Lesbók Morgunblaðsins - 28.06.2008, Síða 3

Stórsveit Frumflutt verður nýtt verk eftir Benna Hemm Hemm fyrir hljómsveit hans og Sinfóníuhljómsveit unga fólksins á Þjóðlagahátíðinni á Siglufirði.
Eftir Gunnstein Ólafsson
gol@ismennt.is
Þjóðlagahátíðin á Siglufirðiverður haldin dagana ann-an til sjötta júlí. Að þessusinni ber hátíðin yfirskrift-
ina Fjallatónlist og dansar. Kenndir
verða dansar frá Appalaichan-fjöllum
í Bandaríkjunum, námskeið verður
haldið í jóðli og leikin verður tónlist
frá fjallahéruðum Balkanskaga og
austurlöndum.
Ragnheiður Gröndal ríður á vaðið
og flytur íslensk þjóðlög ásamt Guð-
mundi Péturssyni gítarleikara og
Matthíasi Hemstock slagverksleik-
ara. Þá heldur norska „fiðlunornin“
Susanne Lundeng tónleika þar sem
hún fléttar saman eigin tónlist við
norska þjóðlagahefð á meistaralegan
hátt. Sítarleikarinn Hanan El-
Shemouty frá Egyptalandi er einnig
afburðatónlistarmaður á sínu sviði.
Hún drakk í sig arabíska tónlistar-
hefð en leitaði síðan á vit indverskrar
og balkanskrar tónlistar. Hún starfar
með tónlistarmönnum um víða veröld
en á þjóðlagahátíðinni koma til liðs
við hana Hilmar Örn Agnarsson org-
anleikari og Steingrímur Guðmunds-
son slagverksleikari. Hanan heldur
einnig námskeið í austrænum
trommuleik. Meðal annarra erlendra
gesta má nefna Phil Jamisson frá
Bandaríkjunum, sérfræðing í „flatfo-
od“-dönsum frá Appalaichan-fjöllum,
Syðrifjalla balalækuhljómsveitina frá
Stokkhólmi sem leikur tónlist frá
slóðum kósakka í Rússlandi og
spunahópurinn Voces spontane frá
Vínarborg kemur fram á tónleikum.
Auk Ragnheiðar Gröndal koma
fjölmargir íslenskir tónlistarmenn
fram á hátíðinni og ný íslensk verk
verða frumflutt. Herdís Jónsdóttir og
Steef van Oosterhout halda tvenna
tónleika, aðra fyrir börn en hina fyrir
fullorðna, þar sem þau frumflytja
m.a. nýtt verk eftir Snorra Sigfús
Birgisson. Benni Hemm Hemm sem-
ur nýtt verk fyrir hljómsveit sína og
Sinfóníuhljómsveit unga fólksins og
Michael Jón Clarke söngvari og tón-
skáld frumflytur eigin útsetningar á
íslenskum þjóðlögum ásamt Þórarni
Stefánssyni píanóleikara. Þá munu
þeir félagar í Hundi í óskilum, Hjör-
leifur Hjartarson og Eiríkur Steph-
ensen, taka þjóðlagaarfinn í nefið,
eins og þeir orða það, Háskólakórinn
heldur sjálfstæða tónleika og þrír
trúbadorar heimsækja hátíðina, þau
Samantha Burke og Peter Uhlen-
bruch frá Ástralíu ásamt Svavari
Knúti Kristinssyni.
Að venju eru fjölbreytt námskeið í
boði á hátíðinni. Auk dansa frá Ap-
palaichan-fjöllum og austræns
trommunámskeiðs verður boðið upp
á námskeið í jóðli, raddspuna, rímna-
kveðskap, íslenskri glímu, blómst-
ursaumi og ullarþæfingu. Leiklist-
arnámskeið og tónlistarnámskeið
verða fyrir börn og sérstakt nám-
skeið í stompi fyrir unglinga. List-
rænn stjórnandi hátíðarinnar er
Gunnsteinn Ólafsson en helstu sam-
starfsaðilar eru Síldarminjasafn Ís-
lands, Siglufjarðarkirkja og Fjalla-
byggð.
Fjallatónlist og dansari
www.siglo.is/festival.
SAMHLIÐA Þjóðlagahátíðinni
á Siglufirði er haldið alþjóðlegt
námskeið um íslenska þjóðlaga-
tónlist, svokölluð Þjóðlagaaka-
demía. Námskeiðið var fyrst
haldið fyrir íslenska nemendur
sumarið 2007 en er að þessu
sinni með alþjóðlegu sniði.
Nemar úr þjóðlagadeildum tón-
listarháskóla á Norðurlönd-
unum og úr Eystrasalti sækja
það heim auk íslenskra tónlist-
arnema. Á námskeiðinu kenna
auk íslenskra fræðimanna og
tónlistarmanna erlendir lista-
menn sem koma fram á þjóð-
lagahátíðinni.
Námskeiðið er samvinnu-
verkefni Þjóðlagahátíðar,
Stofnunar Árna Magnússonar á
Íslandi og Kennaraháskóla Ís-
lands/Háskóla Íslands.
Alþjóðleg akademía
samhliða Þjóðlagahátíð
Tríóið Hyvä frá Finnlandi er meðal
þátttakenda í akademíunni.
MORGUNBLAÐIÐ LAUGARDAGUR 28. JÚNÍ 2008 3
Landslag! það hljómar
í sal undir himninum, sungið
af dætrum mínum, þeim tjörn og tó,
fit, mýri og mörk:
leiðarstef
til þín, gegnum þokur tímans!
Þú vissir ei
hver þú varst í raun, fyrr en þar;
þú sættist hvergi
við sjálfan þig betur en þar;
þú villtist hvergi
jafn voðalega,
jafn þakksamlega sem þar!
Svo kliðmjúk, höfug
er kveðandin sú að heyra.
Þorsteinn frá HamriMorgunblaðið/G.Rúnar
Fjallkona
Ávarp Fjallkonunnar 17. júní 2008
Fjallkonan Elma Lísa
Gunnarsdóttir flutti ljóð
Þorsteins frá Hamri.