Morgunblaðið - 25.04.2007, Blaðsíða 33

MORGUNBLAÐIÐ MIÐVIKUDAGUR 25. APRÍL 2007 33
Það var mikið áfall fyrir okkur þeg-
ar pabbi veiktist, en hann hélt sínu
striki og sinnti áhugamálum sínum
með sama hætti og áður. Við fjöl-
skyldan áttum oft góðar stundir sam-
an og er þá sérstaklega Kaupmanna-
hafnarferðin minnisstæð. Eftir
áramót hrakaði heilsu föður míns
mjög. Það var erfitt að kveðja. Mín
síðustu orð til hans, daginn áður en
hann dó, voru að nú skyldi hann hvíla
sig og sofna því hann væri svo þreytt-
ur. „Þetta verður allt í lagi, pabbi
minn, við mæðgurnar munum að vísu
sakna þín hræðilega mikið, en við
spjörum okkur.“
Og dagurinn leið í djúpið vestur,
og Dauðinn kom inn til þín.
Þú lokaðir augunum – andartak
sem ofbirta glepti þér sýn.
Og um varir þér brá fyrir brosi þeirra,
sem bíða í myrkrinu og þrá
daginn, – og sólina allt í einu
í austrinu rísa sjá.
(Tómas Guðmundsson.)
Þín dóttir
Linda Salbjörg.
Elsku pabbi minn.
Þá er komið að kveðjustund,
kveðjustund sem kom alltof fljótt. Það
eru margar góðar minningar sem rifj-
ast upp. Öll skemmtilegu ferðalögin
innanlands þar sem þú fræddir okkur
systurnar um það sem fyrir augu bar
enda fáir fróðari en þú um landið okk-
ar og sögu þess. Það var fastur liður
að stoppa í öllum kaupfélögum sem á
vegi okkar urðu og alltaf vildir þú
leyfa okkur að fá eitthvert dót þar og
gleymi ég seint þegar við löbbuðum út
úr kaupfélaginu í Varmahlíð með 2ja
hæða dúkkuhús í farteskinu.
Þú áttir sterkar rætur á bernsku-
stöðvunum og þegar við heimsóttum
Haganesvík í Fljótum fylltist þú ein-
hvers konar stolti og fortíðarþrá.
Þú varst mikill áhugamaður um
flug og siglingar og þeir voru ófáir bíl-
túrarnir sem við fórum með þér í út á
Reykjavíkurflugvöll eða niður á höfn
til að taka myndir. Þeim ferðum lauk
svo gjarnan með viðkomu í ísbúðinni
við Laugalæk.
Þú varst mikill grúskari og fræði-
maður enda sílesandi og skrifandi. Þú
barst mikla virðingu fyrir bókunum
þínum og lagðir ríka áherslu á að
gengið væri vel um þær. Til marks
um það urðum við alltaf að hafa hrein-
ar hendur áður en við tókum okkur
bók í hönd eða skoðuðum myndaal-
búm fjölskyldunnar.
Þú varst alltaf svo óendanlega góð-
ur við mig og okkur systurnar og vild-
ir allt fyrir okkur gera, hvort sem það
var að skutla okkur eitthvað eða
hjálpa okkur í heimanáminu. Þú
naust þess að hlýða okkur yfir og oft-
ar en ekki fylgdi meiri fróðleikur með.
Það var sama hvað við tókum okkur
fyrir hendur, þú hvattir okkur til þess
að gera það sem okkur langaði. Þegar
ég bjó erlendis brást ekki að þú
hringdir reglulega til að heyra í mér
hljóðið og sendir oft pakka með ýmsu
góðgæti í.
Þegar barnabörnin bættust eitt af
öðru í hópinn varstu svo glaður og
stoltur og talaðir um að fallegri börn
væri ekki að finna. Þú fylgdist af mikl-
um áhuga með þeim og laumaðir iðu-
lega að þeim aurum til að setja í bauk-
inn.
Það er svo sárt að hugsa til þess að
þú sem hefur alla tíð verið svo stór
hluti af mér og lífi mínu sért búinn að
kveðja þennan heim. Þó að þú hafir
verið orðinn mjög veikur líkamlega
varstu svo sannarlega hress í anda.
Þú tókst veikindum þínum af miklu
æðruleysi og lést aldrei neinn bilbug á
þér finna.
Elsku pabbi minn. Það er með sár-
um söknuði sem ég kveð þig nú, en ég
veit að við munum hittast aftur.
Þakka þér fyrir allar góðu minning-
arnar og megi Guð geyma þig.
„Þegar þú ert sorgmæddur, skoð-
aðu þá aftur huga þinn, og þú munt
sjá, að þú grætur vegna þess, sem var
gleði þín.“ Spámaðurinn.
Þín dóttir,
Edda.
Hinn 14. apríl síðastliðinn lést
pabbi eftir erfið veikindi. Undanfarið
hefur hugurinn reikað til baka og
margar góðar minningar rifjast upp.
Ferðalög fjölskyldunnar um landið
koma fljótt upp í hugann enda voru
pabbi og mamma dugleg að ferðast
með okkur systurnar. Oftast var för-
inni heitið norður í land til Ólafsfjarð-
ar að heimsækja ættingja. Ferðin
byrjaði þá gjarnan í Akraborginni þar
sem batteríin voru hlaðin fyrir keyrsl-
una en ef við fórum akandi fyrir fjörð
komum við alltaf við í Botnsskálanum
og fengum okkur franskar og pabbi
gaf okkur tíkalla í spilakassann. Það
var svo fastur liður að koma við á Hóli
í Norðurárdal og heimsækja fjöl-
skyldu mömmu. Á leiðinni norður var
pabbi duglegur að segja okkur frá
umhverfinu, hann þekkti hverja þúfu
á leiðinni og sagði okkur alls konar
sögur frá því sem fyrir augu bar. Við
höfðum það einnig fyrir sið að koma
við í gömlu kaupfélögunum og eigum
við systur ýmiss konar dót frá þessum
ferðum, t.d. er mér minnisstæður
sundbolurinn sem Linda fékk í kaup-
félaginu í Borgarnesi, dúkkuhúsið
sem var keypt fyrir Eddu í Varma-
hlíð, og komst varla fyrir í bílnum, og
dótaklukkan sem ég fékk á Dalvík.
Um tíma rak pabbi antíkverslun á
Bergstaðastræti og síðar fornbóka-
búðir á Hverfisgötu. Stundum kom
fólk inn og spurði eftir ákveðinni bók
og oftar en ekki átti pabbi bókina til,
en það var hins vegar erfiðara að vita
hvar hún væri niðurkomin. Ég skrif-
aði þá niður nafn og símanúmer vænt-
anlegs viðskiptavinar ef við skyldum
finna bókina seinna en þegar hér var
komið sögu var pabbi yfirleitt búinn
að fræða viðkomandi um það sem
hann þurfti að vita varðandi bókina,
höfundinn eða eitthvað því tengt svo
bókin sjálf var orðin aukaatriði og við-
komandi hafði jafnvel ekki þörf fyrir
hana lengur.
Pabbi greindist með krabbamein í
ágúst 2004. Það var ljóst að veikindin
voru alvarleg og óvíst hversu langur
tími væri til stefnu. Pabbi vildi ekki
gera mikið úr veikindunum og bað
okkur um að gera slíkt hið sama. Við
ákváðum þess í stað að nýta tímann
vel sem eftir væri og ég held að okkur
hafi tekist það. Pabbi náði að sinna
áhugamálum sínum áfram, frímerkja-
söfnun og ýmiss konar skrifum. Við
fórum ófáar kaffihúsaferðirnar eða
skutumst í Kolaportið þar sem pabbi
skoðaði bækur og frímerki. Hæst ber
þó að nefna ferðina til Kaupmanna-
hafnar í október 2005 þar sem við fjöl-
skyldan höfðum það náðugt saman.
Í veikindunum kom berlega í ljós
yfir hversu miklum styrk pabbi bjó,
hann kveinkaði sér aldrei þó að veik-
indin væru erfið og tækju sinn toll.
Hann vildi miklu frekar tala um
hvernig mér gengi í skólanum og
hvað væri að frétta af Hrannari og
Sigrúnu Freyju. Síðustu vikurnar
mátti ég lítið aðstoða hann á sjúkra-
húsinu því hann hafði svo miklar
áhyggjur af kúlunni minni og að ég
myndi ofreyna mig. Þetta lýsir pabba
vel, hann bar alla tíð mikla umhyggju
fyrir fjölskyldunni og studdi okkur
systurnar skilyrðislaust í því sem við
tókum okkur fyrir hendur.
Elsku pabbi, við sjáumst síðar.
Þín dóttir,
Alda.
Guðmund Sæmundsson er varla
hægt að kveðja öðruvísi en að setja
niður línu á blað því bækur og greinar
voru hans ær og kýr.
Fyrstu kynni mín af Guðmundi
voru fyrir um 8 árum er ég kynntist
Lindu, elstu dóttur hans.
Elsku afi okkar
Við munum sakna þín rosa-
lega mikið. Þú varst alltaf svo
góður við okkur og hrósaðir
okkur mikið. Þú varst góður
að gefa okkur peninga, stund-
um duttu buxurnar næstum
niður um okkur því vasarnir
voru fullir af smápeningum
frá þér. Takk fyrir allt sem þú
hefur gert fyrir okkur.
Við vitum að nú ertu orðinn
frískur uppi á himnum og við
vonum að Guð passi þig mjög
vel.
Þínir afastrákar,
Ari og Kári.
HINSTA KVEÐJA
Kistur • Krossar • Sálmaskrár • Duftker • Blóm • Fáni • Gestabók • Erfidrykkja • Prestur
Kirkja • Legstaður • Tónlist • Tilkynningar í fjölmiðla • Landsbyggðarþjónusta • Líkflutningar
Suðurhlíð 35 Fossvogi • www.utforin.is
Vaktsími: 581 3300 & 896 8242 • Sólarhringsvakt
Komum heim til aðstandenda ef óskað er
Bryndís ValbjarnardóttirSverrir Einarsson
ÚTFARARSTOFA ÍSLANDS
Það sem hafa ber í huga varðandi andlát og útför
Hermann Jónasson Geir Harðarson
✝
Innilegar þakkir sendum við öllum þeim sem sýndu
okkur samúð, hlýhug og vináttu við andlát og útför
ástkærs eiginmanns, föður okkar, tengdaföður, afa
og langafa,
LÁRUSAR HAFSTEINS LÁRUSSONAR,
Víðimýri 8,
Sauðárkróki.
Þóranna Hjálmarsdóttir,
Þórður Steinar Lárusson, Þorbjörg Bergsdóttir,
Einar Jóhannes Lárusson, Sólveig Birna Gísladóttir,
Steinunn Daníela Lárusdóttir, Sigurjón Viðar Leifsson,
barnabörn og barnabarnabarn.
✝
Innilegar þakkir til allra þeirra sem sýndu okkur
samúð og hlýhug við andlát og útför okkar elsku-
legu
ELÍNAR INGU BALDURSDÓTTUR,
Suðurgötu 80,
Hafnarfirði.
Sérstakar þakkir til starfsfólks heimahlynningar fyrir
einstaka umönnun, hlýju og stuðning.
Gunnar Valdimarsson,
María Björg Gunnarsdóttir,
Baldur Pálsson,
Hlíf Brynja Baldursdóttir, Eiríkur Már Hansson,
Aðalbjörg Baldursdóttir, Slawomir Brodowski,
Páll Baldursson, Þórunn Björg Jóhannsdóttir,
Valdimar Magnússon, Bentína Sigrún Viggósdóttir.
✝
Innilegar þakkir fyrir auðsýnda samúð og vinarhug
við andlát og útför ástkærrar móður minnar,
ömmu okkar, langömmu og langalangömmu,
SIGURBJARGAR SÓLEYJAR
BÖÐVARSDÓTTUR
frá Happastöðum,
síðast til heimilis á Hraunbúðum,
dvalarheimili aldraðra í Vestmannaeyjum.
Guðlaug Sigríður Gunnarsdóttir,
Ásdís Hansen, Annfinn Hansen,
Marta Jónsdóttir, Gústaf Ó. Guðmundsson,
Sigurbjörg Jónsdóttir, Gunnar Þór Friðriksson,
Valgarð Jónsson, Ólöf Eirný Gunnarsdóttir,
Sigurbjörn S. Kjartansson, Wichuda Buddeekham,
Jóhann Bjarni Kjartansson,
langömmubörn og langalangömmubörn.
✝
Okkar innilegustu þakkir til allra þeirra er auðsýndu
okkur samúð og hlýhug við andlát og útför elsku-
legrar móður, tengdamóður, ömmu, langömmu og
systur,
HULDU SIGURBJARGAR HANSDÓTTUR,
Laufvangi 16,
Hafnarfirði.
Guð blessi ykkur öll.
Ólafur H. Friðjónsson, Katla Þorkelsdóttir,
Guðlaug Hanna Friðjónsdóttir,
Guðrún H. Friðjónsdóttir, Árni Kr. Sigurvinsson,
Friðrik H. Friðjónsson,
Sólveig H. Friðjónsdóttir,
Júlíanna H. Friðjónsdóttir, Magnús Pétursson,
Guðlaugur H. Friðjónsson, Guðrún Elísabet Jónsdóttir,
Kristín J. Ármann,
barnabörn og barnabarnabörn.
✝
Alúðarþakkir fyrir auðsýnda samúð og vinarhug við
andlát og útför eiginmanns míns, föður okkar,
tengdaföður, afa og langafa,
GUÐMUNDAR ÞÓRS BENEDIKTSSONAR.
Guð blessi ykkur öll.
Klara J. Arnbjörnsdóttir,
Arnbjörn Arason, Soffía Húnfjörð,
Dagur Óskar Guðmundsson, María Guðmundsdóttir,
Fylkir Þór Guðmundsson, Matthea Sigurðardóttir,
barnabörn og barnabarnabörn.
✝
Þökkum innilega auðsýnda samúð og vinarhug
vegna andláts og útfarar eiginmanns, föður, tengda-
föður, afa og langafa okkar,
JÓHANNESAR INGIMARS HANNESSONAR
bónda á Egg,
Hegranesi í Skagafirði.
Guð blessi ykkur öll.
Jónína Sigurðardóttir,
Þórður Pálmar Jóhannesson, Sigurbjörg Valtýsdóttir,
Ingibjörg Jóhanna Jóhannesdóttir, Símon Edvald Traustason,
Pálína Sigríður Jóhannesdóttir, Bjarni Eyjólfur Guðleifsson,
Elín Gerður Jóhannesdóttir, Stefán Ævar Ívarsson,
Sigurður Jóhannesson, Annie Beraquit,
barnabörn og barnabarnabörn.
✝
Innilegar þakkir fyrir auðsýnda samúð við fráfall
elskulegs eiginmanns, föður, tengdaföður, afa og
langafa,
ELÍSAR H. GUÐNASONAR,
Eskifirði.
Sérstakar þakkir til Ingibjargar Birgisdóttur, hjúkr-
unarkonu. Einnig þakkir til starfsfólks Sjúkra-
hússins í Neskaupstað fyrir góða umönnun.
Erna Nielsen,
Ásvaldur Elísson, Anna Benjamínsdóttir,
Guðni Elísson, Arna Geirsdóttir,
Hallfreður Elísson, Gunnhildur Garðarsdóttir,
María Elísdóttir, Johannes Etterlid,
Fannar Elísson, Dagrún B. Haraldsdóttir,
barnabörn og barnabarnabörn.
SJÁ SÍÐU 34