Morgunblaðið - 27.02.2007, Page 43

MORGUNBLAÐIÐ ÞRIÐJUDAGUR 27. FEBRÚAR 2007 43
menning
Á FÖSTUDAGINN var frumsýndi
Íslenski dansflokkurinn fyrir fullu
húsi tvö dansverk sérstaklega samin
fyrir flokkinn. Fyrra verkið, „Soft
death of a solitary mass“ er eftir kan-
adíska danshöfundinn André Ging-
ras. Gingras sem hefur starfað und-
anfarin ár í Hollandi, semur nú í
fyrsta sinn fyrir dansflokkinn. Verkið
er hluti af seríu dansverka sem höf-
undur hefur verið að þróa. Hugmynd-
ina að verkinu sækir hann í heim
skordýra og honum er hugleikin lík-
amsbygging þeirra og félagsleg hegð-
un. Hann skoðar þá umbreytingu
sem þau fara í gegnum á lífsskeiði
sínu og ber saman við mannslíkam-
ann.
Verkið hófst á því að dansararnir
lágu í hnapp á sviðsgólfinu, íklæddir
húðlitum nærfötum og sumir með
grisju fyrir andlitinu. Þeir hreyfðu
sig hægt og fikruðu sig upp á við und-
ir breytilegri daufri lýsingu og raf-
tónum. Síðar stóðu dansararnir og
hreyfðu sig hraðar við stigmagnandi
tónlistina þar til þeir losnuðu úr
flækjunni. Búningaskipti fóru fram
og dansararnir klæddu sig í regnslár.
Aftur klæddu þeir sig og þá í fatnað
af hversdagslegu tagi.
Byrjun verksins var grípandi.
Dansararnir minntu á púpur sem
mynduðu lifandi skúlptúr á miðju
sviðinu. Dauf lýsingin og óræðir raf-
tónar tónlistarinnar sköpuðu spenn-
andi heim töfra og dulúðar. Upp-
byggingin í verkinu var góð. Byrjunin
hæg og grípandi, miðbikið hratt með
alla dansarana á fleygiferð og í loka-
kaflanum naut einstaklingurinn sín.
Fataskiptin milli kafla minntu á ham-
skipti dýra og undirstrikuðu stígand-
ann í verkinu. Búningarnir í lokakafl-
anum höfðu skemmtilega breidd allt
frá gallabuxum til skotapilsa. Leik-
myndin samanstóð af stórum mynd-
fleka uppsviðs. Óreglulegt mynstrið á
flekanum minnti á hreindýramosa.
Dansararnir voru í toppformi og sam-
vinna þeirra og höfundar hefur
greinilega verið góð. Hreyfingarnar í
verkinu voru frjálslegar en vel form-
aðar og komu vel út. Það var mikil
gleði í verkinu og dansinn kraftmikill
og öruggur. Hreyfingafærni Steve
Lorenz greip strax augað. Aðalheiður
Halldórsdóttir hefur undanfarið verið
í mikilli framför sem gaman hefur
verið að fylgjast með. Einnig var
gleðilegt að sjá Katrínu Á. Johnson
aftur í Borgarleikhúsinu með dans-
flokknum. Skýr sýn höfundar á við-
fangsefnið og uppbyggingin í verkinu
var eftirtektarverð. Gáskinn og kraft-
urinn sem frá flokknum stafaði skil-
aði sér beint til áhorfenda sem þökk-
uðu fyrir sig með dynjandi lófataki.
Roberto Oliván er spænskur að
uppruna en er búsettur í Belgíu. Í
verki sínu skoðar hann samband
manna við náttúruna. Hann rýnir í
trú Íslendinga á álfa og huldufólk og
sér að hér er að finna síbreytilega
kraftmikla náttúru eins og eldfjöll, ár,
hveri og jökla. Hann veltir fyrir sér
hvort Íslendingar tengist af þessum
sökum náttúrunni nánari böndum en
aðrar þjóðir og varpar fram spurn-
ingum eins og hvort mannfólkið hugsi
nægjanlega vel um náttúruverðmæti.
Verkið hefst í myrkri fyrir utan
ljóstíru uppsviðs. Nafnaþula og rímur
óma á víxl í myrkrinu. Par leikur sér í
fjarska með ljóstíru. Guðmundur Elí-
as Knudsen sest með veiðistöng
fremst á sviðið, tröllskessur með mik-
ið hár fyrir andlitinu sækja á hann og
vindurinn hvín. Peter Anderson birt-
ist á sviðinu og fljótlega fara þessir
tveir að rökræða um gildi náttúrunn-
ar. Annar vill nýta hana en hinn vill
njóta hennar. Rifrildið nær hámarki
með því að vættir, álfar og huldufólk
er kallað inn á svið til að liðsinna
þeim. Því næst heyrist tónlist Jóns
Leifs. Hekla Jóns gýs og dansararnir
hlaupa um í rökkrinu og veltast um
sviðið. Dansararnir hverfa síðan í
náttmyrkrið og hraunmolar hrynja
yfir sviðsgólfið. Tröllkona agnúast yf-
ir ástandinu og dansarar eða huldu-
fólk birtast í þar til gerðum sal-
arkynnum, sköpuð með lýsingu. Síðar
kyrja dansararnir þjóðsönginn í
frjálslegri útfærslu.
Upphaf verksins lofaði góðu. Það
var stemning í myrkrinu undir rím-
unum og þulunni. Rökræður Peters
og Guðmundar fóru vel af stað og þó
að í þeim kæmi engin ný sýn fram um
nýtingu eða ágang manna á náttúr-
una voru rökræðurnar sniðugar. Vel
tókst að sýna fram á hvernig náttúr-
an fer sínu fram; Hekla gýs þrátt fyr-
ir rökræður þeirra sem með valdið
fara. Búningarnir, buxur eða pils og
prjónapeysur voru skemmtilega
þjóðlegir. Tónlist Jóns Leifs yf-
irgnæfði dansinn á sviðinu og varð
dansinn þegar fram í verkið sótti lítið
meira en myndskreyting við tónlist-
ina. Tröllkona eða valva Valgerðar
Rúnarsdóttur minnti frekar á Gollum
í Hringadróttinssögu en íslenska
völvu eða tröllkonu. Eins voru hraun-
molarnir fullmikið af því góða og
óspennandi útfærsla þjóðsöngsins
þjónaði engum sýnilegum tilgangi.
Byrjunin á verkinu var góð en þynnt-
ist þegar á leið og í lokin var það orðið
þunnur þrettándinn. Eflaust má þar
um kenna takmarkaðri þekkingu höf-
undar á landi og þjóð.
Lifandi skúlptúr og álfatrú
Morgunblaðið/Golli
Skordýr „Byrjun verksins var grípandi. Dansararnir minntu á púpur sem mynduðu lifandi skúlptúr [...].“
DANSLIST
Íslenski dansflokkurinn
Borgarleikhúsið
Soft death of a solitary mass eftir André
Gingras. Tónlist: Jurgen De Blonde.
Sviðsmynd og búningar: Lind Völund-
ardóttir. Lýsing: Kári Gíslason. Aðstoð
við danshöfund: Gianluca Vincentini.
Dansarar: Aðalheiður Halldórsdóttir,
Brad Sykes, Emilía Benedikta Gísladótt-
ir, Guðmundur Elías Knudsen, Hjördís
Lilja Örnólfsdóttir, Katrín Ingvadóttir,
Lovísa Ósk Gunnarsdóttir, Peter And-
erson, Katrín Á. Johnson, Kamil Warc-
hulski, Damian Gmur/Gianluca Vincent-
ini, Steve Lorenz, Cameron Corbett.
In the name of the land eftir Roberto Oliv-
án. Tónlist: Jón Leifs; Hekla og Elegy.
Nafnaþula: Sólveig Indriðadóttir. Sviðs-
mynd, leikmunir og búningar: Elín Edda
Árnadóttir. Lýsing: Kári Gíslason. Aðstoð
við höfund: Gianluca Vincentini. Dans-
arar: Aðalheiður Halldórsdóttir, Brad Sy-
kes, Damian Gmur, Emilía Benedikta
Gísladóttir, Guðmundur Elías Knudsen,
Katrín Ingvadóttir, Steve Lorenz, Came-
ron Corbett, Katrín Á. Johnson, Kamil
Warchulski, Hjördís Lilja Örnólfsdóttir,
Lovísa Ósk Gunnarsdóttir, Peter And-
erson, Valgerður Rúnarsdóttir.
Föstudagurinn 23. febrúar 2007
Lilja Ívarsdóttir
KVIKMYNDIN Ghost Rider, draugasaga með Nicolas
Cage í aðalhlutverki, var áfram vinsælust í norður-
amerískum kvikmyndahúsum um helgina þrátt fyrir
að margar nýjar myndir væru frumsýndar.
Spennumyndin The Number 23, með Jim Carrey í
aðalhlutverki, fór beint í 2. sætið.
Myndin segir frá manni nokkrum sem verður hel-
tekinn af bók sem ber nafnið The Number 23, og
hann verður þess fullviss að bókin segi frá sínu eigin
lífi. Grunurinn breytist svo í ofsóknarbrjálæði þegar
bókin fer að segja frá voveiflegum atburðum sem
ekki hafa enn átt sér stað.
Myndin var jafnframt frumsýnd hér á landi um
helgina þar sem hún stökk beint í toppsæti aðsókn-
arlistans. Þess má geta að á íslenska listanum er
Ghost Rider í öðru sæti.
Í Bandaríkjunum var það Grínmyndin Reno 911!:
Miami sem fór beint í fjórða sætið og myndin The
Astronaut Farmer, með Billy Bob Thornton í aðal-
hlutverki, fór beint í níunda sætið.
Logandi mótorfákur
Ghost Rider, sem er byggð á teiknimyndasögu,
fjallar um mann sem selur djöflinum sál sína til að
bjarga veikum föður sínum. Í staðinn öðlast hann of-
urkrafta og verður að boði yfirboðarans Mef-
istófelesar yfirnáttúrulegur útsendari réttlætis og
hefndarverka.
Það er sem fyrr segir hasarhetjan Nicolas Cage
sem fer með hlutverk Ghost Riders sem ferðast um á
logandi mótorfáki. Nokkuð sem er ekki dagleg sjón í
umferðinni hér á landi, kannski sem betur fer.
Gagnrýnendur virðast flestir á einu máli um að
myndin sé slæm en áhorfendur hafa látið það sem
vind um eyru þjóta og flykkjast í bíó með fyrr-
greindum afleiðingum.
Cage brunar beint á toppinn
Hetjan heltekna Nicolas Cage leikur ofurhuga sem
selur sálu sína djöflinum og keyrir um á mótorfáki.
Vinsælustu kvikmyndirnar vestanhafs
Listinn yfir vinsælustu myndirnar er eftirfarandi:
1. Ghost Rider
2. The Number 23
3. Bridge to Terabithia
4. Reno 911!: Miami
5. Norbit
6. Music & Lyrics
7. Breach
8. Tyler Perry’s Daddy’s Little Girls
9. The Astronaut Farmer
10. Amazing Grace
Fáðu fréttirnar
sendar í símann þinn
Fyrsti konsert er frír SÍMI 545 2500 ::: WWW.SINFONIA.ISí boði FL Group og Sinfóníuhljómsveitarinnar
FIMMTUDAGINN 1. MARS KL. 19.30
Hljómsveitarstjóri ::: Lawrence Renes
Einsöngvari ::: Lilli Paasikivi
gul tónleikaröð í háskólabíói
Ludwig van Beethoven ::: Egmont, forleikur
Richard Wagner ::: Wesendonck Lieder
Ludwig van Beethoven ::: Sinfónía nr. 3 „Eroica“
Eroica
Sinfóníuhljómsveit Íslands er komin
heim eftir sigurför um Mið-Evrópu til
að flytja hetjusinfóníu Beethovens,
stórvirkið sem var brúin milli klassísku
og rómantísku sinfóníunnar.
Fyrirhuguð tónleikakynning Vinafélagsins á fimmtu-
daginn fellur niður vegna breytinga á efnisskrá.