Morgunblaðið - 08.09.2008, Blaðsíða 18

18 MÁNUDAGUR 8. SEPTEMBER 2008 MORGUNBLAÐIÐ
Einar Sigurðsson.
Ólafur Þ. Stephensen.
Forstjóri:
Ritstjóri:
STOFNAÐ 1913
Útgefandi: Árvakur hf., Reykjavík.
Aðstoðarritstjóri:
Karl Blöndal.
Útlitsritstjóri:
Árni Jörgensen.
Hægt er að lýsa skoðun á ritstjórnargreinum Morgunblaðsins á slóðinni http://morgunbladid.blog.is/
HalldórHalldórs-son, bæj-
arstjóri Ísafjarð-
arbæjar, lagði til á
ársþingi fjórð-
ungssambands Vestfjarða á
laugardaginn að Vestfirðir all-
ir sameinuðust í eitt sveitarfé-
lag.
Í Morgunblaðinu í gær rek-
ur Halldór rökin fyrir þessari
tillögu. Hann vill annars vegar
að Vestfirðir taki frumkvæðið
að sameiningu sveitarfélaga
áður en til þvingaðrar samein-
ingar komi.
Hins vegar segir Halldór:
„Við eigum ekki að festast í
þeim gamla hugsunarhætti að
allir þurfi að komast á bæj-
arskrifstofuna á hálftíma,
heldur sjá sveitarfélög sem
stjórnsýslueiningu sem geti
tekið við stórum verkefnum
frá ríkinu.“
Hvort tveggja er þetta rétt
hjá bæjarstjóranum á Ísafirði.
Það er að sjálfsögðu lang-
æskilegast að frumkvæðið að
sameiningu sveitarfélaga komi
frá sveitarfélögunum sjálfum.
Það liggur í augum uppi að hin
fámennu sveitarfélög, sem enn
er að finna víða um land, eru
afar vanmáttug að veita þá
þjónustu, sem almenningur
gerir kröfu til.
Kristján Möller samgöngu-
ráðherra hefur viðrað þá hug-
mynd að lágmarksfjöldi í
sveitarfélagi verði miðaður við
1.000 manns, í stað 50 í dag.
Það er sízt of lág tala, enda gat
ráðherrann þess í
samtali við Morg-
unblaðið fyrir hálf-
um mánuði að
sumir væru jafnvel
farnir að nefna
hærri tölu.
Með því að sameinast í fjöl-
mennari og öflugri einingar
geta sveitarfélög á lands-
byggðinni tekið við verkefnum
frá ríkinu, sem eiga klárlega
betur heima hjá þeim en mið-
stjórnarvaldinu í Reykjavík.
Þar á meðal eru málefni fatl-
aðra og aldraðra.
Á sumum svæðum, til dæm-
is á Vestfjörðum, eru bættar
samgöngur ein forsenda þess
að ráðizt verði í frekari sam-
einingu sveitarfélaga. Víða um
land hafa samgöngubætur
skapað slíkan grundvöll.
Ólafsfjörður og Siglufjörður
sameinuðust til að mynda þeg-
ar ljóst var að Héðinsfjarð-
argöngin yrðu boruð. En
Fjallabyggð hefur líka fulla
ástæðu til að sameinast sveit-
arfélögunum á Eyjafjarðar-
svæðinu með sömu rökum;
samgöngurnar eru orðnar
ágætar.
Frumkvæði á borð við það
sem kemur frá Halldóri Hall-
dórssyni er mikilvægt og
nauðsynlegt að sveitarstjórn-
armenn og íbúar fámennari
sveitarfélaga ræði þessar hug-
myndir í sínum hópi. Þvinguð
sameining sveitarfélaga á ekki
að þurfa að koma til; rökin fyr-
ir stærri einingum liggja í aug-
um uppi.
Þvinguð sameining
sveitarfélaga á ekki
að þurfa að koma til}
Frjáls sameining
Ljósið nefnastgrasrótar-
samtök, sem veita
endurhæfingu og
athvarf fyrir þá,
sem greinast með krabba-
mein, og aðstandendur
þeirra. Erna Magnúsdóttir
iðjuþjálfi stofnaði Ljósið í
september 2005. Nú er það
óháð og sjálfstæð sjálfseign-
arstofnun, sem hún veitir for-
stöðu. Í Morgunblaðinu í gær
var starfsemi Ljóssins lýst.
Daginn, sem Pétur Blöndal
blaðamaður fór þangað í
heimsókn ásamt Guðmundi
Rúnari Guðmundssyni ljós-
myndara, fóru 50 manns í
gegnum húsið frá morgni til
kvölds. Hjá Ljósinu er af
nógu að taka.
Ljósið gerir margvíslegt
gagn og það er ekki alltaf
fólgið í því áþreifanlega.
Magnús Steingrímsson
húsasmíðameistari talar um
hvað vel hafi verið tekið á
móti sér: „Þetta er allra hag-
ur, ég mæti til að aðstoða aðra
og þeir aðstoða mig bara með
því að umgangast mig.“
Kristín Krist-
jánsdóttir innan-
hússarkitekt fékk
krabbamein og
segir að það sé
Ljósinu að þakka hversu vel
sér hafi tekist að ná andlegri
og líkamlegri heilsu: „Fyrir
vikið er ég farin að huga að
því að fara aftur út á vinnu-
markaðinn.“
Þær aðferðir, sem beitt er í
Ljósinu, gera greinilega mik-
ið gagn. Þær hjálpa fólki í
glímunni við krabbamein og
geta stytt tímann, sem fólk er
frá vinnu.
Það er afrek að reka at-
hvarf eins og Ljósið. Mikill
tími fer í að tryggja fjármagn
til þess að halda því gangandi.
Peningarnir koma úr ýmsum
áttum, frá ríki, fyrirtækjum
og einstaklingum. Það er mik-
ilvægt að fjárhagslegur
grundvöllur athvarfs á borð
við Ljósið sé tryggður. Ekki
skiptir síður máli að Ljósið
haldi nálægð við uppruna sinn
og glati ekki grasrótarein-
kennunum, sem eru stór hluti
af þýðingu Ljóssins í lífi fólks.
Athvarf úr
grasrótinni }Þýðing Ljóssins
Þ
egar Guðni Ágústsson hóf á dög-
unum framíköll í miðri ræðu Stein-
gríms J. Sigfússonar og minnti for-
mann Vinstri-grænna á að hann
hefði eitt sinn látið út úr sér orð
sem stimplað gætu hann sem virkjanasinna
fauk svo illilega í Steingrím að hann sagði for-
manni Framsóknarflokksins að þegja.
Þetta var ekki dagur sem bar með sér sam-
heldna stjórnarandstöðu. En af hverju ættu
þingmenn sem einu sinni voru ráðherrar að
vera í sólskinsskapi vegna þess að vera orðnir
minnipokamenn – og virðast jafnvel dæmdir til
þess hlutskiptis um ókomna tíð? Sú staða hlýt-
ur að hlaupa í skapið á þeim endrum og eins.
Stjórnarandstaðan unir illa hlutskipti sínu.
Frjálslyndum líður sennilega skást enda ættu
þeir á hverjum degi að þakka fyrir að fá að
vera á þingi. Sú vist er ekki sjálfsögð miðað við mann-
fjandsamlega stefnu flokksins í málefnum innflytjenda.
Enda hafa Framsóknarflokkur og Vinstri-grænir vit á því
að láta opinberlega eins og þeir viti ekki af tilvist Frjáls-
lynda flokksins. Vonandi gerir þjóðin slíkt hið sama í
næstu alþingiskosningum og dæmir Frjálslynda flokkinn
úr leik.
Formenn Framsóknarflokks og Vinstri-grænna vita að
þeir eiga sér ekki framtíð við landstjórn án Sjálfstæðis-
flokks eða Samfylkingar. Þess vegna tekur því ekki fyrir
þá að koma sér upp innbyrðis hagsmunabandalagi. Þetta
veit Guðni Ágústsson og þess vegna kallaði hann, rétt eins
og stjórnarsinni, til Steingríms J. og minnti
hann á virkjanaorðin. Og eftir það kom iðn-
aðarráðherra í pontu og ítrekaði orð Guðna.
Vinirnir úr Þingvallanefnd, Össur og Guðni,
stjórnarsinninn og stjórnarandstæðingurinn,
unnu vel saman þennan dag. Og allavega ann-
ar þeirrar horfir löngunaraugum til nánari
samvinnu í framtíðinni.
Stjórnarsamstarfið er sæmilega öruggt en
báðum stjórnarflokkum hlýtur einstöku sinn-
um að verða hugsað til þess hversu auðveld-
ara líf þeirra væri ef þeir hefðu einir og sér lít-
inn og meðfærilegan flokk með sér í
samstarfi. Prímadonnur eiga oft erfitt með að
viðurkenna aðrar prímadonnur og ef príma-
donnur neyðast til samstarfs er iðulega
þrumusvipur á þeim báðum. Sumum finnst að
ýmsir ráðherrar ríkisstjórnarinnar séu ein-
mitt að fá á sig þennan pirringssvip. Og þá er stutt í að
sjóði upp úr.
Sennilega myndu stjórnarflokkarnir báðir kjósa Fram-
sókn fram yfir Vinstri-græna ef þeir fengju að velja á milli
flokkanna en meinið er að Framsóknarflokkurinn er of
lítill til að vera brúklegur. Formaður Framsóknarflokks-
ins hyggst bæta úr því og fer landshluta á milli til að
sanna ágæti sitt og síns flokks. Hann hefur það með sér
að hann er skemmtilegri en flestir aðrir stjórnmálamenn
og virkar þægilegur í samvinnu. Ekki er ómögulegt að
honum takist það ætlunarverk sitt að komast í ríkisstjórn.
En til þess þarf hetjulegan sprett. kolbrun@mbl.is
Kolbrún
Bergþórsdóttir
Pistill
Merkingarmikil framíköll
Ótrygg jarðlög auka
kostnað við brúargerð
FRÉTTASKÝRING
Eftir Helga Bjarnason
helgi@mbl.is
M
unað getur meira en
helmingi á kostnaði
við nýja brú á Ölfusá
norðan Selfoss, eftir
því hvaða leið verður
farin. Vegna ótryggra jarðlaga gæti
kostnaður við brú á þeim stað sem
ákveðinn er í aðalskipulagi orðið 2,4
milljarðar króna.
Vegagerðin hefur kynnt sveitar-
stjórunum hugmyndir um breytta
legu Hringvegar um Ölfusá norðan
Selfoss. Þar er gert ráð fyrir því að ný
brú verði byggð á gamla ferjustaðn-
um við Laugardæli en ekki farið yfir á
Efri-Laugardælaeyju eins og sýnt er í
gildandi aðalskipulagi sveitarfélag-
anna.
Unnið er að undirbúningi tvöföld-
unar Suðurlandsvegar frá Hveragerði
til Selfoss. Ný Ölfusárbrú er hluti af
þeirri framkvæmd. Vegna aukinnar
umferðar myndast oft bílaröð við Ölf-
usárbrú, sérstaklega vegna þess hvað
umferðin gengur hægt í gegnum
hringtorgið austan við brúna. Rað-
irnar mynduðust á föstudögum á
sumrin, þegar umferðin er hvað mest,
en nú eru farnar að myndast bílaraðir
við ána á annatímum flesta daga vik-
unnar.
Kostar helmingi minna
Í gildandi aðalskipulagi er gert ráð
fyrir því að vegurinn fari yfir Ölfusá á
Efri-Laugardælaeyju. Þar þarf nokk-
uð langa brú eða brýr og fyrir fjórum
árum kom Vegagerðin með hug-
myndir að vegurinn yrði færður enn
ofar og færi yfir á Laugardælaferju.
Þar væri hægt að komast af með
styttri brú og ódýrari. Þessum kosti
hafnaði Bæjarstjórn Sveitarfélagsins
Árborgar við endurskoðun að-
alskipulags 2005.
Unnið hefur verið að rannsóknum á
jarðvegi við brúarstæðið. Komið hef-
ur í ljós að basalt og móberg er á vest-
urbakkanum en á austurbakkanum
liggur Þjórsárhraun ofan á leirríku
setlagi. Mismunandi jarðlög hafa í för
með sér aukna áraun á brúarmann-
virki í jarðskjálftum. Eigi að síður
töldu brúasérfræðingar Vegagerð-
arinnar unnt að byggja brú á þessum
stað en hún yrði alltaf dýrari en brú á
ferjuleiðinni þar sem móbergs- eða
basaltjarðlög eru beggja vegna.
Jarðskjálftarnir í vor ýttu enn
frekar við mönnum og Vegagerðin
ákvað að leggja til við sveitarfélögin
að vegurinn yrði fluttur á ferjuleið-
ina. Það erindi er nú til athugunar
hjá hreppsnefnd Flóahrepps og bæj-
arstjórn Árborgar og væntanlega
einnig bæjarstjórn Ölfuss vegna
tengingar þangað.
Vegagerðin áætlaði sl. haust að við
hagstæðustu jarðvegsskilyrði myndi
einfaldasta gerð af steinsteyptum
brúm með fjórum akreinum á Efri-
Laugardælaeyju kosta 1,5 milljarða
kr. Jarðskjálftarnir hafa dregið úr
trú manna á þeim kosti. Í staðinn
þyrfti að smíða tvær bogabrýr eða
eina skástagabrú í tveimur höfum.
Það yrðu miklu meiri mannvirki,
áberandi í umhverfinu og gætu kost-
að 2,4 milljarða samkvæmt lauslegu
mati.
Til samanburðar má geta þess að
brú á Laugardælaferju gæti kostað
einn milljarð. Vegir yrðu dýrari að
henni en aðalkostnaðurinn liggur í
sjálfum brúnum.
Viðskiptahagsmunir á Selfossi
Bæjaryfirvöld í Árborg vilja losna
við umferð flutningabíla í gegnum
bæinn og aðra umferð sem þangað á
ekki erindi en vilja jafnframt ekki
missa veginn of langt frá sér til þess
að halda í þá umferð sem þangað
sækir þjónustu. Á milli þessara hags-
muna, verslunarinnar og vistvænni
miðbæjar, er fín lína sem erfitt getur
verið að hitta á. Vegagerðin hefur
reynt að koma til móts við sjónarmið
Selfyssinga með hugmyndum um að
Hringvegurinn fari sunnan við bæ-
inn Laugardæli og komi inn á Suður-
landsveg rétt austan við Selfoss en
veglínan hefur ekki verið útfærð í
smáatriðum.






  
 

 









 

 

  !"
# 

$

%# 
&' 



 

 
 



 (# )

*
 

  "   !"#$
"! !

  

" 

BÆJARSTJÓRN Sveitarfélagsins
Árborgar hefur ekki tekið afstöðu
til nýrra hugmynda Vegagerð-
arinnar um færslu hringvegarins.
Vilji er til að skoða málið í ljósi
nýrra upplýsinga enda segir bæj-
arstjórinn að mikilvægt sé að fá
nýja og örugga tengingu yfir Ölf-
usá sem fyrst. Sveitarstjórn Flóa-
hrepps óskar eftir því við Vega-
gerðina að fundað verði með
viðkomandi sveitarstjórnum um
málið.
Ragnheiður Hergeirsdóttir, bæj-
arstjóri í Árborg, segir að tryggja
þurfi að færsla vegarins vestan Ölf-
usár valdi ekki meiri spjöllum á úti-
vistarsvæðinu og Hellisskógi norð-
an Ölfusár en nauðsynlegt er.
Þá eru uppi þau sjónarmið að
vegurinn verði ekki færður of langt
frá bænum. Þjónustufyrirtæki á
Selfossi hafa hagsmuni af því að
fólk leggi áfram leið sína þangað.
Ragnheiður óttast að ef vegurinn
fer á ferjuleiðina samkvæmt fyrri
hugmyndum Vegagerðarinnar
muni verða of mikill krókur fyrir
flutningabíla á austurleið sem ætli
að hafa viðkomu í austurhluta bæj-
arins og að þeir muni einfaldlega
aka áfram um gömlu brúna.
ÖRUGG
TENGING
››