Skinfaxi - 01.04.1987, Page 15

Útbreiðslan
Karl tekur ekki mikið undir það
þegar hann er spurður hvort Karate-
sambandið hafi í huga að fara út í
skipulagða dreifingarstarfsemi. "Ég er
satt að segja ekkert viss um að það sé
mjög æskilegt að Karatesambandið fari
sjálft út í skipulagða dreifingarherferð.
Karatesambandið sér um mótshöld og
landslið. Slíkt spilar auðvitað eitthvað
inn í dreifingu íþróttarinnar. En við
sjáum ekki um að stofna félög. Hingað
til höfum við látið stílana um það,
stílarnir eru skipulagðir. Ég held það
yrði erfitt í framkvæmd fyrir sam-
bandið. Það yrði t.d. alltaf vafaatriði
hvaða stíl ætti að kenna o.s.frv."
-Þannig að sýningarferðir til
kynningar íþróttinni, t.d. í skóla yrðu
þá alfarið í höndum félaga?
"Jú slíkt gæti komið til að
vegum sambandsins, sýningarferðir.
það eru t.d. hugmyndir uppi um slíkt.
Sérstaklega með tilkomu Lottófjar-
magnsins. Það aukafjármagn breytir að
sjálfsögðu öllu hvað kynningar varðar
og sýningarferðir í skóla væru tilvaldar
í því sambandi.
En eins og gefur að skilja er
erfitt að kynna nýja íþrótt eins og
karate. í sjálfu sér getur næstum hver
sem er stofnað knattspyrnufélag og
fengið fullt af fólki í það. Það kunna
svo margir að sparka bolta. Þannig er
þetta ekki með karateíþróttina,
karateþjálfari þarf að kunna góð skil á
undirstöðuatriðunum. Maður lærir ekki
karate úti á götu eins og kannski mætti
segja um knattspyrnu.
Það gengur t.d. heldur illa að
auglýsa það í blaði að ákveðinn aðili sé
til viðtals fyrir þá sem hafi áhuga á
íþróttinni, eins og ég hef gert, hér í
Skinfaxa t.d. En þegar við förum síðan
út á land í kynningarferð finnum við
brennandi áhuga, menn eru þá í
bílskúrum að æfa sig einir eftir bókum.
Það virðist þurfa éinn starfsaman mann
á stöðum úti á landi til að drífa þetta
áfram. Þá virðist sem áhuginn sé
mikill og karatefélögin spretta upp.
Enginn í dansinn, allir í
karate
Ég get nefnt þér eitt dæmi,
Voga á Suðurnesjum. Þar eru starf-
ræktir námsflokkar af konu á staðnum.
Hún sá auglýsingu frá okkur í einu
dagblaðanna í haust. Þessi kona
hringdi í menn í Breiðabliki og spurði
þá hvort þeir væru til í sjá um kennslu
á staðnum og þeir voru til í það. Nú
voru þarna aðrar greinar eins og gengur
í þessum námsflokkum, enska, dans.
Hún auglýsti karatenámskeiðin síðan í
þeirra bækling sem er dreift um allt
kauptúnið. Árangurinn var sá að það
mætti þarna næstum allur
grunnskólinn, það hafa verið einir 60
krakkar. Það voru aftur örfáir á hinum
námskeiðunum. Þessi karatenámskeið
hafa síðan verið í allan vetur, þrisvar í
viku og gengið svo vel að nú eru bestu
nemendumir allt að því tilbúnir að
leysa af, ef kennarinn forfallast t.d. eina
og eina æfingu.
Og þá er bara að vona að þessir
nemendur fari ekki á sjóinn eða eitthvað
slíkt, þannig að þeir hæti að æfa", segir
Karl Gauti Hjaltason að lokum.
Vestfirðingar !!!
Landsmenn....
"Nýr skóli á gömlum grunni í takt við tímann."
9. bekkur með valgreinum
2ja ára framhaldsdeild með réttindapróf á:
- íþróttabraut
- Heilsugæslubraut
- Verslunarbraut
- Fiskiðnaðarbraut
- Skipsstjórn stýrimanna, 1. stig
Umsóknir í síma 94-8241
Héraðsskólinn að Núpi
15
IH