Skinfaxi - 01.08.2000, Side 22

Við setningu 4. unglingalandsmóts
UIVIFÍ sem haldið var á Patreks-
firöi, Tálknafirði og Bíldudal.
4. Unglingalandsmót UMFÍ var haldið á
Patreksfirði, Tálknafirði og á Bíldudal 4.- 6.
ágúst og var í umsjón Héraðssambandsins
Hrafna-Flóka. Mótshaldarar ákváðu að gera
djarfa tilraun og vera með mótið um
verslunarmannahelgi. Með því vildu menn
kanna hvort grundvöllur væri fyrir því að vera
með íþróttamót þessa mestu ferðahelgi
landsmanna. Menn renndu því blint í sjóinn
með fjölda þátttakenda en gerðu þó ráð fyrir
að þátttaka yrði svipuð og á fyrri mótum.
Með því að halda mótið um þessa helgi var ætlunin að fá
fjölskylduna til að mæta saman og taka þátt í heilbrigðum leik og
skemmtun. Því var ákveðið að mótið yrði sambland af
íþróttamóti og útihátíð. Keppnisgreinarnar voru 7 og dreifðust
jafnt niður á þessa þrjá þéttbýliskjarna og var keppt í eftirfarandi
greinum: knattspyrnu, körfubolta, sundi, frjálsum, glímu, golfi
og skák. Tjaldbúðirnar voru á Tálknafirði og þaðan var keyrt til
keppni á hina staðina. Auk íþróttagreinanna þá var mikið lagt

upp úr því að bjóða fjölbreytta afþreyingu.