Morgunblaðið - 01.11.2007, Síða 21
Morgunblaðið |21
Stundum er gaman að leggja það á
sig að labba nokkur skref til viðbótar
til þess að skoða úrvalið í litlu,
skemmtilegu hönnunarverslununum
sem hafa sprottið upp undanfarin ár
og sett skemmtilegan svip á bæj-
arlífið. Ein þeirra heitir Lykkjufall
og þar kennir ýmissa skemmtilegra
grasa.
Hannar fyrir mæður
Eigandi verslunarinnar, Sigrún
Baldursdóttir hönnuður, hannar
glæsilegar peysur sem eru ætlaðar
konum sem eru með barn á brjósti
og aðrar sem henta vel óléttum kon-
um því peysurnar eru þannig gerðar
að þær vaxa með bumbunni. Sigrún
er líka með vörur eftir fleiri íslenska
hönnnuði í versluninni auk skemmti-
legs ungbarnafatnaðar frá fyrirtæki
sem heitir Stardust.
,,Fötin frá Stardust eru seld um
allan heim og það má segja að þau
séu svolítið róttæk miðað við önnur
ungbarnaföt,“ segir Sigrún.
,,Hönnuðirnir skreyta þau gjarn-
an með áþrykktum myndum af
frægum stórstjörnum, til dæmis
myndum af Elvis Presley, James
Dean og Audrey Hepburn. Fyrir al-
róttækustu grislingana má fá sam-
bærilegan samfesting með mynd af
hauskúpu.“
Í versluninni fást undurfallegir
smekkir sem íslenski hönnuðurinn
Unda kallar skírnarsmekki. Þetta er
sannkallaðir sparismekkir, listavel
saumaðir og bróderaðir í höndunum.
Annað sem gladdi auga blaðamanns
voru agnarlitlir sundbolir á nýfædd-
ar prinsessur.
,,Ég er núna að hanna nýja barna-
línu sem verður komin í verslunina
fyrir jólin,“ segir Sigrún að lokum
meðan blaðamaður virðir fyrir sér
litla leðurskó og skrautspennur sem
eflaust eiga eftir að rata í margan
jólapakkann.“
Morgunblaðið/Sverrir
Róttæk Fötin frá Stardust eru seld um allan heim. „Það má segja að þau
séu svolítið róttæk ,“ segir Sigrún Baldursdóttir hönnuður.
Öðruvísi föt
á krakkakríli
og nýbak-
aðar mæður
Bangsar Fallegur hvítur blúndu-
smekkur með tveimur böngsum.
Sætt Verslunin Lykkjufall selur
skemmtileg ungbarnaföt.