Morgunblaðið - 14.02.2008, Qupperneq 12

12 FIMMTUDAGUR 14. FEBRÚAR 2008 MORGUNBLAÐIÐ
FRÉTTIR
Eftir Hjört Gíslason
hjgi@mbl.is
„ÉG ER hérna fyrir Suðausturlandi
og eitthvað hefur orðið vart við ýs-
una hérna síðustu daga, á Breiðdals-
grunninu og í Berufjarðarál. Það eru
allir að reyna við ýsuna og á þriðju-
daginn taldi ég fimmtán togara
hérna,“ sagði Hilmar Helgason,
skipstjóri á frystitogaranum Hrafni
Sveinbjarnarsyni GK, er Verið náði
tali af honum.
Hilmar segir að tíðarfarið hafi ver-
ið afskaplega erfitt frá því í haust, en
það hafi gengið alveg sæmilega að ná
í ýsuna. Hún viðist þó vera miklu
seinna á ferðinni vestur á grunnin
núna í vetur. Eitthvert ástand geri
það að verkum, en það verði þó víða
vart við hana á þessu svæði. Hann
segir ýsuna á svæðinu alveg sæmi-
lega. „Við byrjuðum túrinn vestur
frá í ufsa. Þá var ufsi að ganga upp á
Reykjanesgrunnið og á svæðið aust-
ur að Vestmanneyjum. Það er ár-
visst að hann gangi upp á Selvogs-
banka á þessum tíma.
Það var svo blönduð ýsa hjá okkur
í nótt í Berufjarðarálnum, en mjög
góð ýsa á Breiðdalsgrunni í gær. Við
vorum af fá upp í sex tonn í holi. Það
þarf ekki að kvarta undan því og það
hefur ekki farið mikið í undirmál.“
Lítið af þorski
Hann segir að það gangi ágætlega
að forðast þorskinn. „Það er ekki
mikið af þorski hér á suðaustursvæð-
inu á þessum tíma. Þegar loðnan er
að ganga yfir hverfur hann, fer út á
móti henni. Hann kemur svo aftur
þegar loðnan er komin svolítið vest-
ur með. Þá fer hann að sjást hérna á
Breiðdalsgrunni og Hvalbaksgrunni.
Nú er þorskur norður af Brettings-
stöðum og austur af Langanesinu.
Hann er búinn að belgja sig út af
loðnu og kominn á botninn. Við verð-
um voða lítið varir við loðnuna hérna.
Maður sér aðeins loðnu í netinu
hérna á Hvalbaksgrunninu, en ekki á
Papagrunninu þar sem við erum
núna.
Svo er aðeins byrjaður að sjást
fiskur fyrir vestan. Það kom ís upp á
Vestfjarðamiðin svo þeir eru eitt-
hvað byrjaðir að sjá þorsk á Kópa-
nesgrunninu, sem ekki hefur verið
fram að þessu. Þetta er að lifna, að-
eins bjartara yfir þessu nema í
loðnunni,“ sagði Hilmar.
Svipað og febrúar 1992
En brælan er búin að vera erfið í
vetur. „Núna er þetta svipað og í
febrúar 1992. Hann var slæmur. Svo
er búið að vera hundleiðinleg tíð frá
því í nóvember. Veðrin sem eru að
koma núna eru miklu verri en áður.
Það er miklu meiri vindur og kemur
svo snöggt. Veiðin hefur annars ver-
ið alveg í lagi síðustu daga, þegar
hægt er að vera að. Við erum reynd-
ar búnir að fara þrisvar í var undan
veðrinu og höfum svo skotizt út á
milli,“ sagði Hilmar Helgason.
Fimmtán togarar á ýsu fyrir austan
Morgunblaðið/Kristinn Benediktsson
Fiskveiðar Hilmar Helgason skipstjóri segir ýsuveiðina ganga sæmilega
þrátt fyrir leiðinda tíð. Hann forðast þorskinn eins og flestir aðrir núna.
Í HNOTSKURN
»Þá var ufsi að ganga upp áReykjanesgrunnið og á svæð-
ið austur að Vestmannaeyjum.
Það er árvisst að hann gangi upp
á Selvogsbanka á þessum tíma.
»Nú er þorskur norður afBrettingsstöðum og austur af
Langanesinu. Hann er búinn að
belgja sig út af loðnu og kominn
á botninn.
»Svo er búin að vera hundleið-inleg tíð frá því í nóvember.
Veðrin sem eru að koma núna
eru miklu verri en áður. Það er
miklu meiri vindur og kemur svo
snöggt.
Hrafn Sveinbjarn-
arson með sex
tonn í holi á
Breiðdalsgrunninu
ÚR VERINU
GRUNNSKÓLAHÁTÍÐ var haldin í Íþróttahúsinu við
Strandgötu í Hafnarfirði í gær. Hátíðin er vímulaus
skemmtun unglinga í Hafnarfirði og standa þeir sjálfir
að henni og móta hana í samstarfi við starfsfólk ÍTH.
Hátíðin er tvískipt, annars vegar er sýning þar sem
unglingarnir sjálfir koma fram, en hápunkturinn verð-
ur risaball í kvöld þar sem landsfrægir skemmtikraftar
stíga á svið í bland við hafnfirska unglinga.
Í tilefni 100 ára afmælis Hafnarfjarðarbæjar er
Grunnskólahátíðin óvenju vegleg í ár. Unglingarnir
hafa sjálfir ákveðið að öll innkoma renni til góðgerð-
armála. Aðgangseyrir er 100 kr., ein fyrir hvert ár.
Króna fyrir hvert ár Hafnarfjarðarbæjar
Árvakur/Árni Sæberg
Eftir Önund Pál Ragnarsson
onundur@mbl.is
PERSÓNUVERND lagðist nýverið
gegn því að vörslutími gagna í Lyfja-
gagnagrunni Landlæknis yrði fram-
lengdur úr þremur árum í þrjátíu.
Gagnagrunnurinn hefur að geyma
upplýsingar um lyfjanotkun Íslend-
inga, sem Tryggingastofnun fær af-
hentar frá lyfsölum. Stofnunin skil-
aði umsögn til heilbrigðisráðu-
neytisins þess efnis í fyrradag í
tengslum við fyrirhugað frumvarp til
breytinga á lyfjalögum.
Í umsögninni, sem birt er á vef
Persónuverndar, segir m.a. að nú-
verandi reglur um þriggja ára
vörslutíma miðist við ítarlega þarfa-
greiningu frá árinu 2003, sem leitt
hafi í ljós að ekki sé þörf á að varð-
veita persónugreinanlegar upplýs-
ingar nema tvö ár aftur í tímann. Nú
hafi ekki komið fram hvaða breyting-
ar hafi orðið frá því sú greining var
unnin, sem leiði af sér þörf á að
lengja varðveislutíma úr þremur ár-
um í þrjátíu.
Strangt öryggi í kringum
Lyfjagagnagrunninn
Í athugasemdum Landlæknis við
frumvarpsdrög að lyfjalögum segir
að óljóst sé hvaða hagsmuni sé verið
að vernda með þeim ströngu tak-
mörkunum sem nú eru í gildi. „Ljóst
er að tími þessi er alltof stuttur ef á
að vera hægt að nota þau mikilvægu
gögn sem hægt er að afla hér á landi
til að vega og meta síðkomnar auka-
verkanir sem fram koma eftir mark-
aðssetningu lyfjanna og önnur frávik
frá því sem búast mátti við í upphafi,“
segir um þetta í athugasemdunum.
Matthías Halldórsson aðstoðar-
landlæknir fer með lyfjamál hjá
Landlæknisembættinu. Í samtali
við Morgunblaðið segir hann engar
takmarkanir á vörslutíma gagna
sem þessara á hinum Norðurlöndun-
um og þeim megin séu læknar nokk-
uð undrandi á þeim ströngu tak-
mörkunum sem eru við lýði
hérlendis. „Við teljum mikilvægt að
þessi tími sé lengdur. Sé okkur
treystandi fyrir þessum upplýs-
ingum í þrjú ár er ekki ástæða til
annars en að treysta okkur líka um
lengri tíma,“ segir hann og kveður
aðeins þrjá starfsmenn hjá embætt-
inu hafa aðgang að vinnslu úr grunn-
inum, hann sjálfan, einn verkefnis-
stjóra og einn kerfisstjóra, auk
landlæknis. Strangar reglur gildi um
notkunina og enginn geti komist í
grunninn óvarið. Þar að auki gerir
hann sér ekki í hugarlund að eftir-
sókn eftir upplýsingum úr grunnin-
um geti verið mikil hjá þeim sem eiga
þangað ekki lögmæt erindi.
Stuttur tími hindrar athuganir
„Persónuvernd vinnur sína vinnu
vel, en öryggi sjúklinga felst ekki síð-
ur í því að hægt sé að nálgast réttar
upplýsingar þegar þörf krefur. Hinn
stutti vörslutími hefur hindrað ýms-
ar nauðsynlegar athuganir,“ segir
Matthías og nefnir gigtarlyfið Vioxx
sem dæmi. Það var tekið af skrá
vegna áhrifa þess á hjarta- og æða-
kerfi, sem voru talin geta valdið
dauða sjúklinga. Athuganir á Vioxx
hér á landi vörpuðu ljósi á áhrif lyfs-
ins, en að sögn Matthíasar vantaði
upplýsingar lengra aftur í tímann til
þess að kortleggja þau betur, til
dæmis hversu lengi sjúklingar höfðu
notað lyfið og hvaða lyf þeir höfðu
notað þar áður.
Hann segir stundum vakna spurn-
ingar löngu seinna um það hvaða lyf
hafi verið notuð, til dæmis á með-
göngu vegna sjúkdóma sem koma
fram síðar á ævinni og þannig megi
lengi telja.
Ágreiningur um
lyfjagagnagrunn
Öryggi sjúkra og persónuvernd vegast á
Í HNOTSKURN
»Í lyfjagagnagrunninum komafram allar þær upplýsingar
sem finna má á venjulegum lyf-
seðlum, nema notkunarleiðbein-
ingar með lyfjum.
»Þ.e. númer lyfseðils, kenni-tala sjúklings, nafn læknis
sem ávísar, sérgrein læknisins,
nafn lyfsins, magnið og til hve
langs tíma seðillinn gildir.
»Engar takmarkanir eru ávörslutíma þessara upplýs-
inga á hinum Norðurlöndunum.
Eftir Elvu Björk Sverrisdóttur
elva@mbl.is
„VIÐ fáum á bilinu sjö til tíu um-
sóknir í viku og það er vænna en hef-
ur verið. 10 umsóknir um störf hjá
okkur bárust í síðustu viku og það er
mjög gott,“ segir Sigríður Kristjáns-
dóttir, framkvæmdastjóri Svæðis-
skrifstofu málefna fatlaðra á
Reykjanesi (SMFR), um ásókn í
störf við að aðstoða fatlaða. Sigríður
segir að erfitt hafi reynst að fá nægi-
lega margt fólk til starfa í vetur, en í
janúar og febrúar hafi liðkast til í
þessum málum.
Sigríður segir að í dag vanti fólk í
um 22 stöðugildi hjá skrifstofunni,
en líklegt sé að á bilinu 30-35 starfs-
menn sinni þessum stöðugildum.
„Þegar fullmannað er höfum við um
450 starfsmenn,“ segir hún.
Starfsfólkið vinnur að mestu leyti í
búsetuþjónustu fatlaðra og aðstoðar
fólk þar við daglegt líf.
Góð ásókn í stjórnunarstörf
Sigríður segir að eins og staðan er
í dag sé SMFR einkum vel stödd
þegar komi að umsóknum um stjórn-
unarstörf.
Um þessar mundir berist skrif-
stofunni alls á bilinu sjö til tíu um-
sóknir um störf í viku hverri „og það
er mjög gott“, segir Sigríður.
Þá segir hún aðra breytingu vera
þá að þeir sem sæki nú um séu að
megninu til Íslendingar en í haust
hafi hlutfall útlendinga verið hærra.
Þá hafi um 40-50% þeirra sem sóttu
um störfin verið útlendingar, en
þetta hlutfall hafi nú lækkað.
Hún segir að töluvert sé ráðið af
útlendingum til starfa hjá svæðis-
skrifstofunni, en fólk þurfi þá að
hafa öll tilskilin leyfi frá Vinnumála-
stofnun. Alls starfa um 40 útlend-
ingar hjá SMFR. Þeim standi til
boða íslenskunámskeið og hafi það
vakið ánægju.
„Við erum að leita eftir fólki sem
getur tjáð sig og það er ekki gott að
hafa fólk sem getur ekki tjáð sig á ís-
lensku,“ segir hún. Nauðsynlegt sé
að starfsfólk geti átt samskipti við
þjónustunotendur og aðstandendur
þeirra.
Umsóknum um störf með
fötluðum hefur fjölgað
Hærra hlutfall íslenskumælandi fólks sækir um störfin