Skinfaxi - 01.06.1978, Blaðsíða 4

Senn líður að því að íþróttafólk
hvaðanæva af landinu taki að streyma á
Selfoss til að taka þátt í 16. landsmóti
UMFÍ sem fram fer þar 21.-23. júlí nk. Þar
mun það leitast við að uppskera árangur af
því erfiði sem það hefur lagt á sig við
þjálfun sína. Óskandi er að hver muni þar
uppskera sem hann sáði.
En hvernig standa málin
þarna austur frá?
Skinfaxi var mættur austur á Selfossi eigi
alls fyrir löngu til þess að leita upplýsinga
um stöðuna, i þeim tilgangi að leiða les-
endur sina í allan sannleikan í málinu þar
sem fullvíst má telja að mikill fjöldi þeirra
verði meðal keppenda eða áhorfenda á
landsmótinu.
í Tryggvaskála við sporð Ölfusárbrúar
hefur framkvæmdastjóri landsmótsnefndar
Guðmundur Jónsson aðsetur sitt, og þang-
að leggjum við leið okkar fyrst. Með
Guðmund í fararbroddi er síðan haldið til
að skoða aðstöðuna.
Það verður ekki hjá því komist að dást
að hversu vel Selfyssingar búa hvað alla
íþróttaaðstöðu varðar og hversu vel henni
er fyrir komið með tilliti til fjarlægðar milli
hinna ýmsu íþróttamannvirkja. Það mun
því ekki verða mikil fyrirhöfn fyrir áhorf-
styttist í
Landsmótið
endur að fara á milli þeirra staða sem
keppnin fer fram á, en það eru íþrótta-
völlurinn, íþróttahúsið, sundlaugin og
svæðið við barnaskólann sem mest verða í
sviðsljósinu.
Allt var í fullum gangi i nýja íþrótta-
húsinu við gagnfræðaskólann, smiðir
málarar, járnsmiðir, rafvirkjar og hvað þeir
heita nú, voru í óða önn við að gera íþrótta-
húsið í stand, íþróttahús sem verður, þegar
það verður fullbúið, eitt hið fullkomnasta á
landinu. í íþróttahúsinu munu fara fram
allir leikir í körfubolta, blaki og borðtennis
og að auki kvöldvökur og dansleikir þar
sem hljómsveit þeirra austanmanna
KAKTUS mun leika fyrir dansi öll þrjú
kvöldin. íþróttahúsið er eina mannvirkið
sem eftir er að ljúka við fyrir landsmót auk
4
SKINFAXI