Morgunblaðið - 01.03.2007, Qupperneq 12

12 FIMMTUDAGUR 1. MARS 2007 MORGUNBLAÐIÐ
AÐALMEÐFERÐ Í BAUGSMÁLINU
BÚIÐ er að mylja alla hrafntinnuna
sem tínd var í Hrafntinnuskeri sl.
haust og er ætluð til viðgerða á Þjóð-
leikhúsinu. Samkvæmt verkáætlun
er gert ráð fyrir að byrja á steiningu
hússins í maí en að sögn múrara-
meistara hjá Línuhönnun var ekki
seinna vænna að mylja hrafntinnuna
nú til þess að steinblandan yrði tilbú-
in í tæka tíð.
Umhverfisstofnun veitti leyfi fyrir
efnistöku á 50 tonnum á hrafntinnu á
sínum tíma en í nóvember kærðu
samtökin Hrafntinnuriddarar þá
leyfisveitingu til umhverfisráðuneyt-
isins. Samkvæmt upplýsingum frá
ráðuneytinu er kæran enn til með-
ferðar og er úrskurðar að vænta á
næstunni.
Atli Gíslason, lögmaður Hrafn-
tinnuriddaranna, sagði að samtökin
hefðu engin úrræði haft til að stöðva
vinnslu á hrafntinnunni. Hægt hefði
verið að fara fram á lögbann en þá
hefði þurft að leggja fram tryggingu.
Samtökin væru hins vegar fjárvana
og hefðu engin tök á því. „Við hörm-
um þetta mjög verulega. Það var
hægt að nota önnur efni með ná-
kvæmlega sömu áferð. Og við hörm-
um það líka að umhverfisráðherra
hafi ekki enn tekið á kæru Hrafn-
tinnuriddara.“
Samkvæmt upplýsingum frá Línu-
hönnun, verktakanum sem vinnur að
viðgerðunum á Þjóðleikhúsinu, hefur
hrafntinnan verið formulin en eftir er
að þvo hana og sigta. Hugsanlega
þarf að mylja hluta hennar enn frek-
ar.
„Þetta er seinleg vinnsla“
Aðspurður hvort bíða hefði mátt
með mölunina þar til niðurstaða í
kærumálinu lægi fyrir sagði Flosi
Ólafsson, múrarameistari hjá Línu-
hönnun, að í þessum efnum hefði ein-
faldlega verið farið eftir kröfum frá
Framkvæmdasýslu ríkisins. Sam-
kvæmt verkáætlun Framkvæmda-
sýslunnar ætti að byrja á steinklæðn-
ingunni í maí og til að hafa vaðið fyrir
neðan sig hefði verið nauðsynlegt að
byrja á möluninni. Það var gert í síð-
ustu viku. „Þetta er seinleg vinnsla,
þetta er dýrmætt efni og menn verða
að fara varlega. Hrafntinnan er bara
einn hluti af þessu, því við erum líka
með silfurberg og kvars í blöndunni.
Ferlið er langt. Það er ómögulegt að
ætla að rjúka til og mylja hrafntinn-
una stuttu áður en við ætlum að nota
hana,“ sagði hann. Silfurbergið, um
fimm tonn, hefði fengist austan úr
Breiðdal og verið unnið samkvæmt
umsögn Umhverfisstofnunar.
Flosi minnti á að Línuhönnun
hefði unnið að viðgerð og endurgerð
fjölda gamalla húsa, m.a. Bessa-
staðastofu, Viðeyjarstofu, Dómkirkj-
unnar, Hóladómkirkju og Alþing-
ishússins. Fyrirtækið hefði haft fullt
samráð við Náttúrufræðistofnun Ís-
lands og Umhverfisstofnun og talið
sig hafa haft öll nauðsynleg leyfi áður
en hrafntinnan var tínd sl. haust. Þá
hefðu allir möguleikar á öðrum efn-
um verið skoðaðir, þar með talið inn-
flutt efni, en frávik í útliti hefðu verið
svo mikil að það hefði ekki komið til
greina.
Búið að mylja
alla hrafntinnuna
Morgunblaðið/Brynjar
Bíður úrvinnslu Hjá Jarðefnaiðnaði í Þorlákshöfn verður hrafntinnan þvegin og flokkuð til að hægt sé að nota
hana í klæðningu Þjóðleikhússins. Gert er ráð fyrir að byrja á verkinu á næstu dögum.
Ljósmynd/Línuhönnun
Mulningur Unnið að mulningu á hrafntinnunni umdeildu í síðustu viku.
Henni var síðan ekið í Þorlákshöfn þar sem frekari vinnsla fer fram.
Í HNOTSKURN
» Um 50 tonn af hrafntinnuvoru tínd í og við Hrafn-
tinnusker sl. haust, með leyfi
Umhverfisstofnunar.
» Leyfisveitingin var kærðog er kæran enn til um-
fjöllunar hjá umhverfisráðu-
neytinu.
» Hrafntinnunni verðurekki skilað úr þessu.
Eftir Rúnar Pálmason
runarp@mbl.is
Eftir Andra Karl
andri@mbl.is
GESTUR Jónsson, verjandi Jóns
Ásgeirs Jóhannessonar, forstjóra
Baugs, spurði á þrettánda degi
Baugsmálsins Lindu Jóhannsdóttur,
fyrrverandi fjármálastjóra félagsins,
hvort skjólstæðingur sinn hefði gefið
henni einhver fyrirmæli varðandi
þær færslur sem tilteknar eru í end-
urákærunni. „Hann gaf mér aldrei
fyrirmæli um það hvernig ég átti að
bóka,“ sagði Linda sem var annað af
tveimur vitnum sem leidd voru fyrir
dóm í gær.
Það var hins vegar Sigurður Tóm-
as Magnússon, settur saksóknari,
sem hóf leikinn og bað Lindu að gera
grein fyrir störfum sínum hjá Baugi,
en hún var fjármálastjóri fram á
haustið 2001 og hætti hjá félaginu
árið 2004. Linda sagðist hafa verið
yfir bókhaldi og fjármálum aðal-
skrifstofu Baugs og því séð um dag-
legan rekstur bókhaldsins. Einn til
fjórir störfuðu á fjármálasviði, að
sögn Lindu, yfirleitt þrír viðskipta-
fræðingar og bókari.
Saksóknari spurði næst út í yfir-
menn Lindu og svaraði hún því til að
næsti yfirmaður hefði verið Tryggvi
Jónsson, þáverandi aðstoðarforstjóri
félagsins, en hún hefði einnig átt í
beinum samskiptum við Jón Ásgeir.
„Staðfesting á lánveitingu“
Sigurður Tómas beindi spurning-
um sínum næst að meintum lánveit-
ingum Baugs og sagðist Linda m.a.
aldrei hafa veitt lán, né mundi hún
hvort Baugur hefði veitt hluthöfum í
félaginu lán á þeim tíma sem hún var
starfandi fjármálastjóri.
Bornar voru undir hana færslur úr
bókhaldi félagsins, m.a. fylgiskjal
sem ber heitið „staðfesting á lánveit-
ingu“ og er samkvæmt ákæru lán frá
Baugi til Gaums. Áður við aðalmeð-
ferðina hafa komið fram þær skýr-
ingar að færslan sé vegna kaupa á
réttinum til að reka Debenhams.
Linda kannaðist við færsluna og
sagðist hafa útbúið skjalið. Hún
sagðist hafa notað útlit skjalsins
þegar ekki voru komin skjöl á bak
við. Sagði hún útlitið algengt, og lík-
lega komið frá bankastofnun. „Þetta
var aðeins svo ég hefði fylgiskjal með
bankareikningi 720, svo ég vissi
hvert þetta fór,“ sagði Linda og neit-
aði að hafa fengið leiðbeiningar um
hvernig færslan átti að færast. Hún
sagðist ekki muna tilefni færslunnar.
Bornar voru undir hana fleiri
fylgiskjöl sem bera sama nafn og vís-
aði hún til fyrri framburðar og sagði
skýringar algjörlega sambærilegar.
Saksóknari spurði við hvert tilvik
hver hefði gefið henni fyrirmæli um
að færa á þennan tiltekna hátt, og á
viðskiptamannareikning, en Linda
sagðist ekki geta munað slíkt. Enda
sex til sjö ár síðan þær voru færðar
og mikil viðskipti voru hjá Baugi á
hverjum degi og fjölmargar færslur.
Skjöl bárust frá Tryggva
Í kjölfar þess að saksóknari hafði
enn og aftur spurt hver hefði gefið
fyrirmæli varðandi tiltekna færslu,
spurði Arngrímur Ísberg dómsfor-
maður hvort það hefði yfirleitt þurft
að gefa fyrirmæli. Svaraði Linda að
það hefði ekki verið varðandi bók-
anir. Arngrímur spurði þá hvernig
skjölin hefðu borist til hennar og
sagði Linda það yfirleitt hafa verið í
gegnum Tryggva. Hún sagði enga
eina leið hafa verið notaða meira en
aðra, og hefði m.a. getað verið munn-
lega eða með tölvupósti.
Saksóknari bar undir Lindu lög-
regluskýrslu frá 16. apríl 2003 þar
sem vísað var í samantekt endur-
skoðanda RLS og spurt út í lán til
Gaums frá Baugi á tilteknu tímabili.
Þar var hún spurð hver hefði tekið
ákvarðanir um lánin og svaraði
Linda að það hefði verið Jón Ásgeir,
Tryggvi eða báðir. Linda staðfesti
framburðinn fyrir utan að talað væri
um lánveitingar í skýrslunni en þetta
væru færslur. Dómsformaður spurði
hver hefði lagt það orð til og sagði
Linda það hafa verið rannsakanda.
Bætti Jakob Möller því við að rann-
sakandi hefði verið Arnar Jensson,
fyrrverandi starfsmaður RLS, og
það væri lykilatriði.
Gestur Jónsson spurði Lindu út í
viðskiptamannareikninga og sagði
hún það hafa verið á sínum herðum
að stofna slíka reikninga. „Ég gerði
það án þess að fá samþykki frá
nokkrum manni og var einfaldlega
gert til að stemma af bókhaldið,“
sagði Linda og síðar: „Ef mig vant-
aði upplýsingar um einhver gögn, þá
setti ég það á viðskiptamanninn þar
til ég fékk frekari upplýsingar.“
„Gaf mér aldrei fyrirmæli“
Morgunblaðið/G. Rúnar
Við dómþing Gestur Jónsson, verjandi Jóns Ásgeirs Jóhannessonar, og Jakob Möller, verjandi Tryggva Jóns-
sonar, undirbúa sig fyrir skýrslutökur í Baugsmálinu. Aðalmeðferðin fer fram í héraðsdómi Reykjavíkur.
Linda Jóhannsdóttir, fyrrverandi fjármálastjóri Baugs, sagði við skýrslutöku í héraðsdómi Reykja-
víkur að Jón Ásgeir Jóhannesson hefði aldrei gefið fyrirmæli um hvernig hún ætti að færa bókhaldið
Í HNOTSKURN
Dagur 13
»Í gær komu tvö vitni fyrirdóm. Linda Jóhannsdóttir og
Þórður Bogason, ritari stjórnar
Baugs. Linda sat fyrir svörum
frá kl. 9 til 12.45 en spurningar
yfir Þórði tóku tæpan stund-
arfjórðung.
»Nokkur tími fór í mótmæliGests Jónssonar vegna
spurningar saksóknara til Þórð-
ar. Hélt hann því fram að spurn-
ing saksóknara væri ólögmæt
þar sem hún bryti gegn trúnaði
lögmanna.
»Arngrímur Ísberg dóms-formaður sagðist ekki nægi-
lega vel inni í siðareglum lög-
manna til að skera úr um
mótmæli Gests sem stóð fast á
sínu.
»Tvö vitni mæta til skýrslu-töku í dag, Jóhanna Waag-
fjörð og Auðbjörg Friðgeirs-
dóttir.
FRÉTTIR