Lesbók Morgunblaðsins - 12.05.2007, Blaðsíða 9

stór svæðisbundinn dansflokkur í það að vera
einn af fjórum bestu dansflokkum Bandaríkj-
anna, ásamt American Ballet Theater, New
York City Ballet og Joffrey Ballet, að sögn
Önnu Kisselgoff.
Ástæðuna fyrir langlífi Helga í starfi segir
Anna vera þann eindregna stuðning sem
hann hefur. Að auki tíðkist ekki í Bandaríkj-
unum að skipta um listdansstjóra á nokkurra
ára fresti eins og venja sé sums staðar í Evr-
ópu.
“„Hérna eru ballettflokkar ekki rík-
isstyrktir. Ameríska ballettflokka hafa menn
byggt fyrir eigin atorku og oft reynist erfitt
að fjármagna reksturinn. Þeir sem taka þátt
í að setja á stofn ballettflokka eða blása nýju
lífi í þá sem fyrir eru, eins og í tilviki Helga,
vilja fylgja verkinu eftir.“
Anna segir þó að í fyrstu hafi Helgi ekki
notið jafn eindregins stuðnings og nú.
„Þegar Helgi tók við stjórnartaumunum
voru uppi gagnrýnisraddir sem sögðust ekki
vilja klassískan ballett eða ný-klassískan.
Margir héldu að Helgi ætlaði sér að skapa
eftirmynd af New York City Ballet en öllum
að óvörum gerði hann það ekki.“
Hann hafi lagt mikla áherslu á að bæta
klassíska tækni dansflokksins og þannig hafi
hann laðað að sér frábæra dansara alls stað-
ar að úr heiminum.
„Dansarar verða að vera mjög góðir á öll-
um sviðum til að komast að hjá San Franc-
isco Ballet,“ segir Anna og bætir við: „Fólk
heldur stundum að ballett sé íhaldsöm list-
grein en það er ekki rétt. Hefðin felst í þjálf-
uninni. Dansarar verða að fá góða hefð-
bundna þjálfun en síðan er hægt að leggja
hana til hliðar að vissu leyti og gera tilraunir
og ég held að Helgi hafi skilið það.“
Anna Kisselgoff segir að árangur Helga
Tómassonar með listdansflokkinn í San
Francisco sé einstakur. Hann hafi á skömm-
um tíma breikkað og bætt efnisskrána, fengið
til sín dansara í hæsta gæðaflokki, bætt
dansinn, aukið gæði ballettskólans og gert
San Francisco Ballet að viðurkenndum dans-
flokki um heim allan.
„Helgi er virtur dansfrömuður á heims-
mælikvarða sem ritað hefur nafn sitt á spjöld
danssögunnar, bæði sem dansari, listdans-
stjóri og danshöfundur.“
Ætlar til Íslands að sjá
sýningu Helga á Listahátíð
Síðan Helgi tók við listdansstjórn San Franc-
isco Ballet hefur hann samið yfir 30 verk fyr-
ir flokkinn. Anna segir að Helgi sé einstakur
danshöfundur en eins og gefi að skilja séu
sumir ballettar hans betri en aðrir. Sama
gildi um aðra danshöfunda. Hún segist skipa
honum sem danshöfundi í flokk með hinum
danska Peter Martins og kanadíska danshöf-
undinum James Kudelka.
Anna Kisselgoff starfaði sem aðaldans-
gagnrýnandi stórblaðsins New York Times í
tæp 30 ár en hún lét af störfum árið 2006.
Hún var fyrsti gagnrýnandinn sem spáði
Helga Tómassyni frægð og frama í heimi list-
dansins þegar hann var ungur dansari í New
York. Er talið víst að mat hennar hafi átt
sinn þátt í því hve vel var fylgst með honum
næstu árin. Árið 2002 sæmdi forseti Íslands,
Ólafur Ragnar Grímsson, Önnu Kisselgoff
Fálkaorðunni fyrir framlag hennar til dans-
listar og fyrir að hafa öðrum fremur beint
sjónum manna erlendis að Helga Tómassyni.
Nú hefur Helgi sett saman sýningu með
nokkrum af glæsilegustu verkum sínum sér-
staklega fyrir Listahátíð 2007 í Reykjavík.
Sýningin ber einfaldlega nafnið Helgi.
„Ég hef séð tvö þessara verka, Concerto
Grosso og 7 for Eight. Þau eru í ný-
klassískum stíl þar sem áherslan er lögð á
dansinn fremur en að segja sögu.“
Anna Kisselgoff ætlar að bregða sér til Ís-
lands og verður viðstödd frumsýninguna í
Borgarleikhúsinu hinn 16. maí. Hún ætlar
svo að skrifa um sýninguna fyrir vefsetrið
Voice of Dance, www.voiceofdance.com.
„Helgi vill sýna gæði dansins. Ég gæti trú-
að því að með þessari sýningu ætli Helgi að
sýna ballettflokkinn sinn, en ekki sjálfan
sig,“ segir Anna Kisselgoff að lokum.
r á heimsmælikvarða“
n hans. Þrátt fyrir það að hann væri fullkominn dansari var hann aldrei vélrænn.“
Höfundur er búsettur í New York.
Hjá New York City Ballet árin 1970 til 1984, ásamt Gelsey Kirkland í Four Bagatelles og í Coppelíu.
»Hann fer sér að engu
óðslega en er mjög
sterkur stjórnandi. Það að
hann sé hljóðlátur í fram-
göngu þýðir ekki að hann
sé feiminn eða óákveðinn.
Ballettflokkur hans í San
Francisco hefur komist til
æðstu metorða í heimi list-
dansins, þökk sé hans
sterka persónuleika.
Á sviðinu í Moskvukeppninni 1969.Með eiginkonu og syni á Markúsartorginu í Feneyjum 1968.
Ljósmynd/Ásta Sóllilja Guðmundsdóttir
 12
MORGUNBLAÐIÐ LAUGARDAGUR 12. MAÍ 2007 9