Morgunblaðið - 15.09.2007, Síða 8
8 LAUGARDAGUR 15. SEPTEMBER 2007 MORGUNBLAÐIÐ
FRÉTTIR
HVANNABEIT hefur áhrif á
bragðgæði lambakjöts að því er
fram kemur í rannsókn Matís.
Samkvæmt mati sérþjálfaðs hóps
á Matís reyndust hvannalömbin
hafa meiri kryddlykt og -bragð
en lömb í hefðbundnu beitarlandi
höfðu meira lambakjötsbragð.
Verkefnið er að frumkvæði
Höllu Steinólfsdóttur og Guð-
mundar Gíslasonar sauðfjár-
bænda í Ytri-Fagradal á Skarðs-
strönd. Þau ólu upp ákveðinn
fjölda lamba í beitarhólfi sem bjó
yfir hvönn. Til samanburðar var
öðrum lömbum komið fyrir í út-
hagabeit og á ræktuðu landi.
Markmiðið var að rækta upp
hvönn til að beita lömbum á fyrir
slátrun og hefja framleiðslu á
lambakjöti sem byggðist á þessari
aðferð.
Ljósmynd/Heiða Helgadóttir
Meira bragð Einar K. Guðfinnsson
gæðir sér á hvannalambi á Vox.
Bragðgott
hvannalamb
MANNRÉTTINDANEFND borg-
arinnar hefur samþykkt að setja
á laggirnar starfshóp sem ætlað
er að kynna sér öryggismál á og
við skemmtistaði borgarinnar og
koma með tillögur sem sporna
gegn kynferðisofbeldi. Hópurinn
skal leita samstarfs og álits hlut-
aðeigandi aðila og skila nið-
urstöðum 15. nóvember.
Í framhaldi af þessari sam-
þykkt mun mannréttindanefndin
kalla til samstarfs við starfshóp-
inn, sem skipa þrír pólitískir
fulltrúar, fulltrúa frá lög-
reglustjóraembætti höfuðborg-
arsvæðisins, Neyðarmóttöku
vegna nauðgunar og Sambandi
veitinga- og gistihúsaeiganda,
segir í fréttatilkynningu.
Gegn ofbeldi á
skemmtistöðum
ÚT er komin
bókin Troubled
Waters. Cod
War, Fishing
Disputes, and
Britain’s Fight
for the Freedom
of the High Seas,
1948-1964. Höf-
undur er Guðni
Th. Jóhannesson,
sérfræðingur við
Háskólann í Reykjavík. Útgefandi
er North Atlantic Fisheries History
Association og er bókin 11. hefti í
ritröðinni Studia Atlantica.
Bókin er að stofni til dokt-
orsritgerð höfundar sem var varin
við Queen Mary University of Lond-
on, árið 2003. Í bókinni er fjallað
um fiskveiði- og landhelgisdeilur
Bretlands á Norður-Atlantshafi og í
Barentshafi. Árin 1948-64 áttu
Bretar í slíkum deilum við Norð-
menn, Íslendinga, Sovétmenn og
Dani.
Styrkur úr sjóðnum Gjöf Jóns
Sigurðssonar gerði útgáfu bók-
arinnar mögulega. Hún er til sölu
hjá Sögufélagi.
Þorskastríð
Breta á bók
Guðni Th.
Jóhannesson
Eftir Sunnu Ósk Logadóttur
sunna@mbl.is
„HVAÐ er að dómskerfinu hér á
landi? Að milda refsinguna? Er
ekki allt í lagi? Mjög alvarlegt og
sérlega hrottalegt ofbeldi. Hvað er
eiginlega til refsilækkunar?“
Þannig skrifar Birna Dís Vil-
bertsdóttir á bloggsíðu sinni í gær
en bloggheimar bókstaflega loguðu
eftir að Fréttavefur Morgunblaðs-
ins, mbl.is, birti frétt um að Hæsti-
réttur Íslands hefði mildað dóm
Héraðsdóms Reykjavíkur yfir karl-
manni sem nauðgaði konu á hrotta-
fenginn hátt á síðasta ári.
Bloggarar velta því m.a. margir
fyrir sér hvernig geti staðið á því
að maðurinn, sem dæmdur var fyr-
ir fleiri brot í Hæstarétti en héraði,
fái engu að síður mildari dóm og
konan lægri miskabætur. „Skil ég
þetta rétt?“ spyr Oddný Ósk Sig-
urbergsdóttir á sinni bloggsíðu.
„Héraðsdómur taldi ekki sannað að
munnmök hefðu átt sér stað, en
dæmdi manninn í 4 ára fangelsi
fyrir nauðgun og ofbeldi. Einnig
átti hann að greiða konunni 1,2
milljónir í bætur. Hæstiréttur taldi
hins vegar hægt að sanna að
munnmök hefðu einnig átt sér stað.
En dæmdi hann í 3 og ½ árs fang-
elsi. Einnig á hann aðeins að
greiða konunni eina milljón í
skaðabætur. Hæstiréttur bætti við
sökina en dró úr refsingunni!“
Svanhvít Ljósbjörg Guðmunds-
dóttir blaðamaður er ein þeirra
sem velta fyrir sér hvað geti mögu-
lega valdið þessu. „Ætli það hafi
eitthvað truflað [dómarana] að
fórnarlambið hafi verið komið heim
með nauðgaranum, því eins og
flestir vita þá megum við konur
ekki skipta um skoðun í kynferð-
ismálum. Við megum ekki vera til í
knús og kelerí en neita samförum.
Er ástæðan ekki sú að þegar
„kviknar á“ karlmönnum þá geta
þeir ekki slökkt á sér aftur, eða
álíka fornaldarleg ástæða. Verst að
lögin okkar (og dómarar greini-
lega) eru jafn fornaldarleg!“
Refsiramminn sextán ár
Margir eru á því að dómurinn
sem maðurinn fékk sé langt frá því
að vera eðlilegur miðað við brot
mannsins. Pálmi Freyr Óskarsson,
veðurathugunarmaður á Stórhöfða,
skrifar m.a.: „Það vantar „aðeins“
12 ár og hálft ár í viðbót til þess að
hann fái fulla hámarksrefsingu,
sem er 16 ár fyrir nauðgun. Og er
einhverra hluta vegna aldrei beitt
til fullnustu vegna einhverrar jafn-
réttisreglu … eða eitthvað álíka.“
Anna Lilja, Kópavogsbúi og
menntaskólanemi, skrifar á svip-
uðum nótum. „Ég er búin að fá mig
fullsadda af þessu ruddalega of-
beldi, ég segi hingað og ekki
lengra!“ skrifar hún. „Af hverju
var dómurinn fyrir þetta mjög al-
varlega og sérstaklega hrottalega
brot mildaður fyrir Hæstarétti?
[…] Svo finnst manni fjögur ár
ekki bæta upp fyrir hryllinginn
sem konan hefur þurft að þola og
mun þurfa að takast á við um
ókomna tíð.“
Dómar hafa þyngst
Dómar Hæstaréttar yfir kyn-
ferðisbrotamönnum hafa þyngst á
undanförnum árum. Fangelsisrefs-
ing fyrir nauðgun er nú að með-
altali um tvö ár en var eitt ár fyrir
um áratug.
Í 194. gr. almennra hegningar-
laga segir m.a.: „Hver sem hefur
samræði eða önnur kynferðismök
við mann með því að beita ofbeldi,
hótunum eða annars konar ólög-
mætri nauðung gerist sekur um
nauðgun og skal sæta fangelsi ekki
skemur en 1 ár og allt að 16 árum.“
Dómur féll í Hæstarétti í fyrra-
dag en málið dæmdu hæstarétt-
ardómararnir Gunnlaugur Claes-
sen, Garðar Gíslason, Ingibjörg
Benediktsdóttir, Markús Sigur-
björnsson og Ólafur Börkur Þor-
valdsson.
Bloggheimar loga eftir að Hæstiréttur Íslands mildaði dóm yfir nauðgara
„Hvað er að dóms-
kerfinu hér á landi?“
Morgunblaðið/Brynjar Gauti
Nauðgun Hæstiréttur dæmdi Americo Luis Da Silva Concalves í 3½ árs
fangelsi fyrir að hafa þröngvað konu með ofbeldi til samræðis.
13. september
Jóna Á. Gísladóttir skrifar:
Eiginkonan
eða dóttirin?
Ég get ekki að mér gert að velta því
fyrir mér hvað myndi gerast ef ein-
hver hár herra
þyrfti að horfa upp
á konu sína eða
dóttur ganga í
gegnum samskonar
lífsreynslu og þessi
kona hefur þurft að
gera og mun aldrei
verða söm aftur.
Ætli það myndi
eitthvað gerast í þessum málum á
Íslandi? Ætli refsiramminn myndi
líta öðruvísi út? Ætli það yrði settur
á laggirnar heppilegur staður til að
vista svona geðsjúka ofbeldismenn?
Af hverju skilja karlmenn ekki
hversu hræðilegur glæpur nauðgun
er?
Meira: http://jonaa.blog.is
13. september
Vilborg G. Hansen
Fordæmi
í hina áttina
Því að milda dóminn og lækka
skaðabæturnar? Hvað er að? Af
hverju setur Hæstiréttur ekki frek-
ar fordæmi í hina
áttina og þyngir
refsingar og hækk-
ar skaðabætur
vegna nauðgunar
sem er verknaður
sem hefur áhrif á
fórnalambið út lífið.
Sumir vildu jafnvel
deyja eftir slíka þol-
raun og þá má nú vart sjá á milli
morðs og nauðgunar sem ég kýs að
kalla sálarmorð. Ég á bara ekki orð,
það er skömm að þessu.
Meira: villagunn.blog.is