Skinfaxi - 01.02.2002, Blaðsíða 18

✓
Iþrótta- og tómstundaveisla í Mosfellsbæ
Ungmennafélag íslands, í samstarfi við
Mosfellsbæ og Ungmennasamband Kjalar-
nesþings, hefur ákveðið að standa fyrir
sannkallaðri íþrótta- og tómstundaveislu í
Mosfellsbæ, dagana 3.-5. maí 2002. Á
efnisskránni er m.a. vegleg sýning þar sem
allir þeir aðilar er tengjast íþrótta- og tóm-
stundastarfi í landinu kynna starfsemi sína,
myndarleg ráðstefna þar sem tekið verður á
heitum málefnum tengdum iþrótta- og
æskulýðsstarfi. Haldin stutt en hnitmiðuð
námskeið fyrir fagaðila innan íþróttahreyf-
ingarinnar og fjölbreytt skemmtidagskrá
sem höfðar til allra aldurshópa. Markhópur
sýningarinnar er allur almenningur á Islan-
di. Sýningin er því opin öllum. Guðný Hall-
grímsdóttir er verkefnastjóri sýningarinnar
og segir okkur hér í stuttu máli við hverju
þátttakendur og gestir megi búast á.
Stórsýning í Iþróttamiðstöðinni að Varmá í Mosfellsbæ
Markmið sýningarinnar er m.a. að kynna þá fjölbreyttu flóru
íþrótta og tómstunda sem stundaðar eru í landinu ásamt því að
koma ýmsum jaðaríþróttum á framfæri. Sýningin er því kjörinn
vettvangur fyrir öll þau fyrirtæki sem á einn eða annan hátt
tengjast iþrótta- og tómstundastarfi almennings hér á landi.
i Sumarstarf íþrótta- og æskulýðsfélaga er að fara af stað á þessum
tíma og allur almenningur í óða önn að skipuleggja væntanlegt
sumarfrí, svo þarna gefst frábært tækifæri til kynningar á því sem
í boði er hér innanlands fyrir börn og fullorðna. Aldrei áður hefur
verið haldin svo umfangsmikil kynning hér á landi á starfi
æskulýðs- og íþróttahreyfingarinnar svo hér er um einstæðan
viðburð að ræða.
Listi hefur verið útbúin yfir væntanlega sýningaraðila en þeim
verður öllum sent kynningarefni auk þess sem farið verður í
heimsóknir til þeirra stærstu. 250 fyrirtæki og félagasamtök sem
tengjast íþrótta- og tómstundastarfi á íslandi eru á þeim lista.
Ráðstefna í Hlégarði í Mosfellsbæ
Ráðstefnunni er ætlað að koma af stað umræðu um mikilvægi
íþróttaiðkunnar og tómstundastarfs almennt og að hreyfa við
spumingum varðandi skyldur ríkis og sveitarfélaga í íþrótta- og
æskulýðsstarfi. Skemmtidagskráin, sem fer fram bæði innan- sem
utandyra, samanstendur af áhugaverðum uppákomum sem eiga
það sameiginlegt að tengjast íþrótta- og æskulýðsstarfi á einn eða
annan hátt og eru sérstaklega ætluð börnum, unglingum og
fjölskyldufólki.
Þema ráðstefnunnar verður „Hlutverk ríkis og sveitarstjóma í
íþrótta- og æskulýðsmálum". Ráðstefnan fer fram föstudaginn 3.
maí 2002 og áætlað er að hún hefjist um klukkan 13.00 og ljúki um
17.00 en þá verður sýningin formlega opnuð.
Ráðstefnan verður byggð upp á 6 fyrirlestrarefnum sem öll snerta
megin viðfangsefni ráðstefnunnar. Fyrirlesarar verða bæði
Guðný Hallgrímsdóttir, lengst til vinstri ásamt Jóni Hálfdáni
Péturssyni og Gyðnýju Stefaníu Stefándsdóttur, en þau sjá um
undirbúning og skipulagningu sýningarinnar í Mosfellsbæ.
fulltrúar sveitarfélaga og ríkis en einnig sérfræðingar í einstökum
málaflokkum sem tekin verða fyrir.
Skemmtidagskrá
Til að auka aðsókn almennings að sýningunni og til frekari
kynningar á íþrótta- og tómstundastarfi, verður stanslaus dagskrá
í gangi utan sem innandyra á sýningarsvæðinu. Þannig gefst
almenningi kostur á að prófa hinar ýmsu íþróttagreinar, horfa á
glæsileg sýningaratriði eða hlusta á áhugaverð erindi varðandi
íþrótta- og tómstundastarf. Skemmtidagskráin mun standa yfir
alla sýningardagana.
Meðan á sýningunni stendur verða ýmiskonar íþróttamót haldin
fyrir almenning í umsjón UMSK og UMFA. Afturelding hefur
ákveðið að halda sitt árlega fótboltamót þessa helgi fyrir yngri
flokkana í fótbolta en auk þess verður spilaður úrslitaleikur í
meistaraflokk karla á grasvellinum í Mosfellsbæ. Frábær aðstaða
er til útivistar í nágrenni íþróttamiðstöðvarinnar og verður hún
nýtt á allan mögulegan máta eins og t.d. skemmtileg torfæru-
hjólabraut í fjallahjólakeppni sem almenningi gefst kostur á að
skrá sig í og einnig er hægt að auglýsa upp hjólastíga um sveitir
Mosfellsbæjar fyrir fjölskyldufólk. Hestamannafélagið í Mosfells-
bæ teymir undir börnum og hestaleiga kynnir sig með því að
bjóða reiðtúra um reiðstíga í nágrenninu. Keppni í frjálsum
íþróttum, almenningshlaup, Brettafélag Rvk heldur sýningu /
keppni á hjólabrettabrautum við miðstöðina, skátaleiktæki,
ratleikir, smábátahöfn ofl.
Innandyra á sýningunni sjálfri verður stanslaus dagskrá bæði á
upphækkuðu sviði og stóru svæði á gólfi, má þar nefna, karate- og
fimleikasýningu, dansatriði, Fitnes atriði, þrautabrautir þar sem
almenningi gefst kostur á að reyna sig í ýmsum íþróttagreinum
eins og golfi, körfubolta, pílukasti, keilu ofl. Fyrirtæki bjóða
göngugreiningu, fitu- og kólesterólmælingu og þolpróf. Matar-
framleiðendur bjóða smakkanir, skyr, orkudrykkir, lýsi ofl.
Nánari upplýsingar um fyrirkomulag og framkvæmd sýningar-
innar veitir Guðný, gudny@umfi.is og Valdimar Gunnarsson,
valdimar@umfi.is. Sími 568-2929.