Skinfaxi - 01.12.1998, Qupperneq 32

Arnar Grétarsson kemst ekki í
landslið Guðjóns!
Ungmennafélaginn Arnar Grétarsson hefur aldrei verið í betra formi en ekki
í náðinni hjá Guðjóni Þórðarsyni. Valdimar Kristófersson sló á þráðinn til
Arnars og heyrði í honum hljóðið...
Það hefur komið mörgum á
óvart að Arnar Grétarsson
sem leikur með AEK
Aþenu skuli ekki hafa
fengið tækifæri með
landsliðinu á undanförn-
um mánuðum. Arnar, sem
er 26 ára og leikið yfir 40 landsleiki, hefur
leikið vel í vetur og líklega aldrei verið
í betra formi. AEK er eitt af þremur
stærstu liðunum í Grikklandi og trónir
nú á toppi deildarinnar og er því ekki
síst að þakka góðri spilamennsku
Arnars. Mörg stórlið hafa verið með
fyrirspurnir um strákinn upp á síðkast-
ið og má þar nefna Bologna á Ítalíu,
Vitessa í Hollandi og nú fyrir stuttu
bauð PSG í Frakklandi 70 milljónir í kapp-
ann sem forráðamenn AEK höfnuðu. í
sumar neitaði forseti AEK tilboðum frá
belgísku stórliðunum Anderlecht og Club
Brugges í Arnar. Forseti félagsins hefur
sagt við Arnar að hann sé ekki falur. Hann
ætlar að bjóða Arnari nýjan samning fyrir
áramót með einhverjum viðbótarnúllum.
Þrátt fyrir þetta og áhuga margra stórliða í
Evrópu á Arnari þá virðist hann ekki eiga
upp á pallborðið hjá Guðjóni Þórðarsyni
landsliðsþjálfara. Skinfaxi fékk Arnar í stutt
viðtal um landsliðið og framhaldið í boltan-
um.
- Hvenær datstu út úr landsliðshópn-
um?
,,Ég spilaði síðast undir stjórn Guð-
jóns á æfingamóti á Kýpur í febrúar á
þessu ári. Liðinu gekk mjög illa og tap-
aði öllum leikjunum. Eftir þessa ferð
hef ég ekkert heyrt í Guðjóni. Ég taldi
mig þó ekki vera að spila illa á Kýpur
þótt ég hefði getað spilað betur."
- Þú hefur ekki dottið út vegna
meiðsla eða einhverju þvílíku?
,,Nei, nei. Hann hefur ekki talað við mig
eftir þessa ferð og ég hef aldrei fengið
neina skýringu á af hverju ég datt út. En ég
er mest svekktur yfir því að hann skuli ekki
enn þá hafa komið til Grikklands og horft á
einn leik með mér til að sjá hvað ég væri að
gera. Þá væri einnig einfalt að senda upp-
tökur af leikjum með mér til hans ef hann
bæði um það. Það kom mér einnig nokkuð
á óvart að hann skyldi ekki hafa mætt til
Grikklands áður en landsliðið fór til Kýpur í
febrúar, því deginum áður var ég að spila
með AEK á móti Olympiakos. Þetta er einn
af stóru leikjunum í deildinni og hann hefði
getað komið deginum fyrr til Grikklands,
horft á mig leika og síðan hefðum við verið
í samfloti til Kýpur."
Hann verður að hafa sína
hentisemi á því hvernig
hann vinnur hlutina
- Getur ástæðan fyrir brotthvarfi þínu
úr landsliðinu verið sú að þú sért í slöku
formi?
,,Ég mundi nú halda að ég væri í dúnd-
urformi einmitt núna. Og í sannleika sagt
held ég að ég hafi aldrei verið í eins góðu
formi á ferli mínum eins og síðasta eitt og
hálfa árið. Það eru búnir ellefu leikir í deild-
inni og ég hef verið í byrjunarliðinu í átta
leikjum og komið inn á í hinum. í síðustu
leikjum hef ég verið í fastur í byrjunarliðinu
og klárað 90 mínútur."
- Ertu ósáttur við að Guðjón skuli ekki
gefa þér tækifæri með liðinu?
...ég er mest svekktur yfir
því að hann skuli ekki enn
þá hafa komið til
Grikklands...
- Ertu ósáttur við að hann skuli ekki
koma út til Grikklands eða fá upptökur
úr leikjum með þér til að geta metið
ástand þitt?
,,Hann verður að hafa sína hentisemi á
því hvernig hann vinnur hlutina. Ef ég væri
landsliðsþjálfari þá mundi ég skoða alla þá
leikmenn sem eru að spila erlendis og eru
fastamenn í sínum liðum. Og sérstak-
lega leikmenn sem eru að spila með
liði sem er í einu af þremur efstu sæt-
unum á hverju ári í efstu deild."
- Guðjón hefur náð góðum ár-
angri með landsliðinu að undan-
förnu. Áttu von á að fá tækifæri
með liðinu á næstunni?
,,Það eina sem ég get gert er að halda
áfram og reyna að standa mig vel hérna úti.
Ef það gengur upp og AEK nær góðum ár-
angri samfara því þá kemur ábyggilega
smápressa á Guðjón um að fylgjast með
mér. En mér finnst í raun aðalatriðið að
hann afli sér upplýsinga um mig sem ein-
hver utanaðkomandi sendir honum. Við
erum t.d. með fréttamenn í kringum liðið og
þeir geta gefið upplýsingar um hvernig ég
hef verið að spila. Það ætti ekki að vera
vandamál fyrir hann. Þetta er bara spurn-
ingin um hvað menn vilja en ég veit að
landsliðinu hefur gengið vel þannig að það
er erfiðara fyrir mig að gera kröfur um að
vera valinn í hópinn. Ég gleðst yfir góðum
árangri landsliðsins en mér finnst lágmark
að landsliðsþjálfarinn fylgist alla-
vega með hvað maður er að gera
hérna úti."
,,Jaa, auðvitað vill maður spila fyrir ís-
land. Ég er búinn að spila yfir 40 landsleiki
og fæsta af þeim hef ég verið í mínu besta
formi. Ég veit ekki hvort Guðjón haldi að ég
sé að skálda um þau lið sem hafa áhuga á
mér í dag. En miðað við áhuga þessara
liða finnst mér þau vera að gefa til kynna
hvað ég er að gera hérna úti. Ég held að
PSG væri ekki að leita eftir leikmanni sem
mundi ekki standa sig. Það er alveg Ijóst."
- Hvað með framhaldið hjá þér
hérna úti? Það hafa mörg stórlið
verið á eftir þér að undanförnu.
Er eitthvað að gerast í þeim mál-
um?
,,Já, ég veit að PSG hefur mikinn áhuga
að fá mig og þeir buðu 70 milljónir í mig fyr-
ir skömmu. Forseti AEK hafnaði því og
sagði að ég væri ekki til sölu. Hann sagð-
ist hafa fengið tilboð í mig upp á tæpar 200
milljónir, frá ensku liði, sem hann hafnaði.
Ég veit ekki hvað er til í því en ég veit að
PSG hefur enn mikinn áhuga og þeir ætla
að gera AEK nýtt tilboð."