Morgunblaðið - 28.03.2008, Síða 45

Vörubíladeild Volvo hefur
tekið í notkun for-
vitnilegan tæknibúnað
sem ætlað er að gera
vörubílstjórum auðveld-
ara að mæla þyngd og
dreifingu farms, sér í lagi
farms sem erfitt er að
vigta eins og möl, grjót,
korn og fleira. Það er
danska fyrirtækið EP Po-
wervision í Håstrup við
Faaborg hefur þróað nýja
kerfið og mun það leysa ým-
iss konar vandamál því víð-
ast hvar er ekki hægt að stóla á vogir við þjóðvegina til þess að
vigta farm og jafnframt eru þyngdartakmarkanir algengar á
vegum.
Virkar bæði á vörubílum með loft- og gormafjöðrun
Tækið heitir Cargowatch og er nú boðið upp á það sem auka-
búnað hjá Volvo en þar með ábyrgist Volvo gæði búnaðarins og
virkni hans. Um er að ræða raftæki sem getur mælt hæð farms
og þyngd hans en tækið byggir á upplýsingum fyrir og eftir
hleðslu og er hægt að fá það fyrir einn öxul eða tvo.
Jack Fakkenor, sölustjóri EP Powervision, fagnar samn-
ingnum við Volvo en tekur þó fram að fyrirtækið hafi jafnframt
selt búnaðinn í Mercedes-Benz og Scania vörubíla. Þar hefur
hann þó ekki verið í boði sem aukabúnaður heldur hefur verið
leitað beint til fyrirtækisins eftir búnaðinum. Salan hefur ekki
verið mjög mikil hingað til en að jafnaði seljast um 1200-1500
tæki á ári sem er ekki mjög mikið miðað við að Volvo selur t.d.
tæplega 120 þúsund vörubíla á ári.
Eftirspurnin mun þó aukast snarlega og því mun fyrirtækið
flytja á næstu vikum í nýtt húsnæði og er búist við að á nýjum
stað muni fyrirtækið geta annað eftirspurn – í dag hafa einungis
sex manns unnið við framleiðsluna og því verður forvitnilegt að
sjá hver þróunin verður á næstu mánuðum.
Vigt Þessi búnaður mælir
bæði hæð farms og þyngd.
Nýstárlegur
danskur vigt-
unarbúnaður
Morgunblaðið |45