Morgunblaðið - 03.08.2007, Blaðsíða 23

vín
MORGUNBLAÐIÐ FÖSTUDAGUR 3. ÁGÚST 2007 23
Rólega af stað
Jæja, þá er komið að helginni sem
lokkar flesta að heiman og í ferða-
lag. Sumir fara á útihátíðir, aðrir á
tjaldstæði, í hjólhýsið eða í bústað-
inn. Fáeinir hafa ákveðið að sitja
heima, sumir glaðir í hjarta, aðrir
komast hvergi og bíða spenntir eftir
ferðalöngum sem koma heim með
sögur af ferðaævintýrunum.
Hver vegur að heiman er veg-
urinn heim, eins og Pálmi Gunn-
arsson söng í vinsælu dægurlagi fyr-
ir rúmum tveimur áratugum, og það
má svo sannarlega til sanns vegar
færa. Í textanum er einnig bent á að
þeir sem æða um í kappi við klukk-
una og gefa sér ekki tíma til þess að
sjá eða heyra verða sjaldan ham-
ingjusamir. Svona geta ágæt sann-
leikskorn stundum leynst í dæg-
urlagatextum. Mælt er með því að
njóta hverrar stundar um versl-
unarmannahelgina, taka tillit til
samferðafólksins og njóta fé-
lagsskaparins, ganga vel um náttúr-
una og skila sér og sínum heilum
heim.
Hátíðir um land allt
Á þjóðhátíðinni í Eyjum verður
stíf dagskrá, jafnt fyrir börn, ung-
linga og fullorðna. Brúðubílinn mæt-
ir á svæðið, Lay Low heldur tónleika
og hljómsveitirnar Í svörtum fötum
og Á móti sól halda stuðinu uppi
langt fram á nótt.
Í Galtalækjarskógi verður fjöl-
skyldumót í vímulausu umhverfi og
er dagskráin sjálfsprottin að mestu
leyti en sjálfboðaliðar sjá um fót-
bolta, messu, músík og leiki.
Línudansarar hafa ákveðið að
halda sumargleði sína um versl-
unarmannahelgina að Heimalandi í
Rangárþingi eystra, sem er um 20
km frá Hvolsvelli. Þar verður skeifu-
kastkeppni, kvöldvaka og leikir auk
þess sem línudansinn dunar alla
dagana.
Þeir Reykvíkingar og nær-
sveitafólk sem ekki ætla út á land
eða landsbyggðarmenn sem stefna
til höfuðborgarinnar geta víða átt
stuðstundir um helgina. Á Nasa
verður t.d. Alex Andersson, plötu-
snúður Pacha-klúbbsins í London, á
laugardagskvöldið.
Verslunarmannahelgar-
stemning í sófanum heima
Þeim sem nenna ekki út úr húsi í
rigningunni og slagviðrinu sem spáð
er um helgina en vilja samt fá þessa
ákveðnu „verslunarmannahelg-
artilfinningu“ er bent á að horfa á
DVD-myndirnar Nýtt líf, Dalalíf og
Löggulíf. Algjörar verslunarmanna-
helgarmyndir, sérstaklega þær tvær
fyrstnefndu. Búið til alvörusúkku-
laði með rjóma og njótið.
Eftir Steingrím Sigurgeirsson
sts@mbl.is
Það er alltaf gaman að rekast á gamlakunningja sem ekki hafa orðið á vegimanns í nokkur ár. Það á t.d. við umhvítvínið Chateau de Cleray sem nú
hefur aftur birst í hillum vínbúðanna í
reynslusölu. Cleray er Muscadet-vín frá vest-
urhluta Loire í Mið-Frakklandi og var fyrir
rúmum áratug eða svo eitt mest selda hvítvín-
ið á Íslandi. Það hvarf hins vegar af mark-
aðnum fyrir nokkrum árum, sem er synd, því
Muscadet er hið ágætasta vín með sjáv-
arréttum eða sem ferskur og svalandi for-
drykkur á fallegum sumardegi. Chateau de
Cleray er með bestu framleiðendum Muscadet
og vínið er framleitt með sur lie-aðferðinni en í
henni felst að eftir víngerjunina er vínið
geymt um tíma ásamt gerleifunum sem gefur
bragðinu meiri dýpt og karakter.
Chateau de Cleray Muscadet-de-Sévres-et-
Maine 2006 hefur ferska, grösuga angan með
léttri sítrónu og míneralísku yfirbragði. Í
munni sýrumikið og létt. Viðkunnanlegt og sí-
gilt vín sem er einstaklega „nútímalegt“ þótt
það hafi lítið breyst um langt skeið. Með öllum
skelfisk, hráum sem elduðum, reynið t.d. með
ostrum. 1.490 krónur. 88/100
Það gleður mann alltaf reglulega að fram-
leiðendur í Rioja eru reiðubúnir að taka að sér
að tryggja að vínið nái æskilegum þroska áður
en það kemur í sölu. Yfirleitt erum það við
neytendur sem verðum að taka á okkur
ábyrgð á geymslunni. Því miður eru ekki
mörg vín sem maður getur gengið að í vínbúð-
unum sem orðin eru meira en áratugargömul
og í fantaformi. Það á eiginlega einungis við
um Gran Reserva-vín frá bestu héruðum
Spánar, s.s. Rioja og Ribera.
Beronia Gran Reserva 1995 er eitt þessara
vína. Það er tólf ára og komið með mikla dýpt í
angan og nefi. Kjötmikill ávöxtur og vottur af
tóbaki og þungri eik, slípað og flott, vín sem
nýtur sín með grilluðu nautakjöti. 1.990 krón-
ur. 88/100
Og þá yfir til Ítalíu, nánar tiltekið Sikil-
eyjar, þar sem tvö af bestu vínum toppfram-
leiðandans Planeta eru nú í reynslusölu.
Planeta Santa Cecilia 2000 er Nero d’Avola
í ofurklassanum. Heitur, allt að því sultaður
berjaávöxtur, með reyk og kryddum. Feitt,
mjúkt og afskaplega langt með áfengishita
(14,5%) í munni. 2.450 krónur. 90/100
Planeta Merlot IGT 1999 er kraftmikið vín
– kaffi, nýbakaðir kanilsnúðar, eik og dökkur
kirsuberjaávöxtur. Öflugt og berst um í
munni, tannín farin að mýkjast en hafa enn
bit. Fer að ná hámarkinu. 2.350 krónur. 92/
100
Franskur kunningi, Spánverji og tveir Ítalir
mælt með …
mbl.is
smáauglýsingar
Þórshöfn
Vopnafjörður
Seyðisfjörður
Egilsstaðir
Neskaupsstaður
Fáskrúðsfjörður
Djúpivogur
Höfn
Kirkjubæjarklaustur
Vík
Vestmannaeyjar
Hvolsvöllur
Selfoss
ÞorlákshöfnGrindavík
Keflavík
Hafnarfjörður
MosfellsbærSeltjarnarnes
KópavogurReykjavík
Akranes
Borgarnes
Stykkishólmur
Búðardalur
GrundarfjörðurÓlafsvík
Patreksfjörður
Ísafjörður
Hvammstangi
Hólmavík
Blönduós
Sauðárkrókur
Siglufjörður
Dalvík
Akureyri
Húsavík
Reyðarfjörður
Hveragerði
Hella
www.vinbud.is
E
N
N
E
M
M
/
S
ÍA
/
N
M
2
8
5
3
0
Við bjóðum viðskiptavini okkar velkomna í nýja vínbúð á Hellu. Þú getur
lagt land undir fót í sumar og fengið sömu góðu þjónustuna hvar sem er
á ferðalaginu!
Kynntu þér fróðlegan bækling um sumarvínin í verslunum okkar.
Upplýsingar um afgreiðslutíma vínbúða má nálgast á vinbud.is.
GÓÐ ÞJÓNUSTA
UM ALLT LAND
ÁNÁFENGIS
HVER BER ÁBYRGÐ?
SKEMMTUMOKKUR
ÍSUMAR!
VEL
UNGLINGUM
FYLGIR ÁBYRGÐ
E
N
N
E
M
M
/
S
ÍA
/
N
M
2
6
9
2
8