Skinfaxi - 01.05.2004, Blaðsíða 35

BLÁTT ÁFRAM
íslandsbanki Sjóvá-Almennar, samstarfsaðili UMFÍ að forvarnaverkefninu Blátt áfram. Verkefnisstjórn Blátt áfram,
fulltrúar íslandsbanka Sjóvá-Almennra ásamt Sæmundi Runólfssyni, framkvæmdastjóra UMFÍ.
Ungmennafélag íslands hefur
hafið undirbúning að nýju
verkefni sem nefnist Blátt áfram.
Um er að ræða forvarnaverkefni
þar sem baráttunni gegn
kynferðismisnoktun barna og
unglinga verður lögð lið. Skipuð
hefur verið verkefnisstjórn Blátt
áfram og er Helga Guðjónsdóttir
varaformaður UMFÍ, formaður
verkefnisstjórnar. Svava Björns-
dóttir hefur verið ráðin verkefnis-
stjóri Blátt áfram.
„Við teljum að með því að setja
ábyrgðina í þessu viðkvæma máli í
hendur fullorðina þ.e. þeim sem
umgangast börn, mömmur, pabba,
afa, ömmur, frændur, frænkur,
bræður og systur, sem sagt við öll,
getum við verndað þau sem minna
mega sín og boðið þeim upp á
bjartari framtíð! Við þurfum að
fræða börnin eins okkur hefur verið
kennt, en það þarf að gera meira.
Veist þú hver merkin eru? Hefur þú
hugsað um hvað þú gerir ef þig
grunar að verið sé að brjóta á barni?
Hvert þú átt að leita?," segir Svava.
Verkefnið Blátt áfram hefur það að
markmiði að fræða almenning og
veita jákvæðar upplýsingar út í
þjóðfélagið um þetta viðkvæma
málefni. Svava segir að tölur um
kynferðislega misnotkun séu sláandi.
„Ein af hverjum fimm stelpum og
einn af hverjum tíu strákum eru
misnotuð kynferðislega fyrir 10 ára
aldur! Sem þýðir að ein af vinkonum
dóttur þinnar og einn af vinum sonar
þíns er kynferðislega misnotaður.
Veist þú hver það er?
fræðast um staðreyndirnar. Lærum
hvernig við getum talað um þetta við
börnin okkar til að fyrirbyggja að
þetta gerist. Umræðan um þetta
viðkvæma málefni þarf að vera
meira í dagsljósinu," segir Svava.
Verkefnið Blátt áfram hefur nú þegar
leitað til nokkurra samstarfsaðila og í
hvívetna fengið góðar mótttökur.
íslandsbanki Sjóva Almennar verður
bakhjarl þessa verkefnis en auk þess
hafa ýmis félagasamtök lagt UMFÍ lið
í þesssari baráttu og taka þátt í
verkefninu. „Rauði krossinn með
1717 hjálparlínuna og lögreglan
með neyðarlínuna 112 eru með í
þessu verkefni. Við höfum nú opnað
heimasíðu verkefnisins sem er
www.blattafram.is . A heimasíðunni
eru fræðsla og upplýsingar fyrir
foreldra um hvernig þau geta rætt
þetta við börnin sín og hvert þau
geta leitað ef þau þurfa hjálp. Þá er
unnið er að því að gefa út bækling
sem dreift verður í öll hús í landinu,"
segir Svava.
„Þín þekking á málinu getur
hjálpað barni að leita sér hjálpar og
það skiptir miklu að vita hvert á að
leita. Með jákvæðu viðhorfi og
jákvæðari umræðu um þetta mál
gerum við þoiendum kynferðislegs
ofbeldis auðveldara að leita sér
hjálpar. Ef þú hefur lent í kynferðis-
legu ofbeldi, rjúfðu þögnina! Það er
erfitt, en samt betra en að eyða lífinu
með skömminni sem situr eftir og
nagar þig að innan. Ekki bara þín
vegna heldur líka vegna allra hinna
sem eru í kringum þig. Þeirra sem
ekki gátu staðið upp og mótmælt
þessu ofbeldi ein, en með því að sjá
alla hina sem eru að leita sér hjálpar,
geta þau ákveðið að taka þetta stóra
skref til bjartari framtíðar!" segir
Svava Björnsdóttir verkefnisstjóri
Blátt áfram.
BI^ITÁFRAM!
Tökum á þessu máli með því að
35
SKINFAXI - tímarit um menningu