Skinfaxi - 01.12.1915, Blaðsíða 5
SKINFAXI
133
Heima og erlendis.
;Ferðasögur.
Nú fara utanfarir ungra manna rnjög
vaxandi og er }>að góðs viti, ef vel er á
haldið. Helsti gallinn hingað til hefir verið
sá, að meginstraumurinn hefir legið til Dan-
■merkur, þar sem í einu hefir verið minst
að nema og eina landið undir sólunni, þar
sem Islendingar eru oftast látnir gjalda
þjóðernis. Þessum straum þarf að breyta,
ef Islendingar vilja hætta að hafa asklok
fyrir himinn. Við verðum að . fá þær
bestu fyrirmyndir sem til erufráhvaða,
þjóð sem er. En til þess þarf utanferðir;
en þar dugar ekki að hver brjóti sjálfur all-
an ísinn. Það þarf samhengi í utanferð-
irnar og þá festu má fá með því að gefa
út á prenti árlega nokkra stuttorða ferða-
söguþætti. Með því móti hefir hver ó-
reyndur unglingur, síðar meir, við hend-
ina margháttaðan fróðleik og bendingar
um næstu löndin, og á hægra með að
velja sér leið sjálfur. Þá mundi og hin-
um, sem heima sitja, oft nauðugir, af því
að þá vantar vængi, fált þykja unaðslegra
•en ferðasögur um önnur Iönd. Það hefir
komið til orða að sambandsstjórnin gang-
ist fyrir að gera slíka tilraun nú að ári.
Verða þá gefnir út ferðasögukaflar frá ein-
um 4—6 ungmannafélögum, og bókin lát-
in vera fylgirit þessa blaðs. Ef vel yrði
tekið við kverinu, mundi þessum sið hald-
ið áfram.
Listasal'u íslands.
Nú er fullráðið að byggja i sumar hús
i Rvík yfir listaverk þau, sem Einar Jóns-
son hefir gefið þjóðinni. Síðasta alþingi
veitti til byggingarinnar 10,000 kr. Gert
■er ráð fyrir að húsið verði bygt á Skóla-
vörðuhæðinni, enda er þaðan einna feg-
urst útsýn á landi hér og þó víðar sé
leitað. Segja það þeir, sem kunnugir eru
Einari Iistamanni, að honum þyki hvergi
jafn fagurt og á þessum stað, nema ef
vera skyldi í Rómaborg; hefir hann þó
víða farið. Þetta hús á að verða byrjun
að listasafni íslands, og bygt þannig, að
við það megi bæta síðar svo að vel fari.
Einar fær ibúð og vinnustofu í safninu og
er það vel farið, því að þá fyrst getur
hann notið sín.
Serbía.
Hún mun nú mesta hörmungaland í
veröldinni. Hafa harðleiknir óvinir flætt
yfir landið nú seinustu vikurnar, og beitt
hinni mestu grimd. En þó er liitt verra,
að þar geisa sjúkdómar sem eru skæðari
en morðtól óvinanna og leggja landið í
eyði. Jafnvel meðan Serbar stóðu sigri
hrósandi yfir óvinum sinum, voru þeir þvf
nær máttlausir gagnvart drepsótt þeirri,
sem herjaði landið, en sem hvergi gerir
verulegt tjón annarstaðar, þar sem ment-
un er meiri. Serbum stafar miklu meiri
hætta af óþrifnaði og hjátrú, sem hvor-
tveggja er sprottið af þvi að þeir hafa van-
rækt mentun þjóðarinnar, heldur en af
sameinuðum herum þriggja keisara. Sann-
ast þar einu sjnni enn að meira er kom-
ið undir andanum en efninu.
fþrótianámskeið
Sunnlendingafjórðungs.
stóð yfir frá 11. til 30. okt. Varþarkent:
sund, glímur, fimleikar, hlaup, stökk lang-
stökk, hástökk, þrístökk, köst, kúluvarp,
kringlukast og spjótkast.
Sund kendi Erlingur Pálsson sundkenn-
ari. Var varið 2 stundum á dag til æf-
inga í sundlaug Reykjavíkur. Glímur kendi
Sigurður Gislason iþróttakennari í fimleika-
húsi mentaskólans eina stund á dag. Björn
Jakobsson fimleikakennari kendi fimleika
og hástökk, eina stund á dag og úti-íþróttir
á íþróttavellinum 2 stundir á dag.