Lesbók Morgunblaðsins - 12.05.2007, Blaðsíða 15

Þetta ljóð er tileinkað Svövu Björnsdóttur. Skúlptúr-
verk hennar eru ekki lík neinu. Þau eru sérkennilega
kunnugleg og framandleg í senn, að breyttu breytanda
í ætt við það sem sagt var um verk annars myndlist-
armanns: „ljósmynd af draumi“. Verk Svövu minna á
að kjarni allrar leitar er einmitt leit að hinum óþekkta
kunnugleika, leit að andliti sem maður hefur aldrei séð
en nauðaþekkir samt.
Til Svövu Björnsdóttur
Andlit sem þú leitar
Andlit sem þú þekkir
Hefur samt aldrei séð
Leitar að spegli
Leitar að svörtu gleri
Leitar að mýkt
Andlit sem leitar
að andliti
Ljóðskáldið | Sigurður Pálsson fæddur á Skinnastað 1948
Ljóðabækur eftir Sigurð Pálsson: Ljóð vega salt (1975), Ljóð vega menn (1980), Ljóð vega gerð (1982), Ljóð námu land (1985), Ljóð námu menn (1988), Ljóð námu völd (1990), Ljóðlínudans (1993), Ljóðlínuskip (1995),
Ljóðvegasafn (fyrstu 3 ljóðabækurnar saman, 1996), Ljóðlínuspil (1997), Ljóðtímaskyn (1999), Ljóðtímaleit (2001), Ljóðtímavagn (2003) og Ljóðorkusvið (2006).
speglun
Morgunblaðið/Kristinn
MORGUNBLAÐIÐ LAUGARDAGUR 12. MAÍ 2007 15
lesbók
Hlustarinn
Það er ýmislegt á mín-um fóni þessa dag-
ana. Mest er það þó tengt
Listahátíð í ár. Reyndar
datt ég í Shostakovich eft-
ir að ég hlustaði á Sigurð
G. Tómasson og Guð-
mund Ólafsson spjalla um
rússneska tónlist í bland
við pólitíska íslenska út-
tekt. Satt að segja kom
mér á óvart hversu vel
Guðmundur er að sér um
ýmsar lítt þekktar dæg-
urlagasöngkonur þar að
austan.
Að austan koma margir
góðir tónlistarmenn og
þeir hafa iðulega verið á
mínum fóni. Hvoro-
stovsky er þar framarlega
með sína undurfögru
rússnesku tónlist. Hann
er fæddur í Síberíu eins
og Vengerov, mikið sem
hefur komið af góðum
tónlistarmönnum þar úr
freranum. Ekki vil ég
gleyma Balkankónginum
Bregovic, aldeilis ótrúlega
flott tónlist sem maður
verður aldrei leiður á.
Hann á það sameiginlegt
með Shostakovic að hafa
samið mikið fyrir kvik-
myndir, slík tónlist smýg-
ur vel inn í hlustirnar og
situr þar. Stemningsfull
og angurvær – eða hress-
andi og full af lífsgleði.
Brassið hjá Bregovic er
líka kapítuli út af fyrir sig,
smápönkað með tilheyr-
andi gjallhljóðmum og
úmbaba. Ég hlakka mikið
til að sjá Bregovic og hans
lið aftur og vona að Ís-
lendingar skemmti sér
jafn vel og aðrir sem sótt
hafa hans tónleika víðs
vegar um heiminn.
Þórunn Sigurðardóttir,
stjórnandi Listahátíðar í
Reykjavík.
Þórunn Aldeilis ótrúlega flott tónlist sem maður verður aldrei
leiður á, segir Þórunn um Balkankónginn Bregovic sem halda
mun tónleika á Listahátíð í Laugardalshöllinni 19. maí.
Gláparinn
Kvikmyndin sem breytti lífi mínu var Ver-tigo eftir Alfred Hitchcock. Því oftar
sem maður horfir á hana, því meiri upplýs-
ingar gefur hún frá sér. James Stewart er
leynilögga sem þjáist af lofthræðslu. Hann
fær það verkefni að fylgjast með eiginkonu
vinar síns, Kim Novak, sem reynir að stytta
sér aldur hvenær sem færi gefst. James Stew-
art verður sjúklega skotinn í henni, og þar
veðjar hann á rangan hest. Þessi kona er
nefnilega hlekkur í hinu fullkomna morði. Ef
maður lítur undir yfirborðið, þá kemst maður
að því að þetta er kvikmynd um mann, sem
verður ástfanginn af konu sem er ekki til.
Hitchcock gefur áhorfendum frelsi til að
spegla sig í James Stewart. Hve oft höfum við
sjálf orðið ástfangin af fólki, sem er bara til í
hausnum á okkur sjálfum? Svo erum við tilbú-
in til að leggja líf okkar í rúst, fyrir manneskju
sem er ekki til. Hitchcock tókst að búa til lista-
verk, magnaðar pælingar um mannlegt eðli,
dulbúið sem spennu- og afþreyingarmynd.
Páll Óskar Hjálmtýsson,
tónlistarmaður.
Páll Óskar „Hve oft höfum við sjálf orðið ástfangin af fólki, sem er bara til í hausnum á okkur
sjálfum? Svo erum við tilbúin til að leggja líf okkar í rúst, fyrir manneskju sem er ekki til.“