Morgunblaðið - 06.07.2007, Qupperneq 23

MORGUNBLAÐIÐ FÖSTUDAGUR 6. JÚLÍ 2007 23
Einn daginn kom hingaðhollensk kona og spurðihvort ég vissi að stað-urinn minn væri fræg-
ur. Ég svaraði því neitandi en
fljótlega eftir þetta fór að bera
mikið á Hollendingum hjá mér og
ég hef ekki enn haft tíma til að
finna út hvaðan uppsprettan er,“
segir Erna Kaaber, eigandi, yf-
irkokkur og skúringakona á veit-
ingastaðnum Icelandic fish and
chips á Tryggvagötu niðri við
Reykjavíkurhöfn.
„Ég opnaði í desember og við-
brögðin hafa verið mjög góð. Hér
er áhersla á hollustu. Við erum
eingöngu með fisk sem við djúp-
steikjum í spelti og bankabyggi en
við erum með úrval af meðlæti,
bæði kartöflum og salati. Við-
skiptavinurinn velur hvaða fisk
hann vill fá en við erum með tvær
til þrjár fiskitegundir á dag og svo
velur hver og einn hvaða meðlæti
hann vill fá með fiskinum. Við er-
um líka með tíu ólíkar sósur sem
allar eru búnar til úr skyri.“
Heimalagaðir
gosdrykkir
„Hér tökum við breskan óhollan
skyndibita, sem er djúpsteiktur
fiskur í orlýdeigi með frönskum
kartöflum, og við breytum honum í
íslenskan og hollan mat. Við not-
um ekkert hvítt hveiti og engan
hvítan sykur í okkar matargerð.
Við seljum ekkert gos en bjóðum
aftur á móti upp á heimalagaða
gosdrykki sem við búum til með
því að pressa ávexti og blanda út í
agave og sódavatni, en agave er
síróp sem unnið er úr kaktus. Gos-
drykkjaneysla Íslendinga hefur
náð nýjum hæðum og það er
áhyggjuefni enda fjöldaframleiddir
gosdrykkir oft fullir af alls kyns
ófögnuði eins og kornsírópi og
gervisykrum sem hafa vafasöm
áhrif á mannslíkamann. Eini syk-
urinn sem við erum með er sá sem
borinn er fram með kaffinu og
hann er brúnn.“
Umfjöllun í Guardian
Erna verslar við fisksala sem
sér um að útvega henni sjávarfang
á hverjum degi. „Ég sendi honum
sms á kvöldin og læt hann vita
hvað ég vil fá daginn eftir. Það er
alltaf til nóg af þorski og rauð-
sprettu en hann kemur ævinlega
líka með eitthvað óvænt eins og
löngu eða skötusel. Djúpsteiktu
gellurnar okkar seljast eins og
heitar lummur enda eru þær al-
gjört sælgæti. En þorskurinn er
alltaf vinsælastur, hann er svo
mikil steik.“
Erna segir bæði Íslendinga og
útlendinga vera í hópi gesta sinna
en þar sem veitingastaðurinn er
rétt við legupláss hvalaskoð-
unarbátanna koma erlendir ferða-
menn óneitanlega mikið við hjá
henni. „Þeir koma líka mikið hing-
að vegna þess að staðurinn hefur
fengið mikla umfjöllun bæði á Net-
inu og í erlendum blöðum. Hingað
kom til dæmis fjöldi Breta í fram-
haldi af umfjöllun um staðinn í Gu-
ardian,“ segir Erna sem ætlar að
færa út kvíarnar því hún er að
fara að opna samskonar veit-
ingastað í London.
Fisk á hvers manns disk
Hægt er að djúpsteikja nánast
hvaða fisk sem er en hlýrinn er
einkar gómsætur með þessari að-
ferð. Mikilvægt er að gæta vel að
hitastigi olíunnar og steiking-
artímanum. Það hefur sýnt sig að
séu þessi tvö atriði í lagi dregur
maturinn, sem steiktur er, nánast
enga olíu í sig.
Fiskurinn er djúpsteiktur úr
spelts- og bankabyggsdeigi. Upp-
skriftin er auðvitað hern-
aðarleyndarmál en það er mun
betra að nota spelti í djúpsteiking-
ardeig en hveiti. Það er léttara og
bragðmeira og er flóknara kolvetni
sem nýtist mannslíkamanum mun
betur.
Kartöflur með fiskinum
Góðar „chips“ er einungis hægt að
gera með því að djúpsteikja þær
tvisvar og í fyrra skiptið í fremur
lítið hitaðri olíu. Kartöflurnar
draga í sig olíuna eins og svampar
við lágt hitastig og því er betra að
ofnbaka þær til að varðveita betur
kartöflubragðið og hollustu þeirra.
Kartöflurnar eru ofnbakaðar í
ólífuolíu, Maldon-salti og stein-
selju.
Kartöflurnar eru fyrst bakaðar í
230° heitum ofni í um 30 mínútur.
Þá eru þær kældar og skornar nið-
ur. Þá eru þær aftur settar á
bakka, ausnar ólívuolíu og steiktar
í um 10 mínútur á 250° hita. Þegar
þær koma rjúkandi úr ofninum er
skellt á þær Maldon-salti og sax-
aðri steinselju og þær borðaðar af
bestu lyst. Þegar kartöflur eru tví-
bakaðar virka þær að hluta eins og
trefjar í meltingarveginum.
Heimalagað ananasgos
1 ananas
slatti af agave-sírópi (fer eftir sæ-
tusmekk hvers og eins)
Sódavatn
Ananasinn er skorinn niður í
bita sem rennt er í gegnum safa-
pressu. Óþarfi er að skræla af
honum hýðið, safapressan sér um
það. Þegar safinn er allur kominn
í könnuna er froðunni fleytt ofan
af. Agave-sírópi er svo bætt út í
eftir smekk. Ananas er mjög sæt-
ur ávöxtur og ólíkt sítrusávöxtum
eða súrum berjum þarf ekki mikið
síróp í ananasgos. Blandan er svo
hrist vel saman. Í 350 ml glas er
ágætt að nota þrefaldan skammt
úr sjússamæli af ananasblöndunni
og fylla svo upp með sódavatni.
Blandan geymist vel í kæli í fimm
daga.
Það má búa til gos úr nánast
hvaða ávöxtum sem er og gott er
að blanda þeim saman til að auka
á fjölbreytnina. Heimalagað gos
inniheldur góðan skammt af vít-
amínum, hollum sætuefnum og
vissu um að ekkert í drykknum
veldur líkamanum skaða.
Mangósalat
2 mangó
1 poki spínat
1 búnt vorlaukur
1 rauð paprika
½ bolli steiktar kókosflögur
3 cm engiferrótarstubbur
1 bolli jómfrúar ólívuolía
salt og pipar
Mangóið er fyrst afhýtt og
skorið í sneiðar. Sneiðarnar eru
svo skornar í þunnar ræmur og
settar til hliðar.
Paprikan er fræhreinsuð og
skipt í helminga. Þeir eru svo
skornir niður í þunnar ræmur.
Vorlaukurinn er klipptur niður.
Spínati, vorlauk, mangói og papr-
iku er blandað saman í skál.
Engiferolía
Engiferið er afhýtt og rifið niður í
olíuna. Salti og pipar bætt við eft-
ir smekk og látið standa í um
klukkustund, tvær eru betri.
Olíunni er svo ausið vel yfir salatið
og kókösflögunum að síðustu stráð
yfir
Skyndi-
bita breytt
í hollustu
Morgunblaðið/ÞÖK
Dugnaður Erna Kaaber eigandi, yfirkokkur og skúringakona á veitingastaðnum Icelandic fish and chips.
Hollt Fiskurinn er djúpsteiktur úr spelt- og bankabygg deigi.
Hollustan er í fyrirrúmi á veitingastaðnum
Icelandic fish and chips. Kristín Heiða
Kristinsdóttir heyrði í eigandanum sem
býr til sósur úr skyri.
khk@mbl.is
Hálfdan Ármann Björnssonheyrði auglýsingu í hádeg-
isútvarpinu sem var eitthvað á
þessa leið:
Allt má fá með auknum mætti,
einskis þarf að fara á mis,
ræta kunna úr ræfilshætti
„ristruflanir.is“.
Leifur Eiríksson gaf nýlega út
sína fyrstu ljóðabók, Söngljóð og
stökur, hundrað ára gamall. Punkt-
ur is verður honum einnig að yrk-
isefni í samnefndu kvæði, sem ort
er í revíustíl:
Punktur is .is
Það er gaman að ganga hér úti
.is .is
Eitt sinn krummi fann höfuð af hrúti.
Hinir slyngu finna sér feitt,
og fela það vel yfirleitt,
.is .is
og svo krunka þeir kátir .is
.is .is
þeir vilja meira og meira .is
.is .is
alltaf meira og meira .is
Punktur is .is
Það er gaman með peninga að pranga
.is .is
og þrýsta fúlgunum fast upp að vanga.
Hinir slyngu slá þar í gegn,
þegar slæpingjum verður um megn,
.is .is
fyrir milljörðum skála .is
.is .is
það er gaman að lifa .is
.is .is
„Eignagleðinnar njóta“ .is
Punktur is .is
Nokkrir milljarðar er ekkert mikið,
.is .is
en maður borgar sér vel fyrir vikið.
Þeir slyngu gera það gott,
og geta lifað svo flott
.is .is
fyrir milljörðum skála .is
.is .is
Þá er lífið svo bjart .is
.is .is
og maður verður svo smart .is
pebl@mbl.is
Punktur is
VÍSNAHORNIÐ
AUGLÝSINGADEILD
netfang: augl@mbl.is eða sími 569 1111