Skinfaxi - 01.12.1969, Blaðsíða 4

Með þessu blaði lýkur 60. árgangi Skin-
faxa. Stækkun blaðsins og fjölbreyttara efni
hefur verið mjög vel tekið af lesendum um
allt land. Hvarvetna virðist vera vakandi
áhugi fyrir blaðinu og eflingu þess. Nýir
áskrifendalistar hafa borizt úr ýmsum lands-
hlutum, en það er bezta uppörfunin fyrir
blaðið og öruggasta tryggingin fyrir áfram-
haldandi framförum þess. Orðið hefur að
auka upplag blaðsins um 20% á þessu ári, og
fyrirsjáanleg er mun meiri aukning á næsta
ári.
Áskrifendur hafa flestir greitt áskriftar-
gjöld sín fljótt og vel, eftir að innheimtu-
kröfur voru sendar út um leið og 3.—4. hefti
þessa árs. Þeir, sem enn eiga eftir að gera
skil fyrir árið 1969 eða fyrri ár, eru vin-
samlegast beðnir að gera það nú þegar. Skrif-
stofa UMFl annast innheimtuna, og er hún
opin fyrst um sinn kl. 9—11 árdegis alla
virka daga.
STARF OG STEFNA
heitir upplýsingabæklingur, sem stjórn UMFÍ
gefur út um þessar mundir. Er þar að finna
upplýsingar um helztu þættina í starfi ung-
mennafélaganna. Bæklingurinn er ekki hvað
sízt ætlaður til að kynna ungmennafélags-
hreyfinguna út á við, enda ekki vanþörf á
þvi, þar sem komið hefur í ljós, að jafnvel
sumir blaðamenn dagblaðanna eru furðulega
fávísir um ungmennafélögin og starf þeirra.
Bæklingurinn er myndskreyttur og með lit-
prentaðri kápu.
MÓTASKRÁ
Skrá yfir héraðsmót ungmennafélaganna í
hinum ýmsu íþróttagreinum, svo og milli-
héraðamót og önnur stærri mót, er nú í
fjölritun, og verður send út upp úr áramót-
um. Þar með er mótaskrám og afrekaskrám
létt af Skinfaxa, og hyggst stjórn UMFÍ gefa
út slíka skrá um hver áramót framvegis.
ÁRSSKÝRSLUR
Ný gerð af eyðublöðum fyrir ársskýrslur ung-
mennafélaga hafa nú verið prentaðar og verða
sendar aðilum UMFÍ nú í desembermánuði.
14. LANDSMÓT UMFÍ
Það er eitt og hálft ár til landsmóts UMFÍ,
sem haldið verður á Sauðárkróki sumarið
1971. Ungmennasamband Skagafjarðar sér
um framkvæmd mótsins og um undirbúning,
sem þegar er hafinn af fullum krafti. Til
þessa hefur verið lögð aðaláherzla á gerð
íþróttamannvirkja fyrir landsmótið. Grasvöll-
ur hefur verið í byggingu sl. tvö sumur, og
hefur verkið tafizt nokkuð vegna óhagstæðs
tíðarfars, en mun samt verða lokið fyrir
mótið. Góður malarvöllur er á Sauðárkróki
og ágæt 25 metra sundlaug. Áhorfendasvæði
við laugina rúma 300—400 manns, og verið
er að fullgera nýja búningsklefa. Ungmenna-
félagar um land allt hyggja gott til mótsins
á Sauðárkróki, enda er vel að verki staðið
á staðnum.
Forkeppni í knattleikjum fyrir 14. lands-
mótið hefst þegar á næsta ári og er búizt
við mikilli þátttöku. Keppt verður í knatt-
spyrnu, körfuknattleik karla og handknatt-
leik kvenna,
Formaður landsmótsnefndar 14. landsmóts-
ins er Stefán Pedersen, Sauðárkróki, en aðrir
í nefndinni eru Gísli Felixson, Magnús Sigur-
jónsson, Stefán Guðmundsson, allir frá Sauð-
árkróki, Sigfús Ólafsson, Hólum, Þóroddur
Jóhannsson, Akureyri og Sigurður Guðmunds-
son, Leirárskóla. Tveir þeirra síðasttöldu eru
skipaðir af stjórn UMFÍ.
4
SKINFAXI