Skinfaxi - 01.08.1981, Blaðsíða 3

SKINFAXI
4. tbl. — 72. árg. — 1981
ÚTGEFANDI:
Ungmcnnafélag íslands.
RITSTJÓRI:
Steinþór Pálsson.
RITNEFND:
Pálmi Gíslason ábm.
Diðrik Haraldsson.
Sigurður Gcirdal.
Finnur Ingólfsson.
AFGREIÐSLA SKINFAXA:
Skrifstofa UMFÍ,
Mjölnisholti 14,
Reykjavík — Sími 14317.
SETNING OG UMBROT:
Leturval sf.
OFFSETPRENTUN:
Prentval sf.
X
rMcðal efnis:
Avarp Þórodds Jóhannssonar
form. landsmótsnefndar ... 3
Mótsetningarræða
Pálma Gíslasonar
formanns UMFÍ ............. 4
Ræða forseta íslands
Vigdísar Finnbogadóttur .. 6
Avarp Ingvars Gíslasonar
menntamálaráðherra......... 7
17. Landsmót UMFÍ........ 8
Úrslit keppnisgreina..... 15
Svipmyndir frá 17. Landsmóti
UMFÍ...................... 18
Að loknu Landsmóti ...... 31
*
Fursíðu mymliii
Skinfaxi er að þessu sinni helgaður
landsmótinu, enda er hér um aukablað
að ræða, fyrirhugað er að koma 7 tbl.
út á þessu ári. Myndin er af fremsta
hluta skrúðgöngunnar á landsmótinu,
fyrst koma fánaberar frá samböndun-
um og síðan stjórn UMFI.
ÁVARP
Þórodds Jóhannssonar
formanns landsmótsnefndar
Forseti íslands, Vigdís Finnbogadóttir og aðrir
góðir landsmótsgestir.
Við upphaf þessa landsmóts, 17. landsmóts UMFI, er
mér efst í huga þakklæti, þakklæti til hinna mörgu, sem
lagt hafa hönd að verki við undirbúning og framkvæmd
mótsins. Sjálfsagt gera fáir sér það fullkomlega ljóst,
aðrir en þeir sem í komast, hversu umfangsmikið og
margþætt verk það er að undirbúa og sjá um framkvæmd
á slíku móti sem þessu sem nú er formlega hafið.
Því er ekki að neita, að oft hefur syrt í álinn í sambandi
við ýmsa undirbúningsþætti mótsins og stundum læðst
kvíði og svartsýni í hugann. En þegar sólin skín hverfa
slíkar hugrenningar jafnan á skammri stund. Og þegar
ég lít til baka finnst mér að sólin hafi oftast skinið í
sambandi við allt það starf sem á undan er gengið.
Samstarfið við þá mörgu aðila sem við í landsmótsnefnd
höfum leitað til hefur verið með afbrigðum gott. Hvar-
vetna hefur okkur verið vel tekið. Þegar við nefndum
landsmót UMFÍ, þá var eins og flestir teldu sér skylt að
bregðast vel við og leggja sem mest af mörkum. Freist-
andi væri að rekja það nánar, en það er of langt mál að
gera því skil hér. Þó get ég ekki annað, samvisku minnar
vegna, en getið sérstaklega um það mikla framlag sem
Akureyrarbær hefur lagt til þessa móts. Allt frá því að
ákveðið var að halda mótið hér á Akureyri og fram á
þennan dag hafa forráðamenn bæjarins og starfsmenn
hans sýnt Iandsmótinu einstakan áhuga sem fylgt hefur
verið eftir í verki, svo sem sjá má víða merki þessa dagana
hér í bænum. Það allt er hér með þakkað af heilum hug,
það verður munað og ég vona að Akureyringar njóti þessa
verka í sem ríkustum mæli í framtíðinni.
Að lokum vil ég, fyrir hönd landsmótsnefndar, flytja
öllum keppendum og gestum þessa móts, bestu óskir um
ánægjuríka daga hér á Akureyri og vona að allir fari
héðan með góðar endurminningar að móti loknu.
Bestu þakkir til allra sem lagt hafa 17. landsmóti
UMFÍ lið.
Islandi allt.
SKINFAXI
3