Morgunblaðið - 31.03.2007, Side 3

straumsvik.is
Í aðdraganda kosninganna um framtíð álversins í Straumsvík höfum við kappkostað
að kynna röksemdir okkar með málefnalegum hætti. Við höfum bent á mikilvægi
þess að stækka verksmiðjuna til þess að tryggja samkeppnishæfni hennar. Við
höfum sýnt fram á það með óyggjandi rökum að mengun frá álverinu er óravegu frá
þeim mörkum sem ógna heilsu fólks. Við höfum sýnt fram á það að heildartekjur
bæjarfélagsins af starfsemi stækkaðs álvers verða á hverju ári um einn og hálfur
milljarður króna. Við höfum dregið upp mynd af ásýnd álversins eftir stækkun og
færslu Reykjanesbrautarinnar og við höfum beint athygli að þeim miklu verðmætum sem felast í
reynslu og þekkingu um 450 starfsmanna sem að meðaltali hafa unnið að álframleiðslu í 15 ár.
Flestum þykir líklegt að endurnýjanlegir orkugjafar okkar Íslendinga verði að hluta til nýttir til áfram­
haldandi uppbyggingar áliðnaðar í landinu. Val Hafnfirðinga snýst um hvort rekstur álvers verði
áfram innan bæjarfélagsins eða hvort byggt verður frá grunni annars staðar á landinu. Í þeim efnum
eru miklir fjármunir í húfi. Þess vegna biðjum við íbúa í Hafnarfirði um að taka vel ígrundaða afstöðu
þegar þeir ákvarða um örlög álversins í Straumsvík.
Með bestu kveðju og von um góða þátttöku í kosningunum í dag,
Rannveig Rist
forstjóri Alcan á Íslandi
Kæru Hafnfirðingar