Fréttablaðið - 06.04.2009, Blaðsíða 25

MÁNUDAGUR 6. APRÍL 2009 3páskaferðir ● fréttablaðið ●
Stefnt er að því að hafa öll
skíðasvæði landsins opin um
páskana enda hefur snjónum
kyngt niður víða um land upp
á síðkastið og færið því upp á
sitt besta. Um páskana ræður
skíðagleðin ríkjum, tónlistin
ómar um brekkurnar og skíða-
menn geta keppt sín í milli eða
notið skemmtidagskrár.
Gangi veðurspáin eftir verður
opið í Bláfjöllum alla páskana.
Einar Bjarnason rekstrarstjóri
segir að snjórinn sé nægur og því
megi búast við að fólk flykkist í
fjallið og vilji skíða um páskana
ef veðrið verður gott. Hann segir
að opið verði um alla páskana, lif-
andi tónlist verði yfir daginn og
svo hefðbundin páskamessa hjá
Pálma Matthíassyni á páskadag.
Á Ísafirði verður hin árlega
skíðavika haldin um páskana og
þar hefur snjónum kyngt niður og
allt á kafi. Jón Páll Hreinsson, for-
stöðumaður skíðasvæðisins, segir
að skíðavikan sé hlaðin fjölbreyti-
legri skemmtidagskrá. Hún verður
sett á miðvikudag fyrir páska og
þá verður strax sprettganga á 100
metra skíðagöngubraut í miðbæn-
um.
Jón Páll segir að skíðasvæðið
verði opið alla páskadagana og
alltaf einhver dagskrá í gangi,
skíðaskotfimi, brettamót, furðu-
fatadagur, leikhús, tónleikar,
helgistund og garpamót þar sem
gamlir skíðakappar keppi í sam-
hliðasvigi. Á laugardaginn verði
svo rokkhátíð alþýðunnar eftir há-
degi, svo eitthvað sé nefnt. „Þetta
er mikið stuð,“ segir Jón Páll.
Skemmtidagskráin hefst strax á
skírdag á Skíðasvæðinu í Skarðs-
dal í Siglufirði. Þar verður barna-
gæsla og leikjabrautir allan dag-
inn á fimmtudag, föstudag og
laugardag. Á laugardaginn hefst
garpamótið Týrólastuð klukkan
þrjú og um kvöldið verður bretta-
sýning á gamla malarvellinum. Á
páskadag verður leikjabraut allan
daginn en páskaeggjamótið hefst
klukkan eitt. Á annan í páskum
verður svigmót fyrir hádegi og
brettamót eftir hádegi. Göngu-
brautin er að sjálfsögðu opin alla
daga.
Sannkallað ævintýri verður á
Akureyri. Í Hlíðarfjalli verður
skíðaskóli og ýmsar uppákomur,
meðal annars páskaeggjamót, sam-
hliðasvig niður í miðbæ Akureyrar
að kvöldi föstudagsins langa og
allir dagar þétt hlaðnir menningar-
og skemmtidagskrá. Guðmundur
Karl Jónsson, forstöðumaður
skíðasvæðisins, reiknar með þrjú
til fjögur þúsund gestum í Hlíðar-
fjall á hverjum degi og segist hafa
fengið góð vilyrði fyrir sól.
Í Fjarðabyggð verður „Týróla-
hátíð í austfirsku Ölpunum“ með
margvíslegri skemmtidagskrá.
Fyrir utan skíðin geta gestir farið
í göngur, sund, á ball og kjötsúpu-
kveðjuhátíð þar sem súpa verður
seld í ódýrari kantinum og rennur
ágóði til Björgunarsveitarinnar
á Norðfirði. Á laugardagskvöldið
verður flugeldasýning í Oddsskarði.
Ásta Þorleifsdóttir, framkvæmda-
stjóri Markaðs stofu Austur lands,
segir að í staðinn fyrir að horfa upp
í loftið og fá hálsríg geti áhorfendur
staðið uppi í fjallinu og haft flug-
eldasýninguna beint fyrir framan
sig. - ghs
Leikhús, skotfimi
og kjötsúpuhátíð
Hægt að fá kennslu Í Hlíðarfjalli verður fjölbreytileg skemmtidagskrá um páskana.
Börn og fullorðnir geta fengið skíðakennslu og svo er hægt að njóta tónlistar og
annarra skemmtiatriða. Á Akureyri verður páskaeggjamót og samhliðasvig svo fátt
eitt sé nefnt.
Búast má við fjöri í skíðabrekkunum
um páskana því þá draga landsmenn
fram skíðin og nota tímann sem mest í
brekkunum.
Hvannadalshnjúkur 2110 m
Bárðarbunga 2000 m
Kverkfjöll 1920 m
Snæfell 1833 m Herðubreið 1682 m
Hekla 1488 m
Snæfellsjökull 1446 m
Esja 914 m
Loðmundur 1477 m
Hraundrangi 1075 m
Bláfell 1204 m
Hengill 803 m
Ármannsfell 768 m
Valahnjúkur 458 m
Esja 914 m
Helgafell 338 m
Vífilsfell 677 m
Stóra-Dímon 178 m
Drangaskörð 250m
Kerling 1538 m
Mælifellshnjúkur 1138 m
Bláhnjúkur 940 m
Hornbjarg 534 m
Keilir 379 m
Öskjuhlíð 61 m
Skráðu þau fjöll sem þú gengur á í Fjallabók FÍ.
Í lok árs eru veittar viðurkenningar fyrir hverja fjallabók sem
þú hefur fyllt út og ferðafélagi hefur staðfest með undirskrift.
SKRÁÐU ÞIG INN – DRÍFÐU ÞIG ÚT!
SAFNAÐU
FJÖLLUM
MEÐ FERÐAFÉLAGI ÍSLANDS
G
ot
t F
ól
k