Morgunblaðið - 31.08.2007, Page 8

8 FÖSTUDAGUR 31. ÁGÚST 2007 MORGUNBLAÐIÐ
FRÉTTIR
BORGARRÁÐ Reykjavíkur sam-
þykkti á fundi í síðustu viku að
ganga að samningi við Golfklúbb
Reykjavíkur um afmörkun lands
undir golfvöllinn á Korpúlfs-
stöðum. Völlurinn verður 27 holur
eftir stækkunina, en er nú 18.
Hannes Þorsteinsson golfvalla-
hönnuður hannar viðbótina, en
hann teiknaði völlinn á Korpúlfs-
stöðum á sínum tíma.
Hannes sagði í samtali við Morg-
unblaðið að útgangspunktur hönn-
unarinnar væri að völlurinn á
Korpúlfsstöðum samanstæði af
þremur „lykkjum“ og í hverri
lykkju væru níu brautir. Þannig
mætti velja hverjar tvær af lykkj-
unum sem væri til þess að setja
saman 18 holu hring. Eiga braut-
irnar allar að vera sambærilegar að
gæðum og erfiðu leikstigi, þó að
hver þeirra muni vitaskuld hafa sín
sérkenni. Með þessum hætti verði
völlurinn fjölbreyttari og alltaf
verða að minnsta kosti 9 holur laus-
ar fyrir almenna spilara, jafnvel þó
að golfmót standi yfir.
Korpúlfsstaðavöllur hefur verið
mjög vinsæll allt frá því hann var
fyrst tekinn í notkun. Nokkrar
breytingar hafa verið gerðar á vell-
inum í tímans rás en þetta verður
viðamesta breytingin.
Morgunblaðið/Frikki
Vinsæll Völlurinn við Korpúlfsstaði hefur notið mikilla vinsælda.
Korpúlfsstaðavöllur verður
stækkaður í 27 holur
Á MORGUN, föstudag, flýgur flug-
vél frá Primera Air í fyrsta sinn í
beinu flugi frá Akureyrarflugvelli
með farþega á vegum Heimsferða
til Rhodos á Grikklandi. Farþegar í
þessu jómfrúrflugi eru nemendur
MA á leið í útskriftarferð sína. Auk
þessa fyrsta beina flugs Primera
Air verður flogið síðar í september
með farþega beint frá Akureyri til
Costa del Sol á Spáni. Flogið er með
Boeing 737-800 vél Primera Air
sem hefur m.a. annast allt leiguflug
Heimsferða frá því sl. vor.
Bjarni Ingólfsson markaðsstjóri
Heimsferða segir beina flugið frá
Akureyri hafa fengið afburða góð-
ar viðtökur og selst upp nær sam-
stundis, enda mikið hagræði og
sparnaður af því fyrir Norðlend-
inga að eiga kost á beinu flugi.
Að sögn Gísla Jónssonar, um-
boðsaðila Heimsferða á Akureyri,
stendur til að bjóða beint flug frá
Akureyri í vaxandi mæli á næsta
ári, bæði til vinsælla borga í Evrópu
sem og beint í sólina næsta sumar.
Primera Air
flýgur beint
SKÁTAFÉLÖGIN í Reykjavík halda á morgun, laug-
ardaginn 1. september, Skátadag við Þvottalaugarnar
í Laugardalnum.
Skátafélögin mæta kl. 11 og setja daginn með fána-
athöfn. Skátar munu síðan tjalda tjöldum og standa
fyrir skátaverkefnum allan daginn.
Gestum og gangandi verður boðið að spreyta sig á
skemmtilegum viðfangsefnum. Meðal þess sem í boði
verður eru: Hnútar, fyrsta-hjálp, bindingar og trönur,
prímus, hópleikir o.m.fl. Allir fá að taka þátt sem vilja.
Á staðnum verður 8 metra hár klifurveggur Skáta-
lands. Hægt verður að grilla sér pylsur að skátahætti og gæða sér á
Kappa með. Varðeldur að skátasið verður kl. 16.30. og kl. 18 eru dag-
skrárlok.
Börn sem voru í Útilífsskólunum í sumar eru sérstaklega velkomin.
Hægt er að skrá sig í skátastarf vetrarins á staðnum.
Skátadagur í Laugardal
ÁKVEÐIÐ hefur
verið að Gréta
Gunnarsdóttir
taki við starfi
sviðsstjóra al-
þjóða- og örygg-
issviðs utanrík-
isráðuneytisins
og kemur hún til
starfa í byrjun
október, segir í
frétt frá ráðu-
neytinu. Hún tekur við starfinu af
Bergdísi Ellertsdóttur sem tók í
sumar við starfi aðstoðarfram-
kvæmdastjóra Fríverslunarsam-
taka Evrópu, EFTA, í Brussel.
Gréta Gunnarsdóttir hefur
starfað í utanríkisþjónustunni frá
1988 og hefur víðtæka reynslu af
starfi hjá alþjóðastofnunum og
innan ráðuneytisins. M.a. fluttist
hún til Brussel 1991 og tók þátt í
samningaviðræðunum um Evr-
ópska efnahagssvæðið. Þaðan fór
hún til stjórnmáladeildar NATO
þar sem hún starfaði í fjögur ár.
Síðustu tvö ár hefur hún gegnt yf-
irmannsstöðu hjá UNWRA, flótta-
mannahjálp Sameinuðu þjóðanna
við Palestínu og verið búsett í
Jerúsalem.
Gréta er fædd 1960. Hún lauk
kandídatsprófi í lögfræði frá HÍ
1986 og LLM-prófi í þjóðarétti frá
New York University 1988.
Sviðsstjóri í utan-
ríkisráðuneyti
Gréta
Gunnarsdóttir
TVEIR voru fluttir á slysadeild með
minni háttar áverka eftir fjögurra
bíla árekstur á Höfðabakka, á móts
við Húsgagnahöllina, á sjöunda tím-
anum í gærkvöldi. Að sögn lögreglu
var um aftanákeyrslur að ræða en
nánari tildrög liggja ekki fyrir.
4 bílar í árekstri
Eftir Arndísi Þórarinsdóttur
arndis@mbl.is
Pakistan hefur verið mikið íumræðunni síðustu vikurog mánuði, og sjaldnast afgóðu. Stjórnkerfið rambar
á barmi upplausnar og öfgatrúuðum
múslímum lýstur reglulega saman
við herinn í land-
inu. Sagan segir
jafnframt að
hryðjuverkamenn
al-Qaida hafi
hreiðrað þar um
sig og Banda-
ríkjamenn hóta
því leynt og ljóst
að gera árás á
landið.
Það sem færri
vita er að íslensk
hjálparsamtök, ABC-barnahjálp, lið-
sinna þar 1.800 börnum og hafa rekið
blómlega starfsemi í landinu síðast-
liðin tvö ár.
Bjargvættir í Síðumúla
Guðrún Margrét Pálsdóttir var
einn af stofnendum ABC fyrir nítján
árum og er formaður samtakanna. Á
sjötta þúsund Íslendingar hafa „tekið
að sér“ börn víðsvegar í heiminum í
gegnum samtökin, og greiða með
þeim ákveðna upphæð á mánuði.
Þökk sé þessu fólki eiga börnin kost á
menntun, mat, læknisaðstoð og húsa-
skjóli sem þeim hefði annars ekki
staðið til boða. ABC-hjálparsamtökin
hafa byggt skóla og heimavistir víða
um heim og vinna að því hörðum
höndum að greiða aðgang umkomu-
lausra barna að betra lífi. Á döfinni er
að byggja bæði heilsugæslustöðvar
og bókasöfn.
Höfuðstöðvar ABC eru í grárri
skrifstofubyggingu í Síðumúla og það
er ótrúlegt til þess að hugsa að yfir
átta þúsund börn frá fjölmörgum
fjarlægum heimshornum eigi allt sitt
að þakka því sem fram fer innan
þeirra hversdagslegu veggja.
Guðrún býður til stofu þar sem fyr-
ir okkur verður bústið myndaalbúm
þar sem sjá má nýjar myndir frá
starfi samtakanna í Líberíu þar sem
vaskir menn mylja grjót á landi sam-
takanna. Úr grjótinu á að byggja
heimavistir.
En það dugir ekki að láta afrek
ABC í Líberíu afvegaleiða sig, þó svo
að þau séu allrar athygli verð – um-
ræðuefni dagsins er hverju samtökin
hafa áorkað á aðeins tveimur árum í
Pakistan.
Mennta minnihlutahópa
„Pakistan er auðvitað erfitt,“ segir
Guðrún Margrét og vísar þar til hins
eldfima stjórnmálaástands. Samtökin
eru meira að segja með starfsemi
mjög nærri landamærunum að Afg-
anistan, þar sem hryðjuverkamenn
eru sagðir búa.
„Við höfum fyrst og fremst verið að
taka börn úr minnihlutahópum inn í
skólana, kristin börn og hindúa. Það
getur verið mjög erfitt fyrir þau að
vera í múslímskum skólum.“ Um 90%
barna kristinna foreldra ganga ekki í
skóla í Pakistan. Guðrún tekur þó
fram að múslímasamfélagið hafi tekið
hjálparsamtökunum vel og að sam-
tökin og nemendur hafi ekki orðið
fyrir aðkasti. „Þegar fyrsti skólinn
var opnaður hélt t.d. einn múslímskur
frammámaður í bænum ræðu þar
sem hann sagði múslíma geta lært
margt af okkur.“
Í Pakistan reka samtökin átta
skóla, þar af fjóra í eigin húsnæði.
Eins og áður segir eru nemendurnir
1.800, þar af 360 á heimavist. 1.000
börn eru nú á biðlista eftir því að
komast að á heimavistinni.
Skólarnir hafa verið kostaðir af
ýmsum styrktaraðilum. „Rúmfata-
lagerinn lagði til fé til þess að byggja
stærsta skólann, þann í Farooqabad.
Ég held að við höfum farið einar
þrjár ferðir til þeirra að spyrja þá
hvort við mættum stækka skólann,
því alltaf óx verkefnið,“ segir Guðrún
Margrét og kímir. „Fyrst af því að við
ákváðum að hafa skólann alveg upp í
10. bekk, sem krafðist aukins útbún-
aðar, svo sem tölvuvers, tilraunastofu
og aðstöðu fyrir skólahjúkrun með
tilheyrandi tilkostnaði. Nokkru síðar
gerðum við okkur grein fyrir því að
við þyrftum heimavist fyrir hundrað
stúlkur. En alltaf var okkur jafn vel
tekið í Rúmfatalagernum.“
Guðrún segir það skipta samtökin
máli að standa vel að öllu sem þau
gera, byggja traust hús og veita góða
menntun.
Talið berst að því hvernig starf-
semin í Pakistan hófst í ágúst 2005.
„Maður að nafni Sharif Ditta naut
aðstoðar í æsku og langaði til þess að
aðstoða önnur börn. Hann var farinn
að reka skóla fyrir 65 börn heima hjá
sér, þegar sonur hans, Maxwell Ditta
sem er búsettur á Íslandi kom að máli
við ABC-hjálparstarf um að við
myndum taka við skólanum. Það var
samþykkt einróma á stjórnarfundi og
þannig byrjaði þetta,“ segir Guðrún
Margrét og brosir, rétt eins og um
mjög einfalt orsakasamhengi sé að
ræða.
Blaðamaður stynur upp spurningu
um hvort að starfið hafi ekki vaxið
óskaplega ef hlutirnir gerist svona –
hvort þetta sé ekki orðið mun stærra
verkefni en nokkurn hefði grunað
fyrir nítján árum. „Jú. Eða kannski
nei. Ég var snemma með stóra
drauma.“
Styrktarforeldra vantar
Guðrún segir Sharif Ditta vera
dæmi um það hversu miklu stuðn-
ingur í æsku geti skipt. Hann fékk
aðgang að menntun sem gerði það að
verkum að hann gat fengið góða
vinnu og síðar komið börnum sínum
til æðri mennta. Á efri árum var
Sharif þess síðan megnugur að að-
stoða önnur börn.
Bróðir Sharifs naut hins vegar ekki
stuðnings og lærði aldrei að lesa.
Börn hans eru ómenntuð og staða
þeirrar greinar fjölskyldunnar er öllu
daprari. En nú er bróðir Sharifs er
farinn að læra að lesa í skóla ABC á
gamals aldri – þar sannast hið forn-
kveðna: betra er seint en aldrei.
Alls eru nú um 2.000 börn sem
ABC hefur tekið að sér víðsvegar um
heiminn án styrktarforeldra og skýr-
ist það af því hversu mörg börn hafa
bæst í hópinn nú í sumar, bæði í Pak-
istan og á Indlandi.
„Við getum svo auðveldlega hjálp-
að þessum börnum,“ segir Guðrún.
„Maður tekur varla eftir þessari fjár-
hæð á greiðslukortinu, en þetta skipt-
ir börnin öllu máli.“
Talið berst að öðrum fjáröfl-
unarleiðum samtakanna. Sérstök
spjöld hafa verið seld í 10-11 undan-
farið sem er hægt að kaupa til að
styrkja ABC börn, t.d. getur 200
króna spjald kostað skólatösku. Guð-
rún segir almenning hafa tekið þess-
um kortum framar vonum. Einnig
geta styrktaraðilar fengið sér ABC
greiðslukort.
Megnið af því fjármagni sem sam-
tökin afla kemur frá einkaaðilum, þó
að opinberir aðilar á borð við utanrík-
isráðuneytið og Þróunarsam-
vinnustofnun Íslands hafi líka lagt lið.
Borgarholtsskóli safnaði t.d. fé fyrir
einum skóla í Pakistan og Fjölbrauta-
skólinn í Ármúla er að safna fyrir
öðrum. Söfnunin Börn hjálpa börnum
hefur líka verið drjúg. „Og um daginn
labbaði hingað inn maður og sagðist
vilja gefa fimm milljónir til starfsins í
Indlandi. Og bætti svo 2,2 milljónum
við skömmu síðar til að ljúka við heila
heimavist sem fyrra framlagið hafði
kostað.“
Stuðningurinn frá Íslandi
skiptir börnin öllu máli
Viskubrunnur Skólabyggingin í Farooqabad sem Rúmfatalagerinn kost-
aði. Þar stunda um 550 börn nám, þar af eru 360 í heimavist.
Til nýrra heimkynna Nokkrar stúlkur í Farooqabad flytja inn í heimavist
ABC með dyggri aðstoð þessa vinalega asna.
Guðrún Margrét
Pálsdóttir
Í HNOTSKURN
»ABC var stofnað árið 1988sem íslenskt, sam-
kirkjulegt hjálparstarf.
»Samtökin eiga rúmlega8.000 skjólstæðinga. Þar
af vantar 2.000 styrktarfor-
eldra.
»Starfsemin fer fram í Ken-ýa, Líberíu, Úganda, Ind-
landi, Filippseyjum og Pak-
istan.
»Samtökin eru enn að færaút kvíarnar og mun hefja
starf í fleiri Afríkulöndum á
næstu mánuðum.
ABC-barnahjálp
aðstoðar 1.800
börn í Pakistan
TENGLAR
..............................................
www.abc.is