Skinfaxi - 01.12.1998, Blaðsíða 8

Arni Gautur lék fyrstur í...
Meistaradeildinni!
Stjörnumaðurinn Árni Gautur Arason er fyrsti íslendingurinn til að leika í
Meistaradeild Evrópu. Valdimar Kristófersson spjallaði við hann...
Hvernig upplifun skyldi það
vera að spila á móti þeim
bestu í Evrópu? Árni
Gautur Arason markvörður
Rosenborgar og íslenska
landsliðsins í knattspyrnu
hefur kynnst því. Rosen-
borg sigraði í norsku deildinni í fyrra og
vann sér þátttökurétt í Meistarardeild Evr-
ópu, fjórða árið í röð. í Meistaradeild-
inni leika öll bestu félagslið álfunnar
og Árni Gautur fékk tækifæri með lið-
inu fyrir stuttu þegar aðalmarkvörður
Rosenborgar meiddist. Það er því
skammt stórra högga á milli hjá Árna
Gaut því fyrir rúmu ári síðan lék hann
með Ungmennafélagi Stjörnunnar í
Garðabæ en nú leikur hann gegn bestu
knattspyrnumönnum heimsins. En skyldi
Árni Gautur hafa átt von á því að fá að spila
á móti þeim bestu?
,,Ég vissi það þegar ég fór til Rosen-
borgar að ég ætti eftir að spila á móti þeim
bestu ef ég fengi tækifæri með liðinu því
Rosenborg er eitt af fáum liðum í Evrópu
sem hefur komist í Meistaradeildina fjögur
ár í röð. Þannig að ég vissi að hverju ég
gekk þegar ég skipti yfir í Rosenborg en ég
bjóst ekki endilega við því að fá að spila á
fyrsta ári mínu með liðinu í Meistaradeild-
inni."
- Nú fékkst þú að spila heima og að
heiman gegn Galatasary, var það ekki
mikil upplifun?
„Leikurinn gegn Galatasary í Tyrklandi
er ólýsanlegur. Völlurinn var troðfullur
af 25 þúsund æstum áhorfendum og
stemmningin var alveg ótrúleg. Fyrir
leikinn var Jörne Jamtfall, aðalmark-
vörður liðsins, tekinn út úr liðinu og ég
settur inn. Fjölmiðlar fjölluðu mikið um
þessa breytingu og gerðu mikið úr
henni og ég var því nokkuð stressaður
fyrir leikinn. Ég átti þó von á að hjartað
slægi enn hraðar þegar ég kæmi inn á
völlinn en svo var ekki. Þegar stundin var
runnin upp og ég gekk inn á völlinn var
stemmningin svo mikil að ég náði að peppa
mig vel upp og gleymdi öllu stressinu."
- Þér hafði gengið mjög vel í fyrri
leiknum en seinni leikurinn tapaðist 3-0
í Tyrklandi. Áttirðu einhverja sök á
mörkunum?
„Nei, ég mundi ekki segja það. Þetta
voru mörk sem var erfitt að koma í veg fyr-
ir. Ef ég hefði verið „að toppa" þá hefði ég
kannski tekið eitt af þessum mörkum. Fjöl-
miðlar hér í Noregi eru duglegir við að
gagnrýna leikmenn ef þeir leika illa en þeir
sáu ekki ástæðu til að kenna mér um mörk-
in. Ég var sagður hafa spilað ágætisleik og
verið nokkuð öruggur í markinu."
- En þú dast út úr liðinu eftir leikinn í
Tyrklandi. Hvernig stóð á því?
„Fyrir leikinn í Tyrklandi sagði Trond
þjálfari mér að Jörne Jamtfall væri enn að-
almarkvörður liðsins þótt ég ætti að spila á
móti Galatasary. Jörne hafði fengið á sig
klaufalegt mark í bikarúrslitaleiknum sem
var leikurinn á undan leiknum í Tyrklandi.
Eftir þann leik fékk hann mikla gagnrýni í
fjölmiðlum og Trond vissi að fjölmiðlar
mundu grafa hann lifandi ef hann mundi
klikka aftur á móti Galatasary. Þannig að
Trond tók þá ákvörðun að setja mig inn í
byrjunarliðið og ég vissi að Jörne kæmi síð-
an inn í næsta leik á eftir. Ég hefði reynd-
ar getað haldið mér í liðinu með einhverjum
toppleik en það gekk ekki eftir í þetta sinn.
Fyrir leikinn á móti Athletico Bilbao, sem
var næsti leikur á eftir leiknum í Tyrklandi,
spurðu fjölmiðlar Trond af hverju Jörne
væri kominn í liðið aftur. Hann rökstuddi
það með því að segja að Jörne væri betri
sóknarlega en ég, þ.e.a.s. að hann væri
sneggri að koma boltanum í leik og þetta
væri heimaleikur svo liðið þyrfti að sækja
hratt."
- Áttu von á að fá að spila meira í
Meistaradeildinni á þessu tímabili?
„Nei, ég get ekki sagt það. Reyndar hef-
ur Jörne verið eitthvað meiddur í hnénu
undanfarið þannig að meiðsli gætu sett
strik í reikninginn mértil happs. Næsti leik-
ur er á móti Juventus í Tórínu og ég hef
ekki trú að Jörne sleppi þeim leik."
- Þú ert fyrsti íslenski leikmað-
urinn til að leika í Meistaradeildinni.
Áttu von á að einhver annar íslend-
ingur eigi eftir að feta í fótspor þín
á næstunni?
„Það er erfitt að segja. Maður
veit ekki hvað framtíðin ber í skauti
sér. En Þorbjörn Atli Sveinsson sem
leikur með Bröndby er líklegastur. Bröndby
er í Meistaradeildinni í dag og er líklegt til
að komast í hana aftur að ári. Reyndar hef-
ur Þorbjörn ekki fengið tækifæri með liðinu
en ef það gerist þá mun hann líklega spila
í Meistaradeildinni innan tíðar. Ég get ekki
séð að nokkur annar íslendingur leiki í
toppliði annars staðar í Evrópu. Það væri
þó helst Arnar Grétarsson hjá AEK í Grikk-
landi, sem gæti komist í Meistaradeildina."
- Þú hefur fengið góða dóma í blöð-
unum fyrir þá leiki sem þú hefur spilað
og nú er tímabilið að verða búið hjá ykk-
ur. Áttu von á að verða markmaður
númer eitt hjá Rosenborg á næsta tíma-
bili?
„Það er stefnan hjá mér en samkeppnin
verður jafnhörð og síðasta sumar. Nils
Arne Eggen tekur við þjálfarastöð-
unni fyrir næsta tímabil. Hann hefur
verið með liðið undan farin ár nema í
fyrra að hann tók sér árs frí. Hann er
hálfgerð goðsögn hérna í Þránd-
heimi og ég veit í rauninni ekki hvað
hann hugsar. Ég tel mig þó eiga
betri möguleika á stöðunni á næsta
tímabili en ég átti í ár."
- En hvað með landsliðið?
„Jaa, ætli ég verði ekki að segja að
stefnan hjá mér sé að komast í byrjunarlið-
ið bæði hjá Rosenborg og landsliðinu á
næsta ári. Hvort það tekst verður tíminn að
leiða í Ijós."
Þorbjörn Atli Sveinsson
sem leikur með Bröndby
er líklegastur...
...stefnan hjá mér er að
komast í byrjunarliðið bæði
hjá Rosenborg og
landsliðinu...