Skinfaxi - 01.02.2000, Síða 6

VERÐ
BESTUR
Kristinn Björnsson skíðakappi frá
Ólafsfirði er einn fremsti
íþróttamaður okkar íslendinga.
Hann hefur náð góðum árangri
á mörgum heimsbikarmótum á
undanförnum árum en vantar
þó enn herslumuninn til að
komast í allra fremstu röð. Eftir
slakt gengi keppnistímabilið '98-
'99 og erfitt sálarstríð komst
Kristinn aftur á rétta braut í
vetur og stefnir nú ótrauður á
toppinn. Skinfaxi hitti þennan
snjalla skíðamann að máli og fór
með honum yfir farinn veg og
inn á ótroðnar brautir.
Kristinn er borinn og barnfæddur á Ólafsfirði og hefur í raun aldrei
yfirgefið æskustöðvar sínar því þegar hann er á Islandi býr hann á
Ólafsfirði. Og að sjálfsögðu var það á Ólafsfirði sem Kristinn steig sín fyrstu
spor á skíðunum. „Ég var fimm ára þegar ég fór fyrst á skíði í brekkunum
á Ólafsfirði. Það má segja að það hafi legið fyrir mér að verða skíðamaður
enda ávallt mikill snjór á Ólafsfirði og stutt í brekkurnar."
Það er greinilegt að hugur hans hefur strax á unga aldri leitað í
skíðaíþróttina en skyldi hann hafa stundað aðrar íþróttir á
bernskuárunum?
„Ég stundaði líka knattspyrnu þegar ég var yngri. Ég held að ég hafi verið
skítsæmilegur knattspyrnumaður í það minnsta entist ég í boltanum til 17
ára aldurs. Ég vann þó ekki til neinna stórafreka en ég náði þó að leika einn
leik með meistaraflokki Leifturs. Reyndar kom ég inn á sem varamaður og
lék síðustu tíu mínúturnar. Það er nú allt og sumt enda lagði ég skóna
fljótlega á hilluna eftir það."
Af hverju tókstu skíðin fram yfir fótboltann?
„Það er nú einföld ástæða fyrir því. Ég var enginn snillingur í fótboltanum."
En það var ekki sömu sögu að segja um hæfileika hans á skíðum?
„Ég byrjaði snemma að sýna ákveðin tilþrif á skíðunum og vann flest mót
sem ég tók þátt í. Ég þótti efnilegur en fáir áttu kannski von á þessum tíma
að ég mundi leggja þetta fyrir mig."
Hvernig var að stunda skíði á Ólafsfirði?
„Það var ofboðslega þægilegt enda snjósamt á Ólafsfirði og það var stutt að
rölta í brekkurnar þannig að þetta gerði manni auðvelt fyrir. Þá höfðum við
yfirleitt góða þjálfara sem komu bæði frá Akureyri og einnig frá Noregi."
Þótt sjónvarpið hafi ekki verið farið að sýna mikið frá skíðum í
sjónvarpi á þessum tíma fylgdist Kristinn vel með og átti sinn
uppáhaldsskíðamann?
„Ingimar Steinmark frá Svíþjóð var í miklu uppáhaldi hjá mér þegar ég var
að alast upp. Öðru hverju var sýnt frá skíðamótum í sjónvarpinu og þá
reyndi maður að fylgjast með sínum manni."
Kristinn dreymdi um að fylgja í fótspor fyrirmyndarinnar þegar hann
var yngri.
texti:
valdimar Kristófersson
J