Morgunblaðið - 27.02.2007, Blaðsíða 20

20 ÞRIÐJUDAGUR 27. FEBRÚAR 2007 MORGUNBLAÐIÐ
SUÐURNES
Eftir Helga Bjarnason
helgi@mbl.is
Reykjanesbær | „Í dagsins önn
gefst ekki alltaf tækifæri til að
staldra við og íhuga hvaða starf á
sér stað í skólanum og vildum við
því með þessu málþingi gefa fólki
tækifæri til að kynnast broti af því
starfi sem fram fer í Heiðarskóla,“
segir Sóley Halla Þórhallsdóttir, að-
stoðarskólastjóri Heiðarskóla í
Reykjanesbæ. Allt starfsfólk skól-
ans tók þátt í undirbúningi mál-
þings um skólamál sem haldið var í
skólanum sl. laugardag.
Sóley Halla segir að mikil gróska
sé í grunnskólunum, þegar hún er
spurð um tildrög málþingsins. Þar
sé unnið metnaðarfullt og faglegt
starf og mikið þróunar- og umbóta-
starf sem vert sé að vekja athygli á.
Uppeldi til ábyrgðar
Flutt voru fimmtán erindi um
málefni tengd starfi grunnskólans.
Sóley Halla segir að bóknámsgrein-
ar fái yfirleitt mikla athygli í um-
ræðu um skólamál. Ákveðið hafi
verið að beina kastljósinu meira að
nemandanum sjálfum á þessu mál-
þingi, meðal annars líðan hans og
félagslegum þáttum. „Starf skólans
er orðið svo víðfeðmt og þar er verið
að vinna mikið með líðan nemenda
og félagslega þætti. Kennarar og
starfsfólk skynja það sífellt betur að
nemandinn lærir lítið ef honum líður
illa,“ segir Sóley Halla.
Heiðarskóli tekur þátt í Olweus-
aráætluninni gegn einelti. Það starf
var sérstaklega kynnt á málþinginu
og árangur þess. Starfsfólkið hefur
verið kynna sér „Uppeldi til ábyrgð-
ar – uppbyggingu sjálfsaga“ og ver-
ið er að íhuga að taka það upp við
skólann. Um er að ræða uppeldis-
aðferð sem gengur út á það að efla
tilfinningaþroska nemenda, fé-
lagsfærni og siðferði. Kynnt var
verkefni sem unnið er að innan skól-
ans og nefnist „Líðan skiptir máli“.
Snýst það um jákvæða styrkingu
einstakra nemenda innan skóla-
veggjanna. Fengist hefur styrkur
hjá Manngildissjóði Reykjanesbæj-
ar til að vinna að því.
Þá var á málstefnunni sérstak-
lega farið yfir þætti sem sérstök
rækt hefur verið lögð við í starfi
Heiðarskóla, það er að segja verk-
og listgreinar og íþróttir. Sóley
Halla segir að kynning á dans-
kennslunni hafi til að mynda vakið
athygli.
„Okkur þótti skemmtilegt að
vinna að undirbúningi þessa mál-
þings. Við sáum að það var gott fyr-
ir okkur að fara í gegnum þessa fag-
legu umræðu og það var líka gaman
að þátttakendur höfðu orð á því að
þetta hefði verið gagnlegt, vel unnið
og skemmtilegt,“ segir Sóley Halla.
Nemandi lærir lítið
þegar honum líður illa
Háttvísi, hugvit, heilbrigði Góð þátttaka var í málþingi sem kennarar og
aðrir starfsmenn Heiðarskóla í Reykjanesbæ efndu til.
Í HNOTSKURN
»Í Heiðarskóla starfa sextíumanns. Þeir tóku allir sem
einn þátt í undirbúningi og
framkvæmd málþings um
skólamál.
»Háttvísi, hugvit og heil-brigði var yfirskrift mál-
þingsins og endurspeglar það
nokkuð efni þess.
»Alls komu um 160 manns áþingið og voru kennarar
og annað starfsfólk grunn-
skóla áberandi í hópnum.
Grindavík | „Ég
er þannig gerður
að ef ég fæ áhuga
á einhverju, þá
geri ég það 110%
og stunda í mörg
ár,“ segir Olgeir
Andrésson sem
hefur opnað sína
fyrstu ljós-
myndasýningu.
Sýningin er í Saltfisksetrinu í
Grindavík og nefnist Suðvestan sjö.
Hún verður opin til 20. mars, frá
klukkan 11 til 18 daglega.
Olgeir hefur lengi haft áhuga á
ljósmyndun en byrjaði þó ekki fyrir
alvöru fyrr en fyrir tveimur árum.
Hefur hann stundað þetta áhugamál
af mikilli elju síðan og hefur vakið
athygli fyrir myndir sínar, meira að
segja út fyrir landsteinana. Hann er
kominn með umboðsmann í Banda-
ríkjunum og hefur fengið boð um að
halda sýningu í Boston.
Á sýningunni í Grindavík eru að-
allega landslagsmyndir og flestar
eru tengdar sjávarsíðunni. „Sjórinn
hefur mikið aðdráttarafl,“ segir
Olgeir. Hann hefur alla tíð verið
tengdur sjónum, alveg frá átta ára
aldri þegar hann dorgaði á bryggj-
unni. Hann fór á sjóinn og stundaði
sjómennsku í þrjátíu ár. Þótt Olgeir
hafi hætt á sjónum fyrir sex árum
fylgist hann enn vel með í sjávar-
plássunum og það varð til þess að
honum datt í hug að halda sína
fyrstu einkasýningu í Saltfisksetrinu
í Grindavík.
Margar myndanna á sýningunni
eru frá Reykjanesi og Reykjanes-
skaganum almennt. Þótt Olgeir fari
oft að mynda á þekktum ferða-
mannastöðum reynir hann að nálg-
ast þá á sinn eigin hátt. „Ég reyni að
fara aðeins út fyrir hina hefðbundnu
staði og reyni að fanga staði sem fáir
fara á en geta verið virkilega fal-
legir og áhugaverðir,“ segir hann.
„Með sýningunni vil ég leyfa fólki
að njóta þeirra augnablika sem ég
hef átt úti í náttúrunni,“ segir Ol-
geir.
Ljósmynd/Olgeir
Sjórinn Myndavélin dregur gamlan sjómann niður að sjónum.
Myndar af mikilli elju
Olgeir Andrésson
LANDIÐ
Eftir Örn Þórarinsson
Skagafjörður | „Í fyrsta lagi var
haustið mjög gott, hægt að beita
kúnum nánast alla daga langt
fram eftir október og við höfðum
mjög góða beit, bæði grænfóður
og einnig há sem um haustið var
þriðja spretta síðasta sumars. Svo
byggist þetta mikið upp á góðri
meðferð á skepnunum,“ sagði
Hjálmar Guðjónsson þegar frétta-
ritari leitaði skýringa hjá hjón-
unum á Tunguhálsi, Hjálmari og
Þóreyju Helgadóttur, á miklum
afurðum. Kúabú þeirra varð eitt
af afurðahæstu búum landsins.
Hjálmar heldur áfram: „Við
gáfum þeim til dæmis hey með
beitinni nánast allt fyrrasumar og
byrjum tiltölulega snemma að
hýsa þær á nóttunni. Það er í lagi
að láta kýrnar út að haustinu,
þótt veðrið sé ekki gott, ef næg
beit er. Þær eru fljótar að rífa í
sig en við pössum vel að láta þær
ekki híma aðgerðarlausar úti í
rigningu og kulda. En þetta er
auðvitað bindandi og krefst þess
að við séum ekki langt að heim-
an,“ sagði Hjálmar.
Engar tvær kýr eins
„Svo er mikið atriði að þekkja
gripina vel. Það eru engar tvær
kýr eins, ekki frekar en mann-
fólkið og það hefur hver og ein sín
sérkenni. Þegar maður er með af-
urðasamar kýr verða auðvitað
dætur þeirra oftast góðar þó það
fari líka eftir nautunum sem þær
eru undan. Við voru á síðasta ári
með frekar lítið af fyrsta kálfs
kvígum sem mjólka oftast minna
fyrst árið en eldri kýrnar og það
hjálpaði til að ná þessum afurð-
um, en svo leggjum viðlíka mikið
upp úr að hafa gott hey. Reynum
að byrja heyskap snemma og tví-
sláum nánast allt túnið og látum
efnagreina heyin. Síðan fáum við
ráðunautinn til að gera fóðuráætl-
un,“ segir Þórey.
„Í þessu sambandi má koma
fram að við keyptum sl. vor rúllu-
samstæðu sem er með söxunar-
búnaði fyrir heyið. Mér finnst
kýrnar éta umtalsvert meira af
þessu saxaða heyi en áður þegar
við notuðum hefðbundna rúlluvél.
En það verður náttúrlega að láta
kýrnar mjólka og fylla kvótann
því hann er alltaf að vaxa. Það
bættust við sjö þúsund lítrar í
haust og nú höfum við rúma 173
þúsund lítra en mér sýnist að þær
verði ekki í vandræðum með að
fylla hann því þær hafa mjólkað
vel það sem af er í vetur og yf-
irleitt finnst mér í heildina kúa-
afurðir vera að aukast jafnt og
þétt,“ sagði Hjálmar.
Brautarkerfi í fjósinu
Fjósið á Tunguhálsi er byggt
árið 1984. Það er eins og þá tíðk-
aðist, hefðbundið básafjós. Þau
Hjálmar og Þórey endurnýjuðu
fyrir þremur árum mjaltaaðstöð-
una, nú er svokallað brautarkerfi.
Í haust endurnýjuðu þau svo nán-
ast allar innréttingar í fjósinu.
Vinnuaðstaða er því öll með ágæt-
um sem og aðbúnaður gripanna
og greinilegt að þau leggja mikið
upp úr að fjósið sé þrifalegt. Þau
segjast leggja mesta áherslu á að
eiga góða gripi sem skili miklum
afurðum enda býður fjósið ekki
upp á stærra bú nema með stór-
felldum breytingum. Þau telja
hinsvegar að of margir, bæði
sauðfjár- og kúabændur hugsi
meira um að hafa mikinn fjölda af
gripum sem þá verði oft æði mis-
jafnir að gæðum og afurðir búsins
eftir því.
Hjónin á Tunguhálsi II reka lítið kúabú sem er eitt af þeim afurðahæstu
Leggjum meira upp úr góð-
um afurðum en fjölda gripa
Morgunblaðið/Örn Þórarinsson
Metkýr Frekja varð afurðahæsta kýrin á Tunguhálsi II á síðasta ári.
Hjálmar Guðjónsson og Þórey Helgadóttir standa við bás hennar.
Í HNOTSKURN
» Tvö kúabú í Skagafirðináðu þeim árangri á síðasta
ári að afurðir náðu 7.000 kíló-
um eftir hverja árskú.
» Búið á Egg í Hegranesi varmeð 7.111 kíló að jafnaði.
» Kúabúið á Tunguhálsi II íLýtingsstaðahreppi varð
sjötta afurðahæsta kúabú
landsins en þar skiluðu kýrnar
að jafnaði 7.233 kg hver.
» Ekki er stórt bú á Tungu-hálsi, 24 básar auk kálfa-
stía, þannig að þar reiknast yf-
irleitt 27 til 28 árskýr. Kvótinn
er 173 þúsund lítrar.
Grímsey | Stundin var stór þegar 24
kvenfélagskonur í Grímsey fögnuðu
hálfrar aldar afmæli í félagsheimilinu
Múla.
Kvenfélagið Baugur var stofnað 24.
febrúar 1957 sem var mikill áfangi í lífi
kvenna hér í nyrstu byggð. Fyrsti for-
maðurinn var Ingibjörg Jónsdóttir í
Grenivík. Fyrstu fundir félagsins voru
ýmist haldnir í heimahúsum eða í skóla-
húsinu, konurnar mættu með eigin
bolla, kaffibrúsa og jafnvel stóla. En
andinn var bjartur og konur fúsar til
starfa til góða fyrir sína heimabyggð.
Þær sáu um Fiske-afmæli, þorrablót og
fleira og fleira sem er í fullu gildi enn í
dag.
Fimm konur, Birna Óladóttir, Hall-
dóra Traustadóttir, Hulda Reykjalín,
Jórunn Magnúsdóttir og Vilborg Sig-
urðardóttir sem allar eru stofnfélagar
fengu skjöl sem heiðursfélagar, með
innilegu þakklæti fyrir veru í Baugi í 50
ár. Margar gjafir og kveðjur bárust
Baugi á þessum tímamótum. Hápunktur
hátíðarkvöldsins var þegar félagar í
Kiwanisklúbbnum Grími birtust með
góðar gjafir og sungu afmælissönginn
fyrir Baugskonur.
Fimm konur
heiðraðar fyrir
fimmtíu ára starf
Bjartar Kvenfélagskonur í Baugi í Grímsey
nutu sín vel í fimmtíu ára afmælishófinu.
Morgunblaðið/Helga Mattína