Morgunblaðið - 30.07.2008, Blaðsíða 6

6 MIÐVIKUDAGUR 30. JÚLÍ 2008 MORGUNBLAÐIÐ
FRÉTTIR
Eftir Unu Sighvatsdóttur
unas@mbl.is
„ÁTTU dót á tombólu?“ er setning sem heyrist á
ófáum dyraþrepum þessa dagana, enda sumarið
að venju mikil tombóluvertíð hjá íslenskum
börnum. Rauði kross Íslands hefur ekki farið
varhluta af tombólumennningunni því þangað
fara börnin með ágóðann og þótt um smáar upp-
hæðir sé að ræða hverju sinni safnast sann-
arlega þegar saman kemur, því í lok árs hafa iðu-
lega safnast fleiri hundruð þúsund krónur.
Til viðbótar við tombólurnar eru krakkarnir
mjög hugmyndaríkir við að finna upp nýjar leiðir
til að safna pening og fær þá sköpunargáfan oft
að njóta sín. Þrjár vinkonur á Hólum í Hjaltadal
seldu til dæmis ferðamönnum minjagripi sem
þær bjuggu sjálfar til úr perlum og skeljum.
Margir krakkar bæta við söfnunina með því að
skila flöskum í endurvinnslu og í Hveragerði
tóku nokkrar stelpur sig til, gengu í hús og seldu
kort sem þær höfðu teiknað sjálfar til styrktar
Rauða krossinum í kjölfar jarðskjálftanna.
Rauði krossinn safnar ágóðanum sem er ár-
lega varið í ýmiskonar verkefni til stuðnings fá-
tækum börnum og fá íslensku börnin að fylgjast
með því hvernig framlag þeirra nýtist, því Rauði
krossinn sendir þeim bréf sem segir frá því
verkefni sem valið er, auk viðurkenningarskjals.
Tombóluféð mikilvægt framlag
Íslenskir krakkar eru framtakssamir í góðgerðarmálum og safna árlega hundruðum þúsunda
króna að eigin frumkvæði fyrir Rauða krossinn með tombólum til styrktar bágstöddum börnum
Í HNOTSKURN
»Árlega halda 200-300börn á Íslandi tombólur
að eigin frumkvæði og
safna þannig peningum til
hjálpar öðrum börnum víðs-
vegar í heiminum
» Í fyrra söfnuðu tom-bólubörn alls 570.000
krónum fyrir Rauða kross-
inn og það sem af er þessu
ári hafa safnast um 250.000
krónur.
»Síðast var söfnunarféðnotað til að kaupa borð
og stóla, leikföng, skóladót
og fleira fyrirbörn í Malaví
sem eiga um sárt að binda
vegna alnæmis.
Dugleg Dagmar Kaldal hélt tombólu í Laugaráshverfi og keypti Steinunn Gísladóttir nokkra miða.
Eftir Steinþór Guðbjartsson
steinthor@mbl.is
LANDSNET á enn í viðræðum við
sveitarfélögin á Suðurnesjum um
lagningu nýrrar háspennulínu á
Reykjanesi og eru áætlanir komnar
nokkra mánuði á eftir áætlun.
Helstu ágreiningsefnin eru í sam-
bandi við umfang jarðstrengja og
flutning spennistöðvar í Hafnarfirði.
Þórður Guðmundsson, forstjóri
Landsnets, segir að viðræður við
fulltrúa sveitarfélaganna hafi gengið
ágætlega. „Allir leggja sig fram við
að finna lausn,“ segir hann og bætir
við að vel miði þó ekkert sé enn frá-
gengið.
Tekist á um tíma
Samkomulag hefur ekki náðst um
nokkrar aðgerðir við Hafnarfjörð.
Þórður segir að svigrúm sé til þess
að verða við óskum bæjarins, en ekki
öllum í upphafi, heldur eftir því sem
kerfið þróist. Það sé til dæmis erf-
iðleikum bundið að færa spennistöð-
ina við Hamranes, sem sé til þess að
gera nýleg stöð, út fyrir skipulagt
svæði og út í hraunið. Samkomulag
sé um staðsetninguna en spurning
um tímasetningu framkvæmdarinn-
ar.
Nýju háspennulínunni er meðal
annars ætlað að flytja rafmagn til ál-
vers í Helguvík og samkvæmt samn-
ingi við Norðurál á framkvæmdum
að vera lokið eftir rúmlega tvö ár.
Þórður segir að tíminn sé orðinn
mjög knappur en vonir séu bundnar
við það að samkomulag við sveitar-
félögin náist í ágúst og í framhaldinu
verði hægt að vinna upp tapaðan
tíma.
Samkvæmt áætlun er gert ráð fyr-
ir að verklegar framkvæmdir hefjist
á seinni hluta næsta árs. Þórður seg-
ir að Landsnet sé tilbúið með útboðs-
gögn en eðlilega sé ekki hægt að
bjóða út framkvæmdir á meðan
heimildir séu ekki fyrir hendi.
Lausna leitað um háspennulínu
Morgunblaðið/Brynjar Gauti
Möstur Loftlínur eða jarðlínur.
FARIÐ verður yfir síðustu útfærslur og tillögur vegna
fyrirhugaðra framkvæmda Landsnets við Hafnarfjörð á
fundi bæjarráðs Hafnarfjarðar með fulltrúum skipulags-
og byggingaráðs og Landsnets í næstu viku.
Lúðvík Geirsson, bæjarstjóri í Hafnarfirði, segir að
málið sé stórt og flókið. Það snúist ekki aðeins um Suð-
urnesjalínu í gegnum Hafnarfjörð heldur framtíð-
arskipulag á raflínum í landi bæjarins, meðal annars
færslu á aðveitustöð vel út fyrir framtíðarbyggð sam-
kvæmt núverandi skipulagi, þ.e. töluvert upp með Krísu-
víkurveginum. Tengingarnar verði síðan þaðan og
áhersla lögð á að línurnar inn í bæinn verði í jörðu.
„Þetta er heilmikið mál sem við viljum hafa uppi á borðinu,“ segir Lúð-
vík. „Við erum að horfa til heildarlausnar til komandi framtíðar, ekki
bráðabirgðalausna.“ Í þessu sambandi bendir Lúðvík á að fyrir minna en
20 árum hafi verið sett upp aðveitustöð ofan við bæinn. Nú sé hún nánast í
miðju íbúðahverfi. Af þessu og sambærilegum málum vilji menn draga lær-
dóm.
Að sögn Lúðvíks hafa viðræður þokast í rétta átt og spurningin sé um að
ná niðurstöðu í málinu.
Heildarlausn til framtíðar
Lúðvík Geirsson
FERÐAMENN voru margir hverjir fegnir því að
komast undir úðann sem barst frá Gullfossi á
dögunum, enda verið sérlega hlýtt á Suðurlandi.
Að sögn Svavars Njarðarsonar á Gullfoss kaffi
hefur verið stríður straumur ferðamanna í sum-
ar og jafnast á við undanfarin ár. Þó segir hann
hafa dregið nokkuð úr hópferðum; fleiri komi á
einkabílum. Hvað varðar sölu hjá sér segir Svav-
ar að heilt yfir beri meira á sölu í minjagripum,
en þegar veðrið leikur svona við landann standi
starfsfólkið aðallega við ísvélina, eða rétti kalda
gosdrykki.
Í blíðviðrinu segir hann hvergi betra að vera
en við Gullfoss og hvetur ferðafólk til að kíkja
við á næstu dögum.
Morgunblaðið/RAX
Færri hópferðir en sami fjöldi ferðamanna
ÞEGAR viðskiptavinir Icelandair
nýta sér svokallaða vildarpunkta til
að fljúga til útlanda þurfa þeir oft
að greiða á þriðja tug þúsunda fyrir
farið. Í þeirri upphæð eru margs
konar gjöld, t.d. bókunargjöld og
flugvallargjöld, en bróðurpart-
urinn eru engu að síður eldsneyt-
isgjaldið, oft um 15 þúsund krónur
fyrir farmiða fram og til baka.
Í almennum farmiða er eldsneyt-
isgjaldið innifalið í fargjaldinu.
Hvers vegna slítur Icelandair þá
gjaldið frá þegar um vildarklúbbs-
farmiða er að ræða?
„Í fyrsta lagi er [gjaldið] breyti-
legt, en það hefur farið hækkandi. Í
staðinn fyrir að vera að breyta vild-
arpunktunum er þetta gert svona,“
segir Guðjón Arngrímsson, upplýs-
ingafulltrúi Icelandair. „Í öðru lagi
teljum við að fleiri í hópi vild-
arklúbbsfélaga kjósi að hafa þetta
svona, að hafa tiltölulega fáa
punkta til að öðlast rétt á ferð og
borga þetta að auki, heldur en að
það kosti fleiri punkta.“ Hann
bendir enn fremur á að þetta gjald
hafi ekki hækkað frá því í vor.
andresth@mbl.is
Punkta-
notkun
dýr
Vildarkortshafar
greiða tugþúsundir