Morgunblaðið - 05.06.2008, Qupperneq 19

MORGUNBLAÐIÐ FIMMTUDAGUR 5. JÚNÍ 2008 19
HAGFRÆÐIDEILD
HÁSKÓLA ÍSLANDS
www.hag.hi.is
Morgunverðarfundur Hagfræðideildar HÍ
Föstudaginn 6. júní kl. 8:30-10 – Háskólatorgi, HT 105
Samkeppnishæfni þjóða og sóknarfæri
Xavier Sala-i-Martin, prófessor í þjóðhagfræði og ráðgjafi
World Economic Forum í Davos, Sviss
Í fyrirlestri sínum mun Xavier fjalla sérstaklega um aðferðafræði
World Economic Forum við mælingar á samkeppnishæfni.
Hann mun einnig fjalla um samkeppnisstöðu efnahagslífsins á
Íslandi og langtímahorfur auk þess að beina sjónum að því á
hvaða sviðum Ísland geti aukið samkeppnishæfni sína.
Kaffi og rúnstykki frá kl. 8:00.
Allir velkomnir. Aðgangur ókeypis.
WWW.EBK.DK
Danskir gæðasumarbústaðir
(heilsársbústaðir)
Hafðu samband við okkur fyrir frekari
upplýsingar: Trine Lundgaard Olsen
farsími nr. +45 61 62 05 25
netfang: tlo@ebk.dk
Ert þú í byggingarhugleiðingum?
FRÉTTASKÝRING
Eftir Helga Snæ Sigurðsson
helgisnaer@mbl.is
TÓNLISTAR- og ráðstefnuhúsið er
orðið býsna áberandi í miðborg
Reykjavíkur og sjálfsagt margir
sem bíða spenntir eftir því að sjá það
fullklárað um áramótin 2009/2010.
Framkvæmdir eru á áætlun og
vinna um 200 manns að jafnaði 22
klst. á sólarhring. Búið er að ráða
Theódór S. Halldórsson sem fram-
kvæmdastjóra Ago ehf., rekstr-
arfélagsins sem sér um markaðsmál
og daglegan rekstur hússins. Hann
segir að verið sé „að vinna að því að
skipuleggja reksturinn á húsinu“.
„Þar er margs að gæta því þetta er
auðvitað bæði tónlistar- og ráð-
stefnuhús. Þarna verða veitingahús,
verslanir og ýmis konar þjónusta og
eitt af því sem þarf að gera er að
ráða starfsfólk til starfa og þar er
listrænn stjórnandi náttúrulega lyk-
ilstarfsmaður. Þetta er hlutur sem
þarf að vanda vel til og tekur svolít-
inn tíma,“ segir Theódór. Hann mun
skipuleggja rekstrarmál, markaðs-
setningu, starfsmannahald og fleira
sem viðkemur daglegri starfsemi
hússins.
„Þá berum við okkur saman við
það sem er að gerast í öðrum lönd-
um, hvernig menn skipuleggja svona
hús,“ segir Theódór. Í haust á að
vera búið að ramma reksturinn
meira og minna inn.
Ráðgjafar koma með tillögur
„Við erum að vinna í því að ráða
listrænan stjórnanda og njótum ráð-
gjafar Jaspers Parrott, umboðs-
manns Vladimírs Ashkenazy, sem er
líka ráðgjafi hjá okkur,“ segir Theó-
dór um stöðuna í ráðningarferli list-
ræns stjórnanda hússins. „Við erum
að leita að aðila og ég vona að þetta
skýrist í næsta mánuði.“
Starf listræns stjórnanda við hús-
ið hefur ekki verið auglýst heldur
var ákveðið að leita til ráðgjafa, í það
minnsta til að byrja með, en ekki er
útilokað að starfið verði auglýst síð-
ar. Parrott var fenginn til að koma
með hugmyndir að listrænum
stjórnanda og hvernig starfslýsing
hans ætti að vera segir Theódór.
Ekki er tímabært að nefna nein nöfn
á mögulegum stjórnendum að svo
stöddu en Theódór gerir ráð fyrir
því að listrænn stjórnandi hefji störf
í haust. Hann segir vinnu að list-
rænni dagskrá þegar hafna hjá Tón-
listar- og ráðstefnuhúsinu og ráð-
gjöfunum tveimur fyrrnefndu.
Morgunblaðið/Golli
Húsið rís hratt Theódór með Tónlistar- og ráðstefnuhúsið í bakgrunni.
Listrænn stjórnandi
lykilstarfsmaður
Í HNOTSKURN
» Theódór var ráðinn fram-kvæmdastjóri Ago ehf. í
febrúar sl. Ago ehf. er dótt-
urfélag Eignarhaldsfélagsins
Portus hf. og sér um mark-
aðsmál og rekstur Tónlistar-
og ráðstefnuhússins.
» Undirbúningur, hönnun,bygging, starfsemi og
rekstur hússins er í aðskildum
félögum sem eru að fullu í
eigu Eignarhaldsfélagsins
Portus hf., annars vegar To-
tus ehf. og hins vegar Ago
ehf.
» Totus ehf. er fasteigna-félag sem hannar, byggir
og fjármagnar Tónlistar- og
ráðstefnuhúsið á bygging-
artíma og annast stjórnun og
rekstur fasteigna eftir opnun.
Unnið er að því að skipuleggja reksturinn í nýja Tónlistar- og ráðstefnuhúsinu
Morgunblaðið/RAX
Gengur vel Framkvæmdir við byggingu hússins eru á áætlun.
ÞEIR sem áhuga hafa á Tónlistar-
og ráðstefnuhúsinu fagna sjálfsagt
þeim fréttum að opna eigi gesta-
stofu til kynningar á húsinu og
framkvæmdum í nágrenni þess.
Gestastofa Tónlistar- og ráðstefnu-
húss verður á efstu hæð hússins að
Hafnarstræti 20, sem jafnan er
nefnt Strætóhúsið. Gestastofan
verður um 500 fermetrar og geta
gestir fengið ítarlegar upplýsingar
þar um þetta umfangsmikla verk-
efni. Henning Larsen arkitektar,
sem hanna Tónlistar- og ráðstefnu-
húsið, koma að hönnun stofunnar.
María Björk Óskarsdóttir er
framkvæmdastjóri Gestastofu Tón-
listar- og ráðstefnuhúss og segir
búið að rýma efstu hæð hússins og
mála það kolsvart að utan, í
tengslum við verkefnið, gera það
hlutlausara í útliti og um draga um
leið meiri athygli að því.
„Hugmyndin með þessari gesta-
stofu er að þar verði sýning sem
segir frá sögunni og uppbygging-
unni. Þarna geta almenningur og
allir fagaðilar komið og fengið allar
upplýsingar, lesið sér til, skoðað
myndir, líkön og þrívíddarefni sem
og sótt viðburði af ýmsum toga, s.s.
fundi, fyrirlestra, pallborðs-
umræður, tónleika eða annað sem
verður í boði í Gestastofunni. Til-
gangurinn með þessu er auðvitað
að gefa innsýn í það sem koma skal
þegar húsið verður risið og búið að
opna það. Það er mikill áhugi fyrir
þessu og eftirspurn eftir upplýs-
ingum,“ segir María Björk.
Svör við spurningum
Vinnulíkön Ólafs Elíassonar
tengd glerhjúpnum utan á húsinu
verða til sýnis og eiga án efa eftir
að vekja miklar umræður og vanga-
veltur gesta. María Björk segir
framkvæmdina gríðarlega um-
fangsmikla og ljóst að bygging-
arnar muni hafa mikil áhrif á ásýnd
miðborgarinnar. „Við teljum það
okkar skyldu að varpa sem bestu
ljósi á þetta og gefa fólki kost á að
setja sig inn í málin og fá svör við
sínum spurningum. Sérfræðingar
sem þekkja ólíkar hliðar fram-
kvæmdarinnar verða oft kallaðir til
og munu fræða gesti um þær.“
Gestastofa
opnuð í júlí
Morgunblaðið/Golli
Undirbúningur María Björk og
Gunnar Einarsson byggingarstjóri.
Gott útsýni Á þeirri hlið Gestastofu sem snýr norður verður stór gluggi,
um tíu metra breiður, með útsýni yfir Tónlistar- og ráðstefnuhúsið.