Skinfaxi - 01.10.1978, Blaðsíða 9

ég eftir því að einhverju sinni höfðum við,
ég og nokkrir aðrir, undirbúið slíkan fund
geysivel og það kom sér líka vel því að um
kvöldið gerði aftaka veður og ófærð þannig
að heim varð ekki komist. En efnið entist
að mestu til morguns er ferðafært varð,
þannig að undirbúningurinn varð ekki til
einskis.
Frekari afskipti?
Já já, þegar ég starfaði á Blönduósi ’59—
’61, gerðist ég félagi i Umf. Hvöt þar sem á
þessum tíma var verið að drífa upp mjög
gott íþróttalið með áhugasömu fólki. Man
ég þar eftir Vali Snorrasyni, Guðlaugu
Steingrímsdóttir sem var ein fremsta
íþróttakona á landinu um þessar mundir í
spretthlaupum og langstökki, þá var bróðir
hennar Valdimar einnig mjög áhugasamur.
Annars er alltaf stórvarasamt að vera að
nefna einstök nöfn en þetta eru þau sem
koma fyrst í hugann þegar þetta er rifjað
upp.
Það er gaman að minnast hins mikla
áhuga sem þá var á frjálsum íþróttum en þá
tíðkaðist það fyrir héraðsmótin sem ávallt
voru haldin 17. júní, að ekið var um sveit-
irnar á mjólkurbílnum og fólki safnað sam-
an á pallinn og var hann alltaf troðfullur. Á
pallinum diskúteruðu menn síðan ákaft um
það hverjir yrðu sigurvegarar í hinum
ýmsu greinum og auðvitað sýndist þar sitt
hverjum.
Stundaðirþú sjálfur íþróttir?
Ég hafði alla tíð mikinn áhuga fyrir
frjálsum íþróttum og þegar ég kom á
Blönduós hugðist ég taka til við æfingar af
fullum krafti, en varð þá fyrir því óláni að
meiða mig illa í stangarstökki og upp frá því
varð ekki úr frekari íþróttaiðkan af minni
hálfu. Það breytti því hins vegar ekki að ég
héldi áfram að starfa með frjálsíþróttafólki
bæði þar nyrðra og síðan eftir að ég kom í
Kópavoginn, þar sem ég starfaði all lengi í
stjórn frjálsíþróttadeildar Breiðabliks. Þá
hef ég síðan 1961 starfað að undirbúningi
míns liðs fyrir landsmót, fyrst hjá USAH
og síðan og UMSK og hefur ekkert lands-
mót fallið úr.
Félagsstörf hafa alla tið fallið mér vel í
geð, en um tima var ég í varastjórn UMFÍ
þar sem ég sat alla fundi og kynntist á þann
hátt störfum og stefnu höfuðstöðvanna. En
ég á hins vegar fjöldann allan af áhuga-
málum sem einnig þurfa sinn tíma þannig
að ég hef heldur dregið mig út úr, a.m.k.
stjórnarstörfum þótt ég hafi fengist nokkuð
við ákveðin verkefni. Ég hef þó alls ekki
sagt skilið við hreyfinguna og mun ekki
gera meðan ég get unnið henni eitthvert
gagn.
Húsmálið
Eitt af þeim málum sem þú hefur tekið
að þér Pálmi, er formennska húskaupa-
nefndar. Varstu í upphafi bjartsýnn á
árangur?
Ég var aldrei í nokkrum vafa. Það er mitt
álit að séu slík mál tekin alvarlegum tökum
frá upphafi, megi alltaf vænta árangurs.
Ertu ánægður með árangurinn?
Já, ég er það í höfuðatriðum, þótt það
hafi vissulega valdið mér nokkrum von-
brigðum hversu mörg ungmennafélög hafa
enn ekki sýnt málinu lit. Þau sem hins veg-
ar hafa brugðið við hafa tekið myndarlega
á málinu og það ber að þakka. Það er
SKINFAXI
9