Morgunblaðið - 18.02.2008, Qupperneq 4

4 MÁNUDAGUR 18. FEBRÚAR 2008 MORGUNBLAÐIÐ
FRÉTTIR
Alicante
um páskana
16.-29. mars
frá kr. 39.790
Frábært verð á flugsætum í páskaferð!
Heimsferðir bjóða frábært verð á flugsætum til Alicante um
páskana. Flogið er í beinu morgunflugi. Njóttu vorsólarinnar
við Alicante um páskana. Bókaðu strax og tryggðu þér sæti
- takmarkaður fjöldi sæta í boði á þessu verði.
Skógarhlíð 18 • sími 595 1000 • www.heimsferdir.is
Munið Mastercard
ferðaávísunina
Verð kr. 39.790
Netverð á mann. Flugsæti báðar leiðir
með skötttum.
ÞETTA er ótrúlega góður dagur, ég
get varla lýst því,“ segir Idriz Andr-
és Zogu, sem er frá borginni Prizen í
Kosovo, en hefur búið á Íslandi í
rúm tuttugu ár. „Ég er bara ánægð-
ur með að hafa tekið þátt í þessari
baráttu sem hefur staðið í þrjú
hundruð ár, ef ekki meira.“
Andrés er Kosovo-Albani, en þeir
eru yfir 90% íbúa Kosovo, á móti
minnihluta Serba. Hann segir Alb-
ana einfaldlega hafa viljað frelsi til
að taka eigin ákvarðanir.
„Við eigum í raun ekkert sameig-
inlegt með Slövum. Það er því skrítið
hvernig við lentum undir þessari
þjóð. Trú og menning eru gjörólíkar
og mun fleira sundrar en sameinar,
fyrir utan það að báðar þjóðir vilja
ganga í Evrópusambandið.“
Í fjölmiðlum var sagt frá óeirðum í
gær í Belgrad, höfuðborg Serbíu, og
í serbneska hluta Kosovo.
„Við vissum að Serbar yrðu ósátt-
ir við sjálfstæðisyfirlýsinguna, en við
gátum ekki beðið eftir samþykki frá
þeim, það hefði aldrei gerst. Við er-
um ekkert á móti Serbum, hvorki
sem þjóð né þeim sem búa í Kosovo,
við viljum hafa þá áfram og þeir vilja
áfram búa í Kosovo.“
Andrés segist skilja óánægju Kos-
ovo-Serba, en hún hafi þó fyrst og
fremst endurspeglað vilja ráða-
manna í Belgrad frekar en þeirra
sjálfra. Hagur þeirra versni alls ekki
við sjálfstæðið því vel verði gætt að
réttindum minnihlutahópa í Kosovo,
ekki síst með inngöngu í ESB.
Á Íslandi búa nú yfir 500 Kosovo-
Albanar, en sjálfur kom Andrés
hingað aðeins 19 ára gamall í stað
þess að fara í júgóslavneska herinn.
„Þar var engin framtíð fyrir ungu
kynslóðina. Við sem búum erlendis
höfum alltaf sent hjálp heim og hún
hefur haldið lífinu í Kosovo. Ég fór
ekki þangað fyrstu 17 árin því ég
vildi ekki horfa upp á ástandið en
svo fór ég og nú get ég ekki hætt.“
Ólýsanleg tilfinning að yfir
300 ára baráttu sé lokið
„Fleira sem sundr-
ar en sameinar í
Kosovo“
Árvakur/Árni Sæberg
Ánægður „Kosovo-Albanir eru vanir að ganga í gegnum erfiða tíma og við
gátum einfaldlega ekki beðið lengur með sjálfstæðisyfirlýsinguna.“
GÍFURLEGT flóð varð við bæinn
Kvíar í Þverárhlíð í Borgarfirði
þegar Litla-Þverá ruddist í gær yfir
bakka sína og lágu klakastykkin
eftir á túnum og girðingar meira
eða minna ónýtar.
„Fyrir fjórum til fimm vikum
hafði myndast þykk klakastífla í
ánni hér rétt fyrir neðan húsið. Með
öllum þeim hlýindum og vætu sem
hafa verið undanfarna daga hefur
vaxið í ánni, en Litla-Þverá er bara
lítil á,“ segir Gunnar Ingimund-
arson, sem var viðstaddur og náði
myndum af flóðinu.
Gunnar, sem stundar helgar-
búskap í Kvíum, segir þannig hafa
hlaðist upp mikið vatnsmagn sem
ekki komst burt fyrir klakanum.
„Vatnið stoppaði á klakafyrir-
stöðu við bæinn og vegna hennar
flæddi til beggja átta, bæði yfir
nytjaland öðrum megin og hins
vegar yfir heimatún.“
Flóðið hafi tekið með sér girð-
ingar við túnið og ýmislegt fleira.
Erfitt sé þó að meta tjónið, hvort
heldur er á girðingum og túnum
eða á vegunum, að svo stöddu þar
sem enn er allt á floti. Það hljóti þó
að hlaupa á hundruðum þúsunda
króna. „Þetta er ekkert venjulegt
og það þarf stórvirkar vinnuvélar
til að koma og taka til hendinni.“
Sjálfur er Gunnar, sem búsettur
er á höfuðborgarsvæðinu, nú fastur
í Kvíum, en vonast til að heyra frá
Vegagerðinni ekki síðar en á morg-
un. Þótt iðulega flæði eitthvað í
ánni skilst Gunnari að svona hafi
ekki átt sér stað í slíku magni í
nokkra áratugi. Hann telur þó ekki
ólíklegt að til tíðinda dragi neðar í
ánni, ef til vill við Högnastaði sem
eru í um fimm kílómetra fjarlægð,
seinna í kvöld eða nótt.
Gæti dreg-
ið til tíðinda
neðar í ánni
Ljósmynd/Gunnar Ingimundarson
Allt á floti við Kvíar í Þverárhlíð eftir miklar leysingar í Litlu-Þverá
MENNTARÁÐ og Leikskólaráð
Reykjavíkur hafa samþykkt að
kanna kosti þess að koma á fót fimm
ára deildum við grunnskóla í borg-
inni næsta haust. Niðurstöður þeirr-
ar könnunar verði kynntar í
menntaráði og leikskólaráði í apríl.
Tillaga Sjálfstæðisflokks um að
setja á laggirnar fimm ára deildir
var lögð fram í borgarstjórn 2. nóv-
ember sl. og þá vísað til leikskóla-
ráðs og menntaráðs. Í greinargerð
með tillögunni kom fram að valdir
skyldu fimm grunnskólar, einn úr
hverju skólahverfi, til að taka þátt í
undirbúningi og framkvæmd við
kennslu fimm ára barna. Byggja
skyldi á þeirri reynslu sem þegar
hefði fengist af áratugastarfi sjálf-
stætt rekinna grunnskóla, tilrauna-
verkefni í leikskólanum Hömrum og
Víkurskóla, Varmárskóla í Mos-
fellsbæ, Hjallastefnunni o.fl. Jafn-
framt er í greinargerð lögð áhersla
á að sveigjanleiki þurfi að vera á
milli skólastiga. Líkt og milli grunn-
skóla og framhaldsskóla þurfi að
auka flæði milli leikskólans og
grunnskólans og séu fimm ára
bekkir næsta stig í samfellu á milli
skólastiga.
Fulltrúar Samfylkingar, Vinstri
grænna og Framsóknarflokks settu
í bókun við tillöguna ákveðna fyr-
irvara við verkefnið. Segja þau rök-
in sem hníga á móti breytingunni
hafa m.a. verið þau að ánægja for-
eldra er gríðarlega mikil með leik-
skólana, sem gefur til kynna að
þörfum barnanna sé þar vel mætt. Í
niðurstöðum starfshóps sem m.a.
skoðaði þetta mál árið 2006 komi
fram að fyrst og fremst þurfi að
stuðla að samfléttun náms á báðum
skólastigum við núverandi aldurs-
skiptingu. Þá segja þau að fræði-
menn hér á landi sem annars staðar
í Evrópu vari flestir við því að færa
hefðbundið bóknám neðar. Með
samþykkt þessarar tillögu væri þó
verið að stíga skref í þá átt.
Fimm ára deildum kom-
ið á fót við grunnskóla
Í HNOTSKURN
»Fulltrúar meirihlutans í leik-og grunnskólaráði leggja til
að tilraun verði gerð með fimm
ára deildir við nokkra grunn-
skóla í borginni.
»Segja þeir verkefnið gefatækifæri til að kanna mögu-
leika á útfærslu aukins sveigj-
anleika milli skólastiga.
»Fulltrúar minnihlutans varavið slíku og vilja m.a. tryggja
að leik- og grunnskólakennarar
komi að tilrauninni.
„ÉG tel að það
væri mjög æski-
legt að ljúka
þessu í þessari
viku sem nú er að
hefjast,“ sagði
Geir H. Haarde
forsætisráðherra
í Silfri Egils í
gær, spurður
hversu langan
tíma eðlilegt væri að Vilhjálmur Þ.
Vilhjálmsson, oddviti sjálfstæðis-
manna í borgarstjórn, fengi til að
ákveða sín næstu skref. „Auðvitað er
best að svona máli ljúki sem fyrst.
Óvissan skapar erfiðleika,“ sagði
Geir. Hann sagði Vilhjálm hafa ósk-
að eftir því að fá tíma til að fara yfir
sín mál. „Það er eðlilegt og við eig-
um að veita honum það svigrúm.“
Geir ræddi einnig efnahagsmálin
og sagðist ekki óttast að kreppa
væri framundan þótt ástandið væri
erfitt í sjávarútvegi og á fjármála-
markaði.
Sagði Geir aðspurður að margt
kæmi til sem gerði að verkum að
ekki þyrfti að hafa áhyggjur, m.a.
vægju auknar opinberar fram-
kvæmdir upp á móti og ávinningur
af síðustu árum hefði verið notaður
til að búa í haginn.
Geri upp
hug sinn
í vikunni
Geir H. Haarde
Forsætisráðherra
óttast ekki kreppu
MAÐUR var fluttur á slysadeild
snemma í gærmorgun en hann var
talinn hafa verið stunginn í bakið
með hnífi. Einn gisti fangageymslur
lögreglunnar vegna málsins.
Síðdegis í gær kom hinsvegar í
ljós að ekki var um hnífsstungu að
ræða heldur höfðu mennirnir tveir
lent í slagsmálum með þeim afleið-
ingum að annar þeirra féll aftur fyrir
sig og lenti á oddhvössum hlut en
ekki hefur verið gefið upp hvort um
var að ræða glerbrot eða annað. Hin-
um grunaða var í kjölfarið sleppt úr
haldi lögreglu.
Þá ruddust tveir ungir karlmenn
inn á veitingastað við Ingólfstorg á
laugardagskvöldið. Þeir rændu pen-
ingum úr afgreiðslukassanum og
börðu svo afgreiðslumann með kylfu.
Sá slapp lítt meiddur en lögreglan
telur sig þekkja ræningjana.
Slagsmál og
peningarán
♦♦♦