Sjómannablaðið Víkingur - 01.09.1947, Blaðsíða 15

Þér hæföi’ a'öeins hafsængin köld;
í hásölum Ægis er stórmenna val;
þar sægarpar hugpruðir sitja við tal
um sókndirfsku—kóngar frá horfinni öld.
Þeir fagna þér, fullhugi, vel;
því fræknum var löngu þín hólmganga kunn
við Frosta, við ský og við fjallháa unn,
við forynjur heimskauts, við máttsterka Hel.
Þeir hylla þig öndvegis-höld;
þinn hjálmur var treystur í römmustu þraut;
þú, víðsækinn, mannkyni varðaðir braut
til vonlanda nýrra, á komandi öld.
Þeir deyja’ ei, er duga svo vel;
í dáðum, ei árum, slcal æfi vor mæld.
Á dúnsvæflum mjúkum að sofa er sæld,
en sæmir ei hraustum—þeir glíma við Hel.
Richard Beck.
Minnismerki um Amundsen.
Landkönnuðurinn mikli Roald Amundsen, var fæddur
árið 1872, og væri því 75 ára um þessar mundir, ef
hann lifði. Hann gat sér mikið frægðarorð er hann
fyrstur allra manna sigldi skipi sínu „Gjöa“, Norð-
vesturleiðina svonefndu, og gerði merkilegar vísinda-
rannsóknir á löndum og höfum norður undir heim-
skauti. Árið 1911 komst hann á Suðurheimskautið,
rúmum mánuði áður en Scott kafteinn náði þangað,
svo sem alkunnugt er. Síðar fór Amundsen merkilega
vísindaleiðangra norður í höf og flaug á loftfarinu
„Norge“ til Norðurheimskautsins. Amundsen fórst í
júnímánuði 1928, er hann gerði tilraun til að bjarga
ítalanum Nobile og mönnum hans, eftir að loftfar þeirra
hafði farizt norður undir heimskauti. Lagði Amundsen
af stað við sjötta mann í flugvél. Lögðu þeir upp frá
Tromsö 18. júní og spurðist aldrei til þeirra síðan. —
Amundsen var góður rithöfundur og skrifaði merkar
bækur um ferðir sínar.
ROALD AMUNDSEN
V I K I N G U R
261