Morgunblaðið - 27.02.2007, Qupperneq 4

4 ÞRIÐJUDAGUR 27. FEBRÚAR 2007 MORGUNBLAÐIÐ
FRÉTTIR
HELENA Einarsdóttir, einn eigenda Elf Films,
sem samið hefur um kvikmyndaréttinn að gerð
bókar Thelmu Ásdísardóttur og Gerðar Kristn-
ýjar Guðjónsdóttur, sagði að hún og systur henn-
ar, þær Guðrún Ágústa og Birna Pálína, hefðu
verið viðloðandi kvikmyndagerð um árabil en
stofnað Elf Films fyrir fimm árum. Á heimasíðu
fyrirtækisins kemur fram að það annist fram-
leiðslu og þjónustu við gerð kvikmynda, auglýs-
inga, tónlistarmyndbanda, kynningarefnis o.fl.
Gerð handrits að kvikmyndinni er á frumstigi.
Helena sagði að búið væri að fá höfund að handrit-
inu en nafn hans verður ekki gefið upp að sinni. Nú
verður farið af fullum krafti í fjármögnun og aðra
undirbúningsvinnu. Á þessu stigi er ómögulegt að
segja hvort og hvenær myndin birtist á hvíta tjald-
inu, en mikilvægum áfanga er náð með kaupum á
kvikmyndaréttinum. Ekki er búið að ákveða hvort
kvikmyndin verður á íslensku eða ensku.
„Draumurinn er að myndin fari sem víðast,“
sagði Helena. „Bókin segir frá hræðilegum at-
burðum, en hún er líka full af von. Við sjáum
Thelmu sem sigurvegara.“
Sannleikurinn komi fram
Thelma Ásdísardóttir sagði að sér þætti mik-
ilvægt að það sem skipti máli í bókinni yrði ekki
kaffært í aukaatriðum. En hvað skiptir máli?
„Það að sannleikurinn komi fram og að ábyrgð-
in sé á réttum stað. T.d. að mamma verði ekki sett
upp sem einhver sem átti sök á þessu. Eins að
samfélagið verði ekki dregið fram og gert að
ófreskjum eða svikurum. Nágrannarnir voru
ósköp venjulegt fólk. Það hvað við getum lært af
þessu þarf einnig að koma fram,“ sagði Thelma.
Hún sagði að sér þætti stórkostlegt ef hún frétti af
fólki sem hefði leitað sér aðstoðar eftir að hafa les-
ið bókina eða séð kvikmyndina, verði hún gerð.
„Þau skilaboð eru vond að hafi fólk lent í þessu
eða svipuðu þá sé það búið að vera. Stundum er
þessu líkt við „sálarmorð“. Ég er þá mjög hraust-
lega afturgengin,“ sagði Thelma. „Ég vil að það
komi fram einhver bjartsýni og von, en ekki bara
dauði, leiðindi og algjör tortíming.“
Afþakkaði ritun kvikmyndahandritsins
Gerður Kristný sagði að bókin hefði haft þau
áhrif að heimsóknum til Stígamóta hefði fjölgað.
Ef sama þróun yrði úti í heimi myndi það gleðja
þær stöllur. Hún sagði og að það yrði ekkert sárt
að sjá annan höfund skrifa handrit að kvikmynd-
inni. Hún sagði að þær systur í Elf Films hefðu
spurt hvort hún vildi skrifa kvikmyndahandritið.
„Ég afþakkaði það strax, ég hef snúið mér að
öðru. Það verður ekkert sárt að sjá handrit annars
höfundar. Auk þess á ég þessa bók ekki ein, heldur
með Thelmu og systrum hennar.“
Sjá Thelmu Ásdísar-
dóttur sem sigurvegara
Telur það mikilvægt að sannleikurinn komi fram í væntanlegri kvikmynd
ÓLAFUR Ragnar Grímsson, forseti Íslands, opnaði
nýja heimasíðu forvarnarverkefnis Ungmennafélags
Íslands, Flott án fíknar, í Hamraskóla í gær. Tvær flug-
ur voru slegnar í einu höggi þar sem nemendur skólans
stofnuðu jafnframt deild innan samtakanna Flott án
fíknar. Allir nemendur áttunda bekkjar skólans gengu
til liðs við samtökin en foreldrar barnanna undirbjuggu
inngönguna í samvinnu við félagsmiðstöð skólans.
Að stofnuninni afstaðinni var haldið í líkamsræktar-
stöðina Laugar þar sem krakkarnir fengu að spreyta
sig á lóðum og tækjum fyrir ungt fólk og að lokum var
farið í heita pottinn í Laugardalslaug.
Morgunblaðið/G. Rúnar
Opnaði heimasíðu Flott án fíknar
SENDIRÁÐ Íslands í Suður-
Afríku var opnað með form-
legum hætti um miðjan dag í
gær. Valgerður Sverrisdóttir
utanríkisráðherra opnaði
sendiráðið sem staðsett er í
Pretoríu, 50 kílómetrum norð-
an Jóhannesarborgar. „Í raun
er verið að færa sendiráðið í
Mapútó [höfuðborg Mósamb-
ík] til Pretoríu, en ástæða þess
að það er gert er sú að við er-
um þeirrar skoðunar að Suð-
ur-Afríka gegni ákveðnu lyk-
ilhlutverki í Afríku og því
mikilvægara að sendiráðið sé
hérna, ekki síst fyrir við-
skiptalífið,“ segir Valgerður.
„Það eru mikil sóknarfæri í að
opna sendiráð hér þar sem
mikil þróun hefur átt sér stað í
álfunni. Þótt þróunin mætti
vera hraðari sums staðar er
hér um að ræða mikið framtíð-
arviðskiptasvæði.“ Valgerður
segir að ekki sé á dagskrá að
opna fleiri sendiráð í Suður-
Afríku, enda þótt sendiráðið í
Pretoríu þjóni 16 löndum. Seg-
ir hún að auk sendiráðsins séu
umdæmaskrifstofur Þróun-
arsamvinnustofnunar Íslands
á fjórum stöðum í Afríku, í
Mósambík, Úganda, Malaví og
Namibíu.
Makeba á meðal gesta
Sigríður Dúna Kristmunds-
dóttir sendiherra stjórnaði
opnunarathöfninni en þar
voru þjóðsöngvar Íslands og
Suður-Afríku leiknir við hátíð-
lega athöfn. Að sögn Val-
gerðar tókst opnunin afar vel
til og meðal viðstaddra var ein
frægasta söngkona Afríku,
Miriam Makeba. „Við opn-
unina greindi ég frá þeirri
ákvörðun að ríkisstjórn Ís-
lands mun styðja það starf
sem Miriam stendur fyrir en
það felur í sér rekstur athvarfs
fyrir afrískar stúlkur sem búa
á götunni,“ segir Valgerður og
bætir við að Landsbankinn,
Landsvirkjun og Marel hafi
einnig tekið ákvörðun um að
styðja starfið. Viðskipta-
sendinefnd níu íslenskra fyr-
irtækja sem eru með í för ráð-
herra hefur staðið í viðræðum
við innlenda aðila að und-
anförnu, í gær var ráðstefna í
Jóhannesarborg og á morgun
verður önnur ráðstefna haldin
í Höfðaborg í tengslum við ís-
lensku fyrirtækin.
Þörfin brýn
Spurð um viðtökurnar á
ferðalagi sínu um Afríku segir
Valgerður alveg einstakt
hvernig Íslendingum hefur
verið tekið. Á ferð sinni um
Úganda hafi hún fundið fyrir
miklu þakklæti vegna þróun-
arsamvinnu Íslands við þar-
lend stjórnvöld. „Þótt vissu-
lega séum við ekki að leggja
fram stórar upphæðir miðað
við stærri þjóðir er þetta
frambærilegt hjá okkur miðað
við mannfjölda,“ segir Val-
gerður og tekur fram að rík-
isstjórnin hafi markað þá
stefnu að auka greiðslur til
þróunarmála til ársins 2009 og
hið endanlega markmið sé að
ná þeim viðmiðum sem Sam-
einuðu þjóðirnar hafa sett
hvað varðar þróunarsam-
vinnu, en viðmiðin gera ráð
fyrir því að 0,7% landsfram-
leiðslu séu lögð til þróun-
araðstoðar. „Við verðum að
leggja okkar af mörkum því
þörfin er svo gríðarleg í Afr-
íku,“ segir utanríkisráðherra
að lokum.“
Utanríkisráðherra opnaði sendiráð Íslands í Suður-Afríku í gær við hátíðlega athöfn
„Mikil sóknarfæri í að opna sendiráð hér“
Opnun Ein frægasta söngkona Afríku, Miriam Makeba, var
meðal viðstaddra þegar sendiráðið var opnað.
Eftir Friðrik Ársælsson
friðrik@mbl.is
ÍSLENSKUR karlmaður á þrítugs-
aldri situr í gæsluvarðhaldi í Brem-
erhaven í Þýskalandi í kjölfar þess
að fimm kíló af hassi og 700 grömm
af amfetamíni fundust í fórum hans,
að því er Ríkisútvarpið greinir frá.
Íslendingurinn leitaði á náðir lög-
reglunnar í Bremen fyrir hálfgerða
tilviljun en þar á bæ komust menn að
því að Íslendingurinn var eftirlýstur
í Kaupmannahöfn fyrir maríjúana-
smygl. Húsleit var gerð á hótelher-
bergi mannsins í kjölfarið með fyrr-
greindum árangri.
Með fimm
kíló af hassi
EFNAHAGSBROTADEILD Ríkis-
lögreglustjóra hefur nú til skoðunar
mál er varðar meint stórfelld tolla-
lagabrot þriggja íslenskra bifreiða-
innflytjenda. Grunsemdir vöknuðu
hjá íslenskum tollyfirvöldum á síð-
asta ári um að innkaupsverð fjölda
bifreiða er fluttar voru til landsins
hefði verið ranglega talið fram við
tollafgreiðslu. Bandarísk tollyfirvöld
aðstoðuðu þau íslensku við að hafa
uppi á seljendum bifreiðanna ytra og
kom í ljós að 62 bifreiðar voru seldar
á hærra verði í Bandaríkjunum en
upp var gefið í tollskýrslum hér á
landi. Verið er að kanna hvort sama
hafi verið uppi á teningnum hvað
fjölda annarra bifreiða varðar.
Málið enn á byrjunarreit
Efnahagsbrotadeild Ríkislög-
reglustjóra fékk málið í hendur í
fyrra og segir Helgi Magnús Gunn-
arsson, saksóknari efnahagsbrota,
að málið sé enn á byrjunarreit, eng-
inn hafi verið boðaður í skýrslutöku
og ekki hafi verið tekin ákvörðun um
frekari rannsókn málsins. Að sögn
Helga snýst málið um að kaupverð
bifreiðanna í Bandaríkjunum er til-
greint lægra á aðflutningsskýrslu en
það er í raun og á grundvelli rangra
gagna komist innflytjendur hjá
greiðslu aðflutningsgjalda að hluta.
Helgi Magnús segir áþekk mál hafa
komið upp áður hjá lögreglu en
sönnunarstaðan hafi oft verið erfið.
Nefnir hann sem dæmi að seljendur í
Bandaríkjunum hafi neitað að koma
til Íslands og bera vitni í opinberu
máli og þar með hafi sök ekki verið
talin sönnuð. Aðspurður hvort eitt-
hvað varðandi málið sem upp er
komið upp gefi lögreglu tilefni til
þess að ætla að nú takist betur til,
segir Helgi að ekkert sé hægt að
segja um það á þessu stigi málsins,
til þess sé rannsókn þess alltof stutt
á veg komin.
Grunur
um tolla-
lagabrot
Mál þriggja bifreiða-
innflytjenda til skoðunar
Morgunblaðið/Brynjar Gauti
♦♦♦
SIÐANEFND Blaðamannafélags
Íslands hefur kveðið upp þann úr-
skurð að Blaðið hafi framið ámæl-
isvert brot gegn 3. grein siðareglna
blaðamanna í umfjöllun um samn-
inga milli Orkuveitu Reykjavíkur og
sveitarfélagsins Ölfuss.
Umfjöllunin sem kærð var fjallaði
um framkvæmdir Orkuveitunnar á
Hengilssvæðinu og hófst hún með
forsíðufrétt hinn 20. október sl. M.a.
var fyrirsögn Blaðsins röng og hafð-
ar voru uppi órökstuddar fullyrðing-
ar um verðmæti samninganna.
Ámælisvert
brot Blaðsins