Skinfaxi - 01.02.1995, Qupperneq 30

erum með spennandi verðlaun fyrir þá sem
standa sig best í hópunum og þetta fyrir-
komulag tryggir það líka að menn safnast
saman og spá í leikina. Það er ekkert varið
í að taka þátt af og til, menn verða að vera
með í hvert einasta skipti. Við þurfum að
stuðla að því að fólk stundi getraunimar í
hverri einustu viku.“
- Fólk heyrist stundum segja að það sé
ekki nógu vel með á nótunum til þess að
ná einhverjum árangri í getraunum?
„Ég var niðri á skrifstofu Islenskra get-
rauna fyrir skömmu þegar þangað komu
tveir menn fyrir mömmu sína sem er 68
ára ellilífeyrisþegi. Það var hún sem hafði
fengið 15.317.000 krónur. Ég sá þennan
seðil, sem var tölvuvalinn. Sjálfur spila ég
eftir mjög fullkomnu kerfi og tel mig fylgj-
ast talsvert vel með ensku knattspymunni -
en árangurinn er misjafn. Það þarf ein-
hvem fákunnandi eða yfirmáta bjartsýnan
til þess að veðja á það að Tottenham vinni
Liverpool á útivelli. Það var leikur sem
engum, sem til þekkti, datt í hug að Liver-
pool tapaði. En konan var í tölvuvali."
- Em getraunir í uppsveiflu núna?
„Þegar Víkingalottóið kom til sögunnar
misstum við mikið af tölvuvalinu sem var
orðið mjög mikið. Það hrundi bara salan.
Reyndar eru ÍSÍ og UMFÍ aðilar að Vík-
ingalottóinu en félögin fá miklu minna í
sölulaun þó svo lottóið skili góðum tekjum
inn í hreyfinguna. Getraunir aftur á móti
greiða félögunum 25% í sölulaun. Nú er
svo komið að 82 félög út um allt land
bjóða upp á tölvuþjónustu sem nú er orðið
um 60% af öllum getraunum. Þegar þátt-
takan var mest seldum við fyrir 380 millj-
ónir en núna stefnum við í að geta selt
miða fyrir um 280 milljónir á þessu starfs-
ári. Með því að hafa síðan tekist að lækka
rekstrarkostnað úr 20% niður i 11% erum
við samt famir að skila meiri hagnaði en
áður var. Vandamálið í dag er að víða hafa
knattspyrnudeildirnar gjarnan verið einar
með þessa starfsemi innan sinna vébanda.
Með hópleikjunum er aftur á móti hægt að
hafa undimúmer sem gera hinum deildun-
um mögulegt að fá líka sérstök númer, sem
gera þeim síðan kleift að afla sér eigin
tekna."
Þátttaka
ungmennafélaganna
- Hvemig er þátttaka ungmennafélag-
anna?
„Ef Island stæði sig jafnvel og Eyja-
fjarðarsvæðið þá væm Islenskar getraunir
að velta um 600 milljónum á ári en ekki
300 milljónum eins og gerist í dag. Það er
ekki spuming um það til dæmis hvort félag
á svæðinu er stórt eða framarlega í knatt-
spymunni, heldur hitt hversu duglegt fólk
er að tippa á það.
Ungmennafélögin eru eins misjöfn og
þau eru mörg. Fyrr á árum gátu félögin
hringt til fyrirtækja og fengið eitt auglýs-
ingaspjald fyrir 20-50.000 krónur. I dag er
þetta ekki hægt. Nú verða menn að spyrja
sig að því hvar hina öraggu peninga sé að
fá. - Þá er einmitt að finna í getraununum.
Nú er kerfið allt orðið tölvutengt og því
skiptir engu máli hvar þú ert staddur á
landinu."
-Er mikill kostnaður því samfara fyrir
félögin að fá sér getraunabúnað?
„Það þarf ekki að vera það. Stundum
höfum við látið félögin hafa tölvukerfi til
þess að hjálpa þeim í gang. Þá greiða þau
það til baka á ákveðnum tíma. Við erum
mjög sveigjanlegir í samningum."
- Er þetta þá ekki upplögð fjáröflunar-
leið fyrir lítið félag úti á landsbyggðinni til
dæmis?
„Þetta er líklega ömggasta fjáröflunar-
leiðin. Getraunimar fara fram í hverri ein-
ustu viku og það er einfalt og auðvelt að
framkvæma þær því að skipulag starfsem-
innar er mjög gott.
Svo er ýmislegt fleira í kringum þetta
heldur en að útfylla seðlana. í Reykjavík,
til dæmis, reyna félögin gjarnan að nota
getraunimar á laugardögum sem tilefni til
þess að fá gömlu íþróttakarlana til að koma
saman og fá sér kaffisopa. Stundum em
einhverjir jafnvel fengnir til að koma og
stjóma umræðum um þjálfaramál og hvað
eina.
Einu vil ég vara félögin við að lokum.
Þau hafa gjaman verið að berjast um við-
skiptavinina með því að gefa þeim afslætti,
sem ég tel vera það vitlausasta sem gert er,
jafnvel þó að um hópspilara sé að ræða.
Þetta er eins og með kaupmennina sem
vom að bítast um að selja eggin með því
að lækka þau og lækka. Mér finnst ástæðu-
laust að gefa afslátt og kvika þannig frá því
verði sem í gildi er á hverjum tíma. Menn
eru að styrkja ákveðið félag með því að
versla við það,“ sagði Ámi Þór.
Islenskar getraunir hafa skilað íþróttahreyfmgunni miklum hagnaði íþau 27 ár sem get-
raunirnar hafa starfað. Þeir sem erfa landið njóta uppbyggingarinnar og halda henni
áfram.
30
Skinfaxi