Skinfaxi - 01.02.2002, Blaðsíða 2

ritstjórinn
Nóg
um
að
vera
í þessu fyrsta tölublaði Skinfaxa árið 2002 ber margt á góma. Ber þar
fyrst að nefna viðtal við Björn B. Jónsson, formann UMFÍ um
Landsmót UMFÍ 2004, en eins og flestum ætti að vera kunnugt um
ákvað bæjarstjórnin á (safirði að hætta við þátttöku sína í 24.
Landsmóti UMFÍ, sem varð til þess að stjórn HSV afsalaði sér
umboðinu til að sjá um framkvæmd mótsins. 22. mars verður síðan
tekin ákvörðun um hvar Landsmótið verður haldið en fimm aðilar hafa
sótt um að fá að sjá um framkvæmd mótsins.
Allt er þó á kristaltæru hvað varðar Unglingalandsmót UMFÍ, sem
haldið verður á Stykkishólmi fyrstu vikuna í ágúst. Þetta er í fimmta
skiptið sem mótið er haldið og nýtur það vaxandi vinsælda. Ýmsar
nýjungar verða á mótinu í ár og Jóhann Haukur Björnsson, fram-
kvæmdastjóri ULM, segir okkur nánar frá þeim og undirbúningi
mótsins, sem verður nú í fyrsta skiptið opið öllum.
Hjálmar Jónsson knattspyrnukappi úr Keflavík var einn besti
leikmaður íslandsmótsins í knattspyrnu í fyrra. Hann hefur nú ákveðið
að söðla um og halda í víking því á dögunum skrifaði hann undir
fjögurra ára samning við eitt stærsta félagsliðið í Svíðþjóð, Gauta-
borg. Blaðamaður Skinfaxa hitti þennan frækna knattspyrnumann að
máli áður en hann lagði af stað til Svíþjóðar.
Hópfimleikar hafa verið að ryðja sér til rúms á undanförnum árum.
Stjörnustúlkan Hrafnhildur Gunnarsdóttir var þeim heiðri aðnjótandi í
byrjun árs að verða valinn fimleikakona ársins hjá ÍSÍ og einnig var
hún valin íþróttamaður Garðabæjar. Þetta er í fyrsta skipti sem
fimleikamaður ársins hjá ÍSÍ er valinn úr hópíþrótt og blaðamaður
Skinfaxa hitti stúlkuna að máli.
Innan tveggja ára verður Laugardalurinn orðinn sannkallaður
heilsuparadís. Þar á að rísa líkamsræktarstöð af fullkomnustu gerð
og er það gamli ungmennafélaginn Björn Leifsson sem leiðir okkur í
allan sannleika varðandi hugmyndir sínar um Laugardalinn.
Það er margt annað fróðlegt sem er tekið fyrir í þessu fyrsta
tölublaði ársins 2002 og bið ég lesendur vel að njóta. Að lokum má
þó ekki gleyma að óska karla- og kvennaliði Njarðvíkur í körfubolta
til hamingju með frábæran árangur, en strákarnir urðu á dögunum
Bikarmeistarar eftir glæsilegan sigur á KR í Laugardalshöll. Stúlk-
urnar í Njarðvík stóðu sig einnig með glæsibrag í bikarnum en þær
þurftu þó að bíta í það súra epli að láta í minnipokann í úrslitaleiknum
fyrir KR í skemmtilegum og æsispennandi leik.
Með kveðju
Valdimar Tryggvi Kristófersson
Forsíðumyndina tók Sigurjón Ragnar,
Ijósmyndari Skinfaxa, á bikar-
úrslitaleik karla í körfubolta. Þar fór
Njarðvík með sigur af hólmi í leik á
móti KR. Á myndinni berjast fyrirliði
Njarðvíkur, Brenton Birmingham og
Jón Arnór Stefánsson um boltann og
augljóst er hver hefur betur.
Skinfaxi
RITSTJÓRI
Valdimar Tryggvi Kristófersson
LJÓSMyNDIR
Sigurjón Ragnar o.fl.
UMBROT OG HÖNNUN
Valdimar Tryggvi Kristófersson
ÁByRGÐARMAÐUR
Björn B. Jónsson
FRAMKVÆMDASTJÓRI
Sæmundur Runólfsson
AUGLýSINGAR Markaðsmenn
PRENTUN Svansprent
DREIFING Blaðadreifing ehf
PÖKKUN Ás Vinnustofa
PRÓFARKALESTUR
Aðalbjörg Karlsdóttir
RITSTJÓRN
Sigurbjörn Gunnarsson
Anna R. Möller
Vilmar Pétursson
Sigurlaug Ragnarsdóttir
STJÓRN UMFÍ
Björn B. Jónsson
Helga Guðjónsdóttir
Kristín Gísladóttir
Anna R. Möller
Sigurbjörn Gunnarsson
Ásdís H. Bjarnadóttir
Hildur Aðalsteinsdóttir
Sigurður Viggósson
Kjartan P. Einarsson
Svanur M. Gestsson
Birgir Gunnlaugsson
SKRIFSTOFA SKINFAXA
ÞJÓNUSTUMIÐSTÖÐ UMFÍ
FELLSMÚLA 26
108 REyKJAVÍK
SÍMI: 568-2929
FAX: 568-2935
NETFANG: umfi@umfi.is
HEIMASÍÐA: www.umfi.is