Morgunblaðið - 25.03.2008, Qupperneq 20

20 ÞRIÐJUDAGUR 25. MARS 2008 MORGUNBLAÐIÐ
VESTURLAND
Eftir Sigurð Elvar Þórólfsson
seth@mbl.is
PP-777 er bílnúmer sem margir
Akurnesingar kannast sjálfsagt
ekki við en þetta ágæta númer er á
Ikarus-strætisvagni Skagamanna
sem keyrir hring eftir hring alla
virka daga í ört vaxandi bæj-
arfélagi. Það er enn sem komið er
talað um strætó í eintölu á Akra-
nesi enda er vagninn aðeins einn og
hefur hann verið til taks fyrir Ak-
urnesinga frá því um mitt ár 2003.
Halldór Jóhannsson er annar af bíl-
stjórum vagnsins á Akranesi en
það er fyrirtækið Skagaverk sem
sér um almenningssamgöngurnar
innanbæjar á Akranesi.
Ikarus-vagninn er sérsniðinn bíl
fyrir almenningssamgöngur í þétt-
býli, þægilegur uppgöngu og með
góðu rými fyrir barnavagna og
hjólastóla. Mikil fjölgun hefur verið
í farþegafjölda hjá strætó á Akra-
nesi í marsmánuði og stundum
komast færri að en vilja í vagninn
sem rúmar 40 manns í einu. Ástæð-
an er einföld. Það er frítt í strætó
fyrir alla íbúa Akraness og þannig
hefur það verið frá 1. mars sl. Hall-
dór var mættur í vinnu á öðrum
degi páska og þrátt fyrir að flestar
opinberar stofnanir og skólar væru
í „dvala“ eftir páskahátína voru
margir sem nýttu sér þjónustu
vagnsins.
Á „rúntinum“ með strætó
„Það hefur stóraukist aðsóknin
hjá okkur frá því að hætt var að
rukka fyrir fargjaldið hinn 1. mars
sl. Skólakrakkarnir eru mjög dug-
legir að nota vagninn og það kemur
stundum fyrir að ég verð að skilja
eftir farþega rétt eftir að skólanum
lýkur eftir hádegi. Það eru reynd-
ar margir krakkar sem eru bara á
„rúntinum“ með strætó enda er
allt spennandi sem er nýtt hjá
krökkunum. Það verður kannski
meira jafnvægi komið á hlutina hjá
okkur eftir nokkrar vikur,“ segir
Halldór en hann hefur starfað sem
strætóbílstjóri undanfarin þrjú ár.
Á hverjum virkum degi ekur
guli vinalegi strætóinn 23 hringi
um Akranes og segir sérfræðing-
urinn sem situr við stýrið flesta
daga að hver hringur sé rétt um 10
km. „Akranes er kannski ekki
mjög stór bær en hann er langur.
Það er töluverður spotti að ganga
frá efri hluta bæjarins og niður í
þann gamla. Börn og unglingar eru
í meirihluta þeirra sem nota vagn-
inn og þar á eftir kemur hópur
eldri borgara. Ég hef ekki séð
marga á aldrinum 30-50 ára sem
hafa bæst í hópinn á allra síðustu
dögum en það á kannski eftir að
breytast.“
Kurteisir viðskiptavinir
Halldór kvartar ekki yfir við-
skiptavinum strætós á Akranesi og
segir þá flesta vera kurteisa. „Það
er stundum mikill galsi í krökk-
unum sem eru langfjölmennasti
hópurinn sem notar vagninn. Ég
hef ekki orðið fyrir því að krakk-
arnir eða aðrir viðskiptavinir okkar
séu ókurteisir eða með einhverja
stæla. Vissulega eru einhverjir að
tuða eitthvað en þá látum við það
fara fram hjá okkur.“
Flestar götur í eldri hluta bæj-
arins eru steinsteyptar og segir
vagnstjórinn að vegakerfið sé að-
eins farið að láta á sjá. „Það mætti
alveg laga ýmsar götur sem við er-
um að keyra. Stundum er þetta
eins og að aka á malarvegi. Gömlu
göturnar eru með sprungum og
rifum sem þarf að laga. Það á
örugglega eftir að gerast í nánustu
framtíð.“
Þjónustustigið hjá Halldóri og
félögum er án efa með því hæsta
sem gerist í þessum „bransa“. Oft-
ar en ekki hefur sést til gula
vagnsins á „óhefðbundnum“ akst-
ursleiðum á Akranesi. „Jú, það
kemur einstaka sinnum fyrir að við
keyrum okkar viðskiptavinum okk-
ar alla leið upp að dyrum. Ef veður
er vont og einhver á „besta“ aldri
þarf að komast leiðar sinnar þá
gerum við stundum aðeins meira
en við eigum í raun og veru að
gera. Sá tími sem við höfum til að
bregða út af vananum er minni eft-
ir að fleiri fóru að nota strætó en
við gerum okkar besta.“
„Skutlið“ er enn til staðar
Umferð ökutækja af öllum
stærðum hefur aukist til muna á
Akranesi líkt og á öðrum stöðum á
Íslandi. Halldór segir að „skutlið“
með börnin, sem foreldrar standi í
flesta daga, sé ekki úr sögunni
þrátt fyrir að frítt sé í strætó. „Ég
hugsa að fólk eigi eftir að nota
þessa þjónustu meira þegar lengra
líður á. Það eru ekki nema rúm-
lega þrjár vikur síðan hætt var að
rukka fyrir aksturinn og ég á von
á því að fleiri geti nýtt sér þjón-
ustu okkar þegar fram líða stund-
ir,“ sagði Halldór Jóhannsson
strætóbílstjóri.
„Keyrt alla leið upp að dyrum“
Morgunblaðið/Sigurður Elvar
Með bros á vör
Halldór Jóhannsson, strætóbílstjóri á Akranesi, segir að oft komist færri
en vilja í vagninn eftir að hætt var að rukka fyrir fargjaldið 1. mars sl.
Viðskiptavinum „strætósins“ á Akranesi fjölgar ört og stundum komast færri að en vilja
HÉÐINSFJÖRÐUR blasir nú við
bormönnum í Héðinsfjarðargöngum.
Undir kvöld á föstudaginn langa var
lokið við að sprengja síðasta haftið í
göngunum, þ.e. í þeim hluta sem
liggur frá Siglufirði og í Héðinsfjörð,
eins og fram kom í blaðinu á sunnu-
daginn.
Fyrsta gegnumbrotið var á mið-
vikudagskvöld í liðinni viku, en þá
boruðu starfsmenn sig í gegnum
bergið á tveimur stöðum, gerðu tvö
lítil göt í gegnum bergið og kom í ljós
að 22 metrar voru þá eftir. Nú um
páskahelgina hafa menn svo unnið
við að hreinsa út úr göngunum.
Góður hiti í göngunum
Björn A. Harðarson hjá GeoTek
ehf. sem hefur umsjón og fram-
kvæmdaeftirlit með framkvæmdum
fyrir Vegagerðina segir að menn hafi
farið varlega þessa síðustu metra. Sá
háttur var hafður á við verkið að ein-
ungis var sprengt öðrum megin, þ.e.
frá Siglufirði og út til Héðinsfjarðar,
en vaninn er að verk af þessu tagi sé
unnið báðum megin frá og menn
komi á hvorir á móti öðrum. „Við höf-
um aldrei áður gert þetta svona, við
komum bara beint út í hlíð, það er
dálítið sérstakt, segir Björn. Leyfi
fékkst ekki til að sprengja úr Héð-
insfirði þannig að bormenn sprengdu
sig í gegn metra fyrir metra innan úr
Siglufjarðarhluta ganganna.
Björn segir að framkvæmdir við
verkið hafi gengið mjög vel og ekk-
ert óvænt komið upp á enn. Aðstæð-
ur séu almennt mjög hagstæðar en
til að mynda hafi hiti í göngunum frá
Siglufirði verið mjög góður,10 til 15
gráður. Það megi þakka nálægð við
hitasvæði Siglfirðinga í Skútudal.
Kaldara er hins vegar á þeim sem
starfa við sprengingarnar í Ólafs-
fjarðarhluta ganganna þar sem hit-
ans nýtur ekki við. Mikill vatnsagi
þar hefur líka gert mönnum lífið
leitt, en Björn vonar að senn verði sá
kafli að baki.
„Hraðinn á verkinu hefur dottið
nokkuð niður vegna þessa mikla
vatnsaga, við þurfum að nota efna-
þéttingu til að stöðva hann og það
tekur nokkuð langan tíma. Ég á ekki
von á að þetta komi niður á verklok-
um og tel að það versta verði brátt
afstaðið,“ segir Björn.
Gert er ráð fyrir að nokkurn tíma
taki að ganga frá munnanum í Héð-
insfirði og gera hann öruggan að
sögn Björns, en að því verki loknu
verður formlegt gegnumslag með
ráðherrum og fjölda gesta. „Þegar
því verki verður lokið hefjum við
undirbúning að gangasprengingum í
austurhlíð Héðinsfjarðar og munum
grafa göngin á móti þeim sem
sprengja frá Ólafsfirði,“ segir Björn.
Verkinu er langt í frá lokið þó að
langþráðum áfanga hafa nú verið
náð, eftir er að sprengja um 4,2 kíló-
metra til að ná í gegn í þeim hluta
ganganna sem nær frá Ólafsfirði út í
Héðinsfjörð.
Hafist var handa við framkvæmd-
ir Héðinsfjarðarganga haustið 2006
og er áætlað að verkinu ljúki í lok árs
2009. Göngin eru tvíbreið og í tvennu
lagi, 3,7 kílómetrar frá Siglufirði til
Héðinsfjarðar og svo 6,9 kílómetrar
úr Héðinsfirði til Ólafsfjarðar, sam-
tals um 11 kílómetrar að lengd í allt.
Við alla gangamunna verða steyptir
vegskálar.
Þá verður lagður vegur, um 600
metra langur í Héðinsfirði á milli
gangaopanna og að auki nær verkið
einnig til lagningar vega að göngun-
um frá báðum þéttbýlisstöðunum
Vinnusamir eðalkallar
Verktakasamsteypan sem vinnur
verkið er Metrostav í Tékklandi og
Háfell. Samsteypan átti lægsta boð í
verkið, um 5,7 milljarða en áætlaður
verktakakostnaður Vegagerðarinn-
ar var tæplega 6,5 milljarðar. Áætl-
aður heildarkostnaður verksins með
öllu er um 7 milljarðar. Þetta er
stærsta einstaka vegaframkvæmd
sem Vegagerðin hefur ráðist í.
Við verkið hafa starfað alls um 100
starfsmenn af hálfu verktaka, oftast
eru um 70 á verkstað hverju sinni en
hinir heima í Tékklandi í fríi. Unnið
er við gangagröftinn allan sólar-
hringinn. „Þetta eru hörkuduglegir
eðalkallar,“ segir Björn um tékk-
neska starfsmenn Metrostav. „Ein-
staklega ljúfir og kurteisir og með
afbrigðum vinnusamir.“
Markmið með gerð Héðinsfjarðar-
ganga er að bæta samgöngur, auka
umferðaröryggi og tengja Siglufjörð
við Eyjafjarðarsvæðið og styrkja
þannig búsetu á svæðinu. Með til-
komu ganganna styttist leiðin milli
Siglufjarðar og Ólafsfjarðar um 47
kílómetra, úr 62 kílómetrum nú í um
15 kílómetra og er þá miðað við að
farið sé um Lágheiði, en í þeim til-
vikum sem hún er ófær og aka þarf
um Öxnadalsheiði og Skagafjörð
nemur stytting á leiðinni milli þétt-
býlisstaðanna tveggja, Ólafsfjarðar
og Siglufjarðar, um 219 kílómetrum.
Nálægð við háhitasvæðið kom sér vel
Ljósmynd/Margrét Þóra Þórsdóttir
Gengur vel Einn tékkneskra starfsmanna Metrostav við vinnu sína í Héðinsfjarðargöngunum í síðustu viku.
Framkvæmdir við
Héðinsfjarðargöng
hafa gengið vel
LANDIÐ