Skinfaxi - 01.04.1976, Blaðsíða 13
IÞROTTIR
auka sálrænt
jafnvægi
Antti Makela.
29 ára gamall finskur læknir, Simo
Antti Mákelá, hefur nýlega variS
doktorsritgerð sína við háskólann í
Helsinki, og fjallar hún um efnið
„geðræn rannsókn á karlkyns kepp-
endum í fimm íþróttagreinum". í
rannsókn sinni leitast Mákelá við
að skýra persónueinkenni og geð-
læga eiginleika íþróttamanna í
Finnlandi. Hann kannar einnig
hvort eiginleikamir greinist eftir
hinum mismunandi íþróttagrein-
um.
Keppendur og aðrir
127 vel þjálfaðir keppendur tóku
þátt í rannsókn læknisins, og voru
þeir úr fimm greinum íþrótta: ísknatt-
leik (28), frjálsíþróttum (31), lyfting-
um (12), skíðagöngu (30) og glímu
(26). Til samanburðar tóku svo 58
manns til viðbótar þátt í rannsókn-
inni. Það voru menn sem ekki æfa
íþróttir en geta kallast sýnishorn af
hinum almenna finnska borgara úr
sömu aldursflokkum og íþróttamenn-
irnir.
Makelá kemst að þeirri niðurstöðu
að íþróttamennirnir séu að jafnaði í
betra andlegu jafnvægi og sjálfum sér
samkvæmari en samanburðarhópur-
inn sem ekki æfir íþróttir. Einnig
leiddi rannsóknin í ljós athyglisverð-
an mismun á íþróttamönnum úr mis-
munandi greinum íþrótta.
Ofangreindar fimm íþróttagreinar
voru valdar bæði vegna útbreiðslu
þeirra í Finnlandi og góðs árangurs
finna í þeim á alþjóðavettvangi.
Mákelá bendir á að það sé almenn
skoðun að keppni úrvals-íþrótta-
manna hljóti að fylgja líkamleg og
sálræn streita, og þess vegna sé ekki
óeðlilegt að spyrja hvort keppni í
íþróttum geti verið hættuleg fyrir
heilsuna. Þar að auki er baráttan um
gullverðlaun og sigurheiður svo hörð
að ástæða er til að leggja áherslu á
það sálræna álag sem alltaf fylgir
baráttunni um fyrsta sætið. Hin lækn-
isfræðilega rannsókn leiddi í ljós að
íþróttamennirnir höfðu miklu meira
sálrænt jafnvægi en hinn hópurinn
sem ekki stundaði íþróttir.
S KI N F A X I
13