Morgunblaðið - 28.07.2008, Qupperneq 6

6 MÁNUDAGUR 28. JÚLÍ 2008 MORGUNBLAÐIÐ
FRÉTTIR
Eftir Halldór Armand Ásgeirsson
haa@mbl.is
HVERS kyns gróður á Íslandi dafnar vel í sumar
og menn eru bjartsýnir á framhaldið. Mestu
skiptir að veður hefur verið að mestu verið hlýtt
og stöðugt.
Halldór Sverrisson, lektor við Landbúnaðarhá-
skóla Íslands, segir gróður hafa tekið snemma
við sér í ár. „Því fylgir reyndar að ýmsir plöntu-
sjúkdómar og skorkvikindi eru einnig fyrr á ferð-
inni. Þegar öllu er á botninn hvolft græðir gróð-
urinn þó á því að vera svo snemma á ferðinni.“
Gunnar Sverrisson, bóndi á Hrosshaga í Bisk-
upstungum, segir ástand gróðurs á þeim slóðum
vera afskaplega gott. „Trjágróðurinn lítur mjög
vel út og svo hefur grassprettan verið ágæt í
sumar. Á heildina séð er ástandið einstaklega
gott.“
Hann bendir á að hlýtt hafi verið í veðri og hlý-
indin hafi verið stöðug frá því í maí. „Þetta er al-
veg með bestu árum, það er á hreinu.“
Jón Loftsson, skógræktarstjóri, segir skóg-
rækt í landinu ganga vonum framar. „Vorið var
mjög gott í skógræktinni og sumarið hefur verið
það einnig.“
Hann segir þó hafa komið á óvart að of þurrt
hafi verið á Suðurlandi um tíma og menn hafi
þurft að hætta gróðursetningu á meðan. Slíkt
mun vera óalgengt þar.
Þá virðast menn geta sammælst um að hey-
skapur gangi almennt prýðilega á landinu öllu.
„Það er allur gangur á hvenær menn hófu slátt
en menn eru almennt jákvæðir,“ segir Sigurður
Jarlsson, ráðunautur Búnaðarsamtaka Vest-
urlands.
Morgunblaðið/Ómar
Dafnar Nánast allur gróður hefur
dafnað vel í sumar. Og það sést.
Gæfuríkt ár í gróðurrækt
 Skógrækt gengur vonum framar á landinu  Gróður tók almennt mjög
snemma við sér í ár  Heyskapur lítur prýðilega út og menn bjartsýnir
ÖKUMAÐUR vespunnar sem ók út
af við Víkurskarð austan Akureyr-
ar sl. föstudag var að reyna að forð-
ast árekstur við bifreið sem kom á
móti. Ástæða slyssins var því ekki
sú að hann hefði einfaldlega misst
stjórn á hjólinu eins og sagði í
blaðsinu á laugardag. Að sögn lög-
reglunnar á Akureyri var bifreiðin
að taka fram úr annarri bifreið og
því á öfugum vegarhelmingi. Öku-
maður vespunnar sá ekki aðra leið
færa til að afstýra árekstri en að
sveigja frá.
Lögregla veit skráningarnúmar
bílsins sem olli slysinu.
Keyrði út af
til að forðast
árekstur
Ónýt Ökumaður vespunnar ók út af
til að komast hjá árekstri við bíl.
HANDRUKKARAR færðu mann af
heimili sínu í Hafnarfirði og út í
Heiðmörk aðfaranótt sunnudags
þar sem þeir misþyrmdu honum, að
sögn lögreglu höfuðborgarsvæð-
isins. Maðurinn gekk til byggða og
gerði vart við sig í Garðabæ. Hann
hafði hlotið nokkra áverka í andliti.
Einn maður var handtekinn að
morgni sunnudags og sleppt eftir
yfirheyrslu. Ekki er vitað hvort
hann gekkst við aðild að verkn-
aðinum. Málið er í rannsókn og leit-
ar lögreglan nú þriggja manna sem
einnig eru grunaðir um verkn-
aðinn. skulias@mbl.is
Misþyrmt í
Heiðmörk
SÉRSVEIT ríkislögreglustjóra var
á laugardagsmorgun kvödd til við
hús í Keflavík þar sem illa útleikinn
maður lá utandyra. Grunur beindist
að gestum í húsinu en þar var tölu-
verð háreysti. Vildi lögregla koma
veislugestum að óvörum til að
hindra að þeir gætu ráðið ráðum
sínum, komist undan eða stungið
undan sönnunargögnum eða öðru.
Tíu lögreglumenn og fjórir sér-
sveitarmenn brutu upp dyr og
þustu inn í húsið. Þar fann lögregla
áhöld til fíkniefnaneyslu, kannabis-
efni og duft sem talið er vera am-
fetamín. Blóð var á klæðnaði þeirra
sem grunaðir eru um árásina. Átta
manns voru handteknir í húsinu og
einn til var handtekinn vegna máls-
ins aðfaranótt sunnudags.
skulias@mbl.is
Níu manns
handteknir
FRÉTTASKÝRING
Eftir Halldór Armand Ásgeirsson
haa@mbl.is
„VIÐ sjáum að sjóstangveiðin hefur
umtalsverð veltuáhrif enda hefur
hún áhrif á þjónustuna á viðkomandi
stað og ýmis störf skapast í kringum
hana. Þá hafa auðvitað verið gerðar
miklar fjárfestingar í kringum iðn-
aðinn og við vitum ekki alveg hve
langur tími líður þar til þær borga
sig til baka,“ segir Halldór Hall-
dórsson, bæjarstjóri á Ísafirði.
Mikill vöxtur hefur verið í sjóst-
angveiði á Vestfjörðum frá því hún
varð hluti af ferðaþjónustu árið
2006. Talið er að um 3.000 erlendir
ferðamenn heimsæki Vestfirði í
sumar í þeim tilgangi að fanga fisk
úr úthafinu.
„Þeir voru um 2.000 í fyrra. Skýr-
ingin er eflaust sú að þá veiddist svo
rosalega mikið af lúðu hérna. Því
koma margir veiðimenn hingað í ár,“
segir Elías Guðmundsson hjá sjóst-
angveiðifyrirtækinu Hvíldarkletti
ehf.
Sjóstangveiði getur þó verið
óstöðugur atvinnuvegur enda mis-
jafnt hvert straumur veiðimanna
liggur. „Hér þarf að passa að ekki
gerist það sama og í Noregi. Þar
fylltust smám saman allir firðir af
bátum og þá misstu veiðarnar allan
sjarma. Þá misstu þeir viðskiptin.
Við þurfum að passa að þetta gerist
ekki hérna,“ segir Shiran Þórisson
hjá Atvinnuþróunarfélagi Vest-
fjarða.
Margvísleg efnahagsleg áhrif
Hin mikla ásókn til Vestfjarða
hefur margvísleg efnahagsleg áhrif.
„Það er mjög erfitt að mæla veltu í
ferðaþjónustu en við teljum okkur
sjá áhrifin vel. Þau eru einnig afleidd
– Flugfélag Íslands hefur til að
mynda verið að fljúga aukalega
hingað með ferðamenn. Þá höfum
við einnig heyrt að erlendir ferða-
menn haldi nánast uppi allri þjón-
ustu í verslunum á Suðureyri,“ segir
Halldór bæjarstjóri.
Engar nákvæmar tölur eru til yfir
hvaða efnahagslegu áhrif sjóst-
angveiðin hefur haft á Vestfirði.
Einn viðmælenda Morgunblaðsins
sagðist þó hafa heyrt að í kringum
40 störf hefðu skapast í tengslum við
iðnaðinn. Hann taldi þó líklegra að
slíkt ætti aðeins við um sumartím-
ann.
Halldór bæjarstjóri segir ólíklegt
að sjóstangveiðiiðnaðurinn geti að
einhverju leyti leyst mögulega olíu-
hreinsunarstöð á Vestfjörðum af
hólmi. „Þetta er auðvitað árs-
tíðabundinn iðnaður eins og annað í
ferðaþjónustunni meðan olíu-
hreinsunarstöðin væri stöðug allan
ársins hring. Ég tel þetta ekkert í
líkingu við hana. En því fleiri ein-
ingar sem byggjast upp hérna því
sterkara verður samfélagið auðvit-
að.“
Sjóstangveiðimenn fylla 40-50%
þess gistipláss sem erlendir ferða-
menn hafa pantað í sumar á Vest-
fjörðum. Flestir eru þeir frá Þýska-
landi.
Þurfa að
passa að fylla
ekki firðina
„ÞETTA er nú
ansi langt frá því
að vera einhver
gullnáma en
ásóknin hefur
aukist mikið frá
því í fyrra,“ segir
Elías Guðmunds-
son hjá sjó-
stangaveiðifyr-
irtækinu Hvíldarkletti ehf.
„Við leigjum kvóta fyrir veiði-
mennina svo þetta eru alveg gríð-
arlegar fjárfestingar sem hafa ver-
ið gerðar.“ Elías segir ný störf hafa
fylgt iðnaðinum og þá helst í upp-
hafi þegar verið var að byggja allt
upp.
„Gríðarlegar
fjárfestingar“
Hve lengi hefur sjóstangaveiði
verið hluti ferðaþjónustu á Vest-
fjörðum?
Iðnaðurinn hófst árið 2006. Hann
byggist á samstarfi erlendra ferða-
skrifstofa og sjóstangaveiðifyr-
irtækja.
Hvað verður um fiskinn sem
veiddur er?
Kvótinn er leigður af fyrirtækjunum.
Fyrirtækið Sumarbyggð hf. leigir til
að mynda 120-130 tonna kvóta á ári.
Allur fiskur sem veiddur er, fer beint í
vinnslu og er þaðan seldur til útlanda.
Hvaðan koma erlendu ferðamenn-
irnir?
Yfirgnæfandi meirihluti þeirra kemur
frá Þýskalandi.
S&S
Fáskrúðfjörður | Mjög margir hafa sótt Fáskrúðsfirðinga heim það sem af
er hátíðarhöldum og er líf og fjör um allan bæ. Um hádegisbilið var kom-
ið saman í franska grafreitnum þar sem sóknarpresturinn, séra Þórey
Guðmundsdóttir, flutti bæn og minntist þeirra sem þar hvíla. Blóm-
sveigur var lagður að minnismerki um þá og gerðu það bæjarstýra
Fjarðabyggðar og fulltrúi Gravelines, vinabæjarins franska. Því næst
var kastað blómum í fjörðinn til minningar um sjómenn sem drukknað
hafa.
Ákveðið hefur verið að styrkja enn frekar tengsl bæjarins við franska
arfinn og í því skyni á að nota gamla læknisbústaðinn, sem Frakkar
reistu, sem eins konar miðstöð.
Alls konar uppákomur voru í blíðunni á Fáskrúðsfirði í gær og þá var
hlaupið svokallað Fáskrúðsfjarðarhlaup frá Hafnarnesi og inn í bæ. Þar
sýndi þetta unga fólk í Götuleikhúsinu listir sínar á stultum.
Morgunblaðið/Albert Kemp
Líf og fjör á Frönskum
dögum á Fáskrúðsfirði
Langleggjaðir listamenn