Morgunblaðið - 23.09.2008, Qupperneq 16

16 ÞRIÐJUDAGUR 23. SEPTEMBER 2008 MORGUNBLAÐIÐ
VIÐSKIPTI/ATHAFNALÍF
gegnum sameiginleg áhugamál, en
hann er mikill veiði- og hestamaður,“
segir Ólafur. Afar fáar myndir eru til
af Al-Thani, en samkvæmt upplýs-
ingum Morgunblaðsins forðast hann
eins og heitan eldinn opinberar
myndbirtingar af sjálfum sér.
FRÉTTASKÝRING
Eftir Þorbjörn Þórðarson
thorbjorn@mbl.is
„VIÐ teljum að þetta sé mikil
traustsyfirlýsing fyrir félagið. Það er
búið að fara í gegnum mikla úttekt
og grandskoðun á rekstri bankans á
undanförnum mánuðum og þessi
fjárfesting er
gerð í kjölfar
þess,“ segir
Hreiðar Már Sig-
urðsson, forstjóri
Kaupþings.
Sjeik Moham-
med Bin Khalifa
Al-Thani hefur
keypt 5,01% hlut í
Kaupþingi. Q Ice-
land Finance,
dótturfélag Q Ice-
land Holding ehf.,
sem er í eigu Al-Thanis, keypti alls
37,1 milljón hluta á genginu 690 kr. á
hlut. Kaupverðið er því tæpir 26
milljarðar króna og hans tign Al-
Thani verður þar með þriðji stærsti
hluthafi bankans.
Veðjað á krónuna
„Það má í sjálfu sér segja að með
þessu sé verið að veðja á að krónan
styrkist. Ég held samt að menn sjái
tækifæri til fjárfestinga vegna þeirra
miklu lækkana sem við höfum horft
upp á,“ segir Hreiðar. Hann segir
gengið að undanförnu ekki endur-
spegla raunvirði bankanna.
„Þetta er mikil viðurkenning fyrir
Kaupþing,“ segir Ólafur Ólafsson,
vinur Al-Thanis og einn eigenda
Eglu sem er annar stærsti hluthaf-
inn í Kaupþingi, um kaup Al-Thanis
á hlut í bankanum. Þeir hafa stundað
veiðar saman víða, m.a. í Afríku. „Við
kynntumst fyrir þremur árum í
„Við höfum fylgst náið með Kaup-
þingi í nokkurn tíma og teljum þetta
góða fjárfestingu,“ segir í fréttatil-
kynningu frá sjeiknum. Þar kemur
jafnframt fram að hann telji að staða
Kaupþings sé sterk og um langtíma-
fjárfestingu sé að ræða.
Al-Thani er fjármálaráðherra
Katar og bróðir emírsins af Katar,
Hamads bin Khalifa Al-Thanis og
sonur fyrrverandi emírs. Þeir
bræðurnir eru sagðir mjög nánir.
Núverandi emír tók við völdum í
landinu árið 1995 með því að steypa
föður sínum af stóli, Khalifa bin
Hamad Al-Thani sem hafði verið
emír frá 1972, með friðsamlegum
hætti meðan emírinn dvaldist í
Sviss í fríi. Konungsfjölskyldan
hefur verið við völd í Katar frá því á
nítjándu öld.
Meðlimir fjölskyldunnar eru sagð-
ir góðviljaðir, framsýnir og vitrir
stjórnendur. Katar er fyrrverandi
þungamiðja perluveiða og var eitt fá-
tækasta ríkið við Persaflóa en er
núna eitt það allra auðugasta, þökk
sé miklum gas- og olíuauðlindum.
Undir stjórn núverandi emírs hafa
átt sér stað félagslegar og pólitískar
umbætur sem birtast m.a. í stuðn-
ingi við kosningarétt kvenna, smíði
nýrrar stjórnarskrár og nýrri sjón-
varpsstöð, Al-Jazeera, sem er leið-
andi fréttastöð um málefni Mið-
Austurlanda.
Mikill hestamaður
Emírinn er þríkvæntur og Al-
Thani er enginn eftirbátur bróður
síns í kvennamálum, hann á tvær
eiginkonur og svo þriðju ástkonuna.
Með þessum konum á hann síðan
nokkur börn.
Sjeikinn er mikill áhugamaður um
hestamennsku og kappreiðar og er
eigandi Al Shahania-býlisins í Doha í
Katar. Býlið er gríðarlega stór rækt-
unar- og uppeldisstöð fyrir arabíska
veðhlaupahesta. Hefur Al-Thani
sjálfur keppt á hestum með góðum
árangri. „Þessi búgarður er alveg
stórkostlegur og maður missir nán-
ast andlitið þegar maður sér hann,“
segir Ólafur.
Þetta er ekki fyrsta fjárfesting Al-
Thanis í íslensku félagi. Í sumar
keypti fjárfestingafélag í hans eigu
12,6% hlut í Alfesca, en Ólafur er
stjórnarformaður félagsins.
Sjeikinn veðjar á Kaupþing
 Kaup Sjeiksins á 5% hlut er „mikil traustsyfirlýsing“ fyrir Kaupþing  Um langtímafjárfestingu
að ræða  Mjög náinn emírnum bróður sínum  Á þrjár konur og er mikill hesta- og veiðimaður
Í HNOTSKURN
»Katar er smáríki í Mið-Austurlöndum á nesi sem
skagar út í Persaflóa út frá
Arabíuskaganum. Katar á
einungis landamæri að Sádí-
Arabíu.
»Katar er einræðisríki ogAl-Thani-fjölskyldan
heldur um stjórnartaumana.
»Sjeik Mohammed BinKhalifa er fjórði sonur
emírsins fyrrverandi.
»Umfangsmesta iðngreinlandsins er eldsneytis-
framleiðsla.
»Katar er eitt af OPEC-ríkjunum en
olíuframleiðslugeta landsins
er 800.000 tunnur á dag.
Ríkisfyrirtækið Qatar petro-
leum stýrir olíuauðlindum
landsins.
»Kaupþing opnaði útibú íKatar í fyrra. Bankinn
hefur einnig starfsleyfi í al-
þjóðlegu fjármálamiðstöðinni
Dubai.

#
3( "") &
41&*0  ! 5+ 
6*
( .2


7







    


    
- 89
-
8+-

  



   
    





!"#





Auk vináttu sjeiksins og Ólafs
Ólafssonar má nefna að í janúar á
þessu ári fór Ólafur Ragnar Gríms-
son, forseti Íslands, í opinbera
heimsókn til Katar ásamt Össuri
Skarphéðinssyni, iðnaðarráðherra
og fjölmörgum áhrifamönnum úr
íslensku viðskiptalífi, þ. á m. Sig-
urði Einarssyni, stjórnarformanni
Kaupþings. „Þessi ferð forsetans
og Sigurðar hjálpaði áreiðanlega
til [í undirbúningi kaupa sjeiksins]
þó hún hafi ekki haft úrslitaáhrif,“
segir Hreiðar Már Sigurðsson, for-
stjóri Kaupþings. Í maí á þessu ári
var forsetinn aftur á ferðinni í Kat-
ar á vegum CNN og tímaritanna
Fortune og Time vegna umfjöll-
unar um orkumál. Við það tækifæri
færði forsetinn emírnum að gjöf
stækkaða mynd af íslenskum fálk-
um.
Ein af þremur eiginkonum em-
írsins, Sheikha Mozah sem er „að-
al-eiginkona“ hans, er góð vinkona
Dorritar Moussaieff forsetafrúar.
Dorrit var í Katar í apríl á þessu ári
þar sem hún sat ráðstefnu í boði
Sheikhu um málefni barna með
sérþarfir.
Ólafur Ragnar færði emírnum mynd af fálkum
Heimsókn Ólafur Ragnar Grímsson forseti og Össur Skarphéðinsson iðn-
aðarráðherra með emírnum í Katar, Hamad bin Khalifa Al-Thani.
Sjeik Mohammed
Bin Khalifa
Al-Thani
Eftir Þorbjörn Þórðarson
thorbjorn@mbl.is
ÞRÁTT fyrir að
skattalækkanir
árið 2007 hafi ver-
ið skynsamlegar
til lengri tíma litið
var tímasetningin
óheppileg. Lækk-
uninni var ætlað
að mæta sam-
drætti í hagkerf-
inu en þar sem
framleiðslu-
spenna var enn
mikil þegar skatt-
ar voru lækkaðir
leiddi aðgerðin til
enn meira ójafn-
vægis en ella.
Þetta kemur
fram í nýlegri
skýrslu Viðskipta-
ráðs Íslands um
þenslu hins opinbera. Sumir vilja
hvorki sjá skattalækkanir í upp-
sveiflu né niðursveiflu. En hvenær er
rétti tíminn til að lækka skatta?
Skattalækkanir á fyrirtæki
árið 2002 afar vel heppnaðir
„Þetta er það sem við stjórnmála-
mennirnir heyrum, þegar það er
þensla þá eykst hún með skattalækk-
unum og þegar það er kreppa þá veit-
ir ekki af tekjunum. Það má eiginlega
aldrei lækka skatta og þess vegna
finnst mér rétt það sem við gerðum
að lækka tekjuskattinn fram í tím-
ann,“ sagði Pétur Blöndal, alþingis-
maður í pallborðsumræðum Við-
skiptaráðs um útþenslu hins
opinbera, þegar skýrslan var kynnt.
„Það á að lækka skatta í niður-
sveiflu og lækkun tekjuskatts á fyr-
irtæki árið 2002 úr 30% í 18% er
dæmi um ákaflega vel heppnaða
skattalækkun sem kom á hárréttum
tíma,“ segir Ásgeir Jónsson, for-
stöðumaður greiningardeildar Kaup-
þings.
Að mati Ásgeirs var tímasetningin
hárrétt til þess að hressa við atvinnu-
lífið. „Þegar hagnaður fyrirtækja var
á leiðinni niður þá kom þessi skatta-
lækkun sér afar vel,“ segir Ásgeir.
Að hans sögn var skattalækkun á
einstaklinga árið 2007 ekki vel
heppnuð enda tímasetningin röng, og
er hann því sammála því sem fram
kemur í skýrslu Viðskiptaráðs hvað
það varðar. Hann er einnig þeirrar
skoðunar að það hafi verið rangt að
breyta virðisaukaskattinum því það
var aldrei öruggt að breytingin
myndi skila sér til neytenda og lækk-
unin hafi verið til þess fallin að að
hvetja áframhaldandi einkaneyslu.
Skattalækkanir komi til fram-
kvæmda hvenær sem er
Skattalækkanir ættu fyrst og
fremst að miða að því að auka skil-
virkni og samkeppnishæfni hagkerf-
isins fremur en að nota þær til
sveiflujöfnunar, að mati Viðskipta-
ráðs.
Það er mjög æskilegt að hið op-
inbera sé tilbúið að færa kaupmátt úr
eigin höndum til einstaklinga og eins
og reynslan sýnir geta langtímaeft-
irspurnaráhrifin jafnvel komið að
fullu í veg fyrir að tekjur hins op-
inbera rýrni. Eftirspurn ætti í raun
að aukast um leið og tilkynnt er um
fyrirhugaðar skattabreytingar, jafn-
vel þó þær komi ekki til framkvæmda
fyrr en síðar.
Með því að upplýsa um fyrirhug-
aða skattalækkun er þegar búið að
innleiða væntingar um aukinn kaup-
mátt í neysluhegðun fólks. Það er þó
ekkert sem kemur í veg fyrir að
skattalækkanir komi til fram-
kvæmda hvenær sem er.
Þá er það hinsvegar nauðsynlegt,
að mati Viðskiptaráðs, að hið opin-
bera dragi úr útgjöldum samhliða
skattalækkunum til að vega upp á
móti þeim eftirspurnarþrýstingi sem
auknum kaupmætti fylgir.
Pétur Blöndal
Ásgeir Jónsson
Morgunblaðið/Golli
Matvara Ásgeir Jónsson telur að það hafi verið rangt að breyta virðisaukaskattinum því það var aldrei öruggt að
breytingin myndi skila sér til neytenda. Breytingin hafi verið til þess fallin að að hvetja áframhaldandi einkaneyslu.
Vandmeðfarið að tímasetja lækkun
 Skattalækkanir ættu fyrst og fremst að miða að því að auka skilvirkni og samkeppnishæfni
 Lækkun á fyrirtæki árið 2002 kom á „hárréttum tíma“  Rangt að breyta virðisaukaskatti