Morgunblaðið - 03.08.2007, Blaðsíða 6

6 FÖSTUDAGUR 3. ÁGÚST 2007 MORGUNBLAÐIÐ
FRÉTTIR
FÍKNIEFNAEFTIRLIT vegna
verslunarmannahelgarinnar hófst
mánudaginn 23. júlí sl. Leitað hefur
verið á 325 stöðum og af þeim fund-
ust fíkniefni á 61 stað. Eftirlitinu er
hins vegar langt frá því að vera lokið
og verður umfangsmikið alla
helgina.
Embætti ríkislögreglustjóra og
lögreglustjórans á höfuðborgar-
svæðinu hafa haldið úti skipulögðu
eftirliti með fíkniefnasölum á und-
anförnum vikum, með það að mark-
miði að draga úr framboði og sölu
fíkniefna á útisamkomum. Sam-
kvæmt upplýsingum frá ríkislög-
reglustjóra verða þrjú teymi rann-
sóknarlögreglumanna ásamt
fíkniefnaleitarhundum öllum lög-
regluliðum landsins til aðstoðar um
helgina.
Í Vestmannaeyjum hafa fundist
fíkniefni á tveimur þjóðhátíðar-
gestum en í báðum tilvikum var um
minniháttar magn efna að ræða.
Einnig verður umferðareftirlit
stóraukið. Notast verður við þyrlu
Landhelgisgæslu Íslands, ómerkta
lögreglubíla auk sjálfvirkra hraða-
myndavéla. Lögreglubifreiðar eru
einnig búnar nýjum tækjum, sem
gera lögreglumönnum kleift að
mæla hraða ökutækja óháð aksturs-
stefnu lögreglubílsins. Að gefnu til-
efni er ökumönnum bent á að við-
urlög við hraðakstri hafa verið hert
– ef keyrt er 21 km yfir hámarks-
hraða getur ökumaður gert ráð fyrir
50 þúsund króna sekt.
Í tilkynningu frá lögreglu segir að
ökumenn megi gera ráð fyrir að
verða stöðvaðir á ferðum sínum, þar
sem ástand þeirra verður athugað,
t.a.m. með tilliti til ölvunar og eftir
atvikum notkunar fíkniefna.
Fylgst með íbúðarhúsnæði
Lögreglan á höfuðborgarsvæðinu
verður með sérstakt eftirlit í öllum
hverfum um helgina og verður bæði
notast við merkta og ómerkta bíla.
Þrátt fyrir það hvetur lögregla þá
sem ætla að halda út á land til að
ganga tryggilega frá heimilum sín-
um, t.a.m. með því að biðja nágranna
um að líta eftir húsnæðinu, kveikja
ljós, fjarlægja póst og leggja í bíla-
stæði svo fátt eitt sé nefnt.
Vitað er að innbrotsþjófar nýta
sér ferðahelgar á borð við þessa til
að láta greipar sópa á mannlausum
heimilum og því biður lögregla fólk
einnig að láta vita um allar grun-
samlegar mannaferðir. Í því sam-
bandi er nefnt að betra sé að hringja
einu sinni of oft en of sjaldan.
Fíkniefni fundust á 61 stað af 325 í eftirliti vegna verslunarmannahelgarinnar
Víðtækt eftir-
lit lögreglu
um helgina
Morgunblaðið/Júlíus
Eftirlit Lögreglan á höfuðborgarsvæðinu verður með öflugt eftirlit um
verslunarmannahelgina, til að mynda verða ómerktir bílar í hverfum.
Morgunblaðið/Sigurgeir
Tjaldbúðir Hvítu tjöldin eru ómissandi þáttur á Þjóðhátíð. Eyjaskeggjar
hófu að tjalda í gær en fæstir settu hvíta dúkinn yfir vegna veðurspár.
BORGARRÁÐ hefur ákveðið að
kveðja Stefán Eiríksson, lögreglu-
stjóra höfuðborgarsvæðisins, á
næsta fund sinn. Tilefni þessa er
skortur á sýnilegri löggæslu í mið-
borginni sem var til umræðu í ráðinu
í gær. Var afgreiðslu umsagna um
endurnýjun rekstrarleyfa veitinga-
staða frestað til næsta fundar, en í
kjölfar nýrra laga um þau efni eru
rekstrarleyfin gefin út af lögreglu-
stjóra í stað borgaryfirvalda. Borgin
veitir þess í stað bindandi umsögn til
lögreglustjóra.
Fulltrúar Samfylkingarinnar í
borgarráði óskuðu eftir því að skil-
yrði leyfanna varðandi umgengni og
öryggi yrðu tekin til skoðunar. Telja
fulltrúar Samfylkingarinnar að eig-
endur einstaka veitingastaða sem
bjóða upp á útiveitingar telji sig eng-
ar skyldur hafa gagnvart ofbeldi ut-
an dyra. Telja fulltrúarnir þessa
túlkun ekki geta staðist, mikilvægt
sé að taka þessi mál föstum tökum í
samvinnu við lögreglu, eigendur og
starfsfólk veitingastaða, eins og seg-
ir í fréttatilkynningu.
Lögreglustjóri mæti
á fund borgarráðs
Eftir Sunnu Ósk Logadóttur
sunna@mbl.is
„ÉG Á mér þann draum að við ger-
um jafnréttið að útflutningsvöru. Því
þó að ýmislegt sé að í íslensku sam-
félagi erum við
samt sem áður
með mikla
reynslu og komin
miklu lengra en
flestar þjóðir í
heiminum hvað
varðar jafnréttis-
mál. Þannig að
við höfum mjög
miklu að miðla og
þá er ég m.a. að
hugsa um til
þriðja heimsins, Austur-Evrópu og
Asíu.“
Þetta segir Kristín Ástgeirsdóttir
sem Jóhanna Sigurðardóttir félags-
málaráðherra skipaði í gær í emb-
ætti framkvæmdastjóra Jafnréttis-
stofu. Tekur Kristín við starfinu 1.
september nk.
Kristín er líka sannfærð um að slík
miðlun þekkingar til annarra gæti
haft góð og eflandi áhrif á jafnrétt-
ismálin hér heima fyrir. Samhliða
slíkri þekkingarmiðlun þurfi auðvit-
að að halda áfram að bæta samfélag-
ið hér heima á Íslandi.
Starfið leggst vel í Kristínu og
segist hún vilja gera Jafnréttisstofu
miklu sýnilegri í samfélaginu. Þá bíði
mörg brýn verkefni úrlausnar. Nefn-
ir hún m.a. í því sambandi frumvarp
til nýrra jafnréttislaga sem kynnt
var á Alþingi sl. vor sem þurfi að
koma í höfn. Þá þurfi að taka launa-
misréttið föstum tökum. „Það sem
mér finnst brýnast er að finna nýjar
leiðir að jafnrétti,“ segir Kristín.
„Við þurfum að hugsa málin upp á
nýtt því að árangurinn hefur verið
alltof takmarkaður undanfarin ár,
samanber að reiknað hefur verið út
að með sama áframhaldi taki allt að
600 ár að ná launajafnrétti.“ Og það
er eitthvað sem Kristín ætlar ekki að
sætta sig við.
Brýnt að breyta skuggahliðum
karlamenningarinnar
„Það þarf að kanna hvaða aðferðir
hafa gefist vel annars staðar. En svo
skiptir líka mjög miklu máli að það
sé pólitískur vilji fyrir hendi og bæði
Jóhanna [Sigurðardóttir félagsmála-
ráðherra] og ríkisstjórnin hafa sett
sér ákveðin markmið sem þarf að
fylgja eftir.“
Þá segir Kristín mjög brýnt að
„draga íslenska karlmenn miklu
meira inn í umræðuna og til ábyrgð-
ar á jafnréttinu.“ Minnist hún m.a. á
kynbundið ofbeldi í því sambandi.
„Það er brýnt að kalla karlmenn til
ábyrgðar og liðssinnis í þeim mál-
um.“ Segir hún átak karlahóps Fem-
ínistafélagsins dæmi um jákvætt
innlegg karla til jafnréttismála. „Og
við þurfum fleiri slíkar aðgerðir, að
karlmenn beiti sér fyrir því að
breyta skuggahliðum karlamenning-
arinnar.“
Kristín, sem búsett er í Reykjavík,
flytur til Akureyrar í tengslum við
starf sitt, en þar er Jafnréttisstofa til
húsa. Segir hún bæði kosti og galla
fylgja staðsetningunni. Gallinn sé að
vera langt frá stjórnsýslunni en
kosturinn sé að vera í nálægð við
landsbyggðina og kynnast stöðu
jafnréttismála þar.
Margþætt reynsla
Kristín hefur mjög fjölþætta
reynslu á sviði jafnréttismála enda
hefur hún starfað víða á þeim vett-
vangi. Hún er sagnfræðingur að
mennt og fjallaði meðal annars
meistararitgerð hennar um Ingi-
björgu H. Bjarnason og íslenska
kvennahreyfingu 1915-1930. Hún
hefur gegnt starfi forstöðumanns
Rannsóknastofu í kvenna- og kynja-
fræðum við Háskóla Íslands frá
árinu 2005 og verið stundakennari í
kynjafræðum við sama skóla frá
árinu 2003. Enn fremur starfaði
Kristín að málefnum kvenna á veg-
um utanríkisráðuneytisins og UNI-
FEM í Kosovo á árunum 2000-2001.
Þá var Kristín alþingismaður á ár-
unum 1991-1999.
Vill gera jafnréttið
að útflutningsvöru
Kristín Ástgeirsdóttir nýr framkvæmdastjóri Jafnréttisstofu
Í HNOTSKURN
»Hlutverk Jafnréttisstofuer að stuðla að því að
markmið laga um jafna stöðu
og jafnan rétt kvenna og karla
náist ásamt því að hafa eftirlit
með framkvæmd laganna.
Frumvarp til nýrra jafnrétt-
islaga var kynnt á Alþingi sl.
vor.
»Nýr framkvæmdastjóriJafnréttisstofu vill draga
karla til meiri ábyrgðar og lið-
sinnis í jafnréttismálum.
» Í tilefni Árs jafnra tæki-færa mun Jafnréttisstofa
standa að ráðstefnunni Karlar
til ábyrgðar 30. ágúst nk.
Kristín
Ástgeirsdóttir
HART var deilt á fundi borgarráðs í
gærmorgun þegar tal barst að við-
bótarleigusamningi borgarinnar við
Höfðatorg, en þangað munu nokkur
svið og skrifstofur hennar flytjast á
næstunni. Í bókun fulltrúa Samfylk-
ingar vegna málsins kemur fram að
samkvæmt upplýsingum frá sviðs-
stjóra framkvæmdasviðs borgarinn-
ar hækki leigukostnaður fyrr-
nefndra stofnana úr 110 milljónum
króna í 186 milljónir á ári hverju, en
samningurinn er gerður til 25 ára.
Segja þeir samninga við Höfðatorg
hafa verið gerða án útboðs og að til-
lögum Samfylkingarinnar um að
auglýst yrði eftir öðrum kostum í
húsnæðismálum hafi verið hafnað.
Þetta telja fulltrúarnir vekja spurn-
ingar um meðferð opinbers fjár í
höndum meirihlutans, enda hafi 4,7
milljarða króna samningur verið
gerður án útboðs eða auglýsinga.
„Fullt af rangfærslum“
Fulltrúar meirihluta Framsókn-
arflokks og Sjálfstæðisflokks svör-
uðu því til að rangfærslur Samfylk-
ingarinnar væru margar.
Óraunhæft væri að bera saman
innri leigu Reykjavíkurborgar og
samninginn við Höfðatorg. Þá hefði
borgin á móti selt eignir fyrir 1.200
milljónir og gerð hefði verið ítarleg
rannsókn á húsnæði sem í boði var
fyrir stofnanirnar. Tveir aðilar
hefðu eftir það keppt um hnossið og
hinn hagstæðari samningur verið
valinn að lokum.
4,7 millj-
arðar án
útboðs
Deilt um leigukostn-
að við Höfðatorg
ÞJÓNUSTA SEM TRYGGIR
AÐ ÖRYGGISKERFIÐ
SÉ SETT Á VÖRÐ
Á EÐA AF VERÐI