbyri inn í skóla
barnanna okkar. Þessi viðfangsefni þarfnast umræðu og
skýrrar stefnumörkunar á næstu árum,“ segir hún.
Lánsöm og þakklát
María Kristín segir að fyrir sig persónulega sé minn-
isstæðast „ævintýrið endalausa“ við að gera nýtt hús
fjölskyldunnar íbúðarhæft. „Við keyptum fyrir nokkru
hús sem við erum að gera upp og fluttum á meðan til
mömmu og pabba. Það reynir svo sannarlega á fjöl-
skyldur að búa saman í stærri einingum en ég er bæði
lánsöm og óendanlega þakklát að geta leitað til foreldra
minna um þennan stuðning. Bara að allir ættu slíkan
stuðning vísan. Dóttir mín tók líka þátt í og vann Stóru
upplestrarkeppnina í Hafnarfirði síðastliðið vor. Það er
örugglega ein besta tilfinning sem hægt er að upplifa
um ævina þegar börnin manns standa sig vel í ein-
hverju. Á næsta ári hlakka ég til að halda áfram upp-
byggingu Heimilis og skóla en við erum samtök í vexti,
ekki endilega örum, en öruggum. Heimili og skóli ætlar
á nýju ári að stofna til samræðu um hvaða gildi mennt-
un hefur fyrir sjálf okkur og þjóðfélagið í heild. Við vilj-
um líka láta enn frekar til okkar taka við mótun íslensks
skólastarfs og stuðningi við foreldra, sérstaklega nýja
Íslendinga.
Í landi þar sem hlutfall mæðra og feðra á vinnumark-
aði er það hæsta í heimi er alveg ljóst að við getum ekki
verið 100% foreldrar alltaf. Að tryggja hverju barni
bestu mögulegu skilyrði til uppvaxtar og verja það gegn
ónauðsynlegu áreiti er úrlausnarefni sem varðar öll
börn og foreldra. Það varðar líka fyrirtæki, fjölmiðla,
skóla og samfélagið allt. Mér var einu sinni sagt að
hægt væri að mæla gæði lífs í líðan barna. Barnauppeldi
er eitt erfiðasta en á sama tíma ánægjulegasta verkefni
sem fullorðnir takast á við. Það er einnig það verkefni
sem við fáum minnsta menntun til að leysa. Eitt það
mikilvægasta sem foreldrar geta gefið börnum er tími.
Umræða um misskiptingu auðs hefur verið hávær í
samfélaginu undanfarnar vikur en tími er sá auður sem
er ekki misskipt milli manna. Við eigum öll jafn mikið af
tíma, 24 tíma á sólarhring, 52 vikur og 365 daga á ári.
Hvernig við ráðstöfum þessum auði er algjörlega undir
okkur sjálfum komið. Hér ætla ég sjálf að gera betur á
næsta ári,“ segir María Kristín Gylfadóttir.
María Kristín Gylfadóttir formaður Heimilis og skóla
Tími ein mikilvægasta
gjöf foreldra til barna
Morgunblaðið/Ásdís